လေဖြတ်နိုင်ခြေ အန္တရာယ်ကို လည်ပင်းသွေးလွတ်ကြောနှင့် ဦးနှောက်တွင်းသွေးကြော တီဗွီဓာတ်မှန် (Carotid and Transcranial Doppler Ultrasound)စစ်ဆေးမှုဖြင့် စောစီးစွာ ကြိုတင်သိရှိနိုင်ခြင်း

လေဖြတ်ခြင်း (Stroke) သည် မည်သည့်သိသာထင်ရှားသည့် ရှေ့ပြေးလက္ခဏာမှ ပြသခြင်းမရှိသူများတွင်ပင် ဖြစ်ပွားနိုင်ပါသည်။ လည်ပင်းသွေးလွတ်ကြော အာထရာဆောင်း (Carotid Doppler Ultrasonography) နှင့် ဦးနှောက်တွင်းသွေးကြော အာထရာဆောင်း (Transcranial Doppler Ultrasonography – TCD) စစ်ဆေးမှုများသည် ခန္ဓာကိုယ်အတွင်းသို့ ကိရိယာထည့်သွင်းရန်မလိုဘဲ လည်ပင်းနှင့် ဦးနှောက်အတွင်းရှိ အဓိကသွေးလွှတ်ကြောများ၏ သွေးလည်ပတ်စီးဆင်းမှုကို ဆန်းစစ်ပေးနိုင်သည့် ရောဂါရှာဖွေစစ်ဆေးနည်းများ ဖြစ်ကြပါသည်။ ယခုကဲ့သို့ စစ်ဆေးခြင်းဖြင့် လေဖြတ်နိုင်ခြေအန္တရာယ်ကို မြင့်တက်စေနိုင်သည့် ပုံမှန်မဟုတ်သော လက္ခဏာရပ်များကို ဆရာဝန်များက ရှာဖွေတွေ့ရှိနိုင်ပြီး စောစီးစွာ ကာကွယ်ကုသမှုအစီအမံများကို စနစ်တကျ ချမှတ်နိုင်မည်ဖြစ်ပါသည်။

လေဖြတ်ခြင်း – မည်သည့်လက္ခဏာမျှ ပြသခြင်းမရှိဘဲ အသံတိတ်အန္တရာယ်ပြုနိုင်သောအခြေအနေ

လေဖြတ်ခြင်း (Stroke) သည် ထင်ရှားသော လက္ခဏာတစ်စုံတစ်ရာ ပြသခြင်းမရှိဘဲ အသံတိတ်ဖြစ်ပွားလာနိုင်သည့် ပြင်းထန်သော ကျန်းမာရေးအခြေအနေတစ်ခု ဖြစ်ပါသည်။ သွေးလွှတ်ကြောအတွင်း အဆီခဲနှင့် အနယ်အနှစ်များ (Plaque) စုပုံနေသူအများစုသည် မိမိကိုယ်ကိုယ် ကျန်းမာသန်စွမ်းနေသည်ဟု ထင်မှတ်ကာ နေ့စဉ်လူနေမှုဘဝကို ပုံမှန်အတိုင်း ဖြတ်သန်းနေတတ်ကြသော်လည်း ရောဂါဖြစ်ပွားနိုင်ခြေ အန္တရာယ်မှာမူ အတွင်း၌ ကိန်းအောင်းနေပြီး ဖြစ်ပါသည်။

အချိန်ကြာလာသည်နှင့်အမျှ အဆိုပါ အဆီခဲနှင့် အနယ်အနှစ်များသည် ပိုမိုကြီးမားလာပြီး သွေးလွှတ်ကြောများကို ကျဉ်းမြောင်းသွားစေကာ ဦးနှောက်သို့ သွေးစီးဆင်းမှုကို လျော့နည်းစေပါသည်။ အချို့သောအခြေအနေများတွင် ထိုအဆီခဲ အစအနငယ်များသည် ပြုတ်ထွက်၍ သွေးကြောအတွင်း မျောပါသွားပြီး ဦးနှောက်အတွင်းရှိ သွေးကြောငယ်များကို ပိတ်ဆို့သွားစေနိုင်ပါသည်။ ယင်းသို့ ပိတ်ဆို့ခြင်းကြောင့် လေဖြတ်ခြင်းကို ဖြစ်ပေါ်စေကာ ခန္ဓာကိုယ်တစ်ခြမ်း မလှုပ်ရှားနိုင်ခြင်း၊ လေဖြတ်ဝေဒနာခံစားရခြင်း သို့မဟုတ် ဘဝတစ်သက်တာ ပြောင်းလဲသွားစေနိုင်သည့် အခြားသော နောက်ဆက်တွဲဆိုးကျိုးများကို ကြုံတွေ့ရနိုင်ပါသည်။

ထို့ကြောင့် ရောဂါလက္ခဏာများကို စောစီးစွာ ရှာဖွေဖော်ထုတ်ခြင်းနှင့် အချိန်မီ ကုသမှုခံယူခြင်းတို့သည် လေဖြတ်နိုင်ခြေအန္တရာယ်ကို လျှော့ချရန်နှင့် ရေရှည်တွင် ဦးနှောက်ကျန်းမာရေးကို ထိန်းသိမ်းကာကွယ်ရန်အတွက် အထိရောက်ဆုံးသော နည်းလမ်းများပင် ဖြစ်ပါသည်။

လည်ပင်းသွေးလွှတ်ကြော အာထရာဆောင်း နှင့် ဦးနှောက်သွေးကြော အာထရာဆောင်း (TCD) စစ်ဆေးမှုဆိုသည်မှာ အဘယ်နည်း။

ဤအာထရာဆောင်းစစ်ဆေးမှုများသည် ဦးနှောက်သို့ သွေးထောက်ပံ့ပေးနေသည့် သွေးလွှတ်ကြောများအတွင်း သွေးလှည့်ပတ်မှုကို ဆန်းစစ်ပေးသည့် နည်းလမ်းများ ဖြစ်ကြပါသည်။ ဦးနှောက်နှင့် လည်ပင်းအတွင်းရှိ သွေးကြောများကို ဘက်စုံပြည့်စုံစွာ စစ်ဆေးအကဲဖြတ်နိုင်ရန်အတွက် အပြန်အလှန် အထောက်အကူပြုသည့် အောက်ပါစစ်ဆေးမှု နှစ်ခုလုံးကို ပူးတွဲလုပ်ဆောင်လေ့ရှိပါသည်။

• လည်ပင်းသွေးလွှတ်ကြော အာထရာဆောင်း စစ်ဆေးခြင်း
• ဦးနှောက်သွေးကြောအာထရာဆောင်း (TCD) စစ်ဆေးခြင်း

ဤစစ်ဆေးမှုနှစ်ခုကို ပူးတွဲလုပ်ဆောင်ခြင်းဖြင့် လည်ပင်းမှတစ်ဆင့် ဦးနှောက်အတွင်းပိုင်းအထိ သွေးစီးဆင်းမှုအခြေအနေကို အသေးစိတ် တိကျစွာ အကဲဖြတ်ပေးနိုင်မည်ဖြစ်ပါသည်။

လည်ပင်းသွေးလွှတ်ကြော အာထရာဆောင်း စစ်ဆေးခြင်းက မည်သည့်အရာများကို ဆန်းစစ်ပေးသနည်း။

လည်ပင်းသွေးလွှတ်ကြော အာထရာဆောင်း (Carotid Doppler Ultrasonography) သည် နှလုံးမှတစ်ဆင့် အောက်ဆီဂျင်ပြည့်ဝသော သွေးများကို ဦးနှောက်သို့ ပို့ဆောင်ပေးသည့် လည်ပင်းတွင်ရှိသော အဓိကသွေးကြောကြီးများဖြစ်သည့် ကာရိုတစ် သွေးလွှတ်ကြောများကို စစ်ဆေးပေးခြင်း ဖြစ်ပါသည်။

ဤစစ်ဆေးမှုသည် အောက်ပါအခြေအနေများကို သိရှိနိုင်ရန် ကူညီပေးပါသည် –

• သွေးလွှတ်ကြောနံရံများတွင် အဆီခဲ၊ အနယ်အနှစ်များ သို့မဟုတ် ထုံးဓာတ် (Calcium) များ စုပုံနေခြင်း ရှိ၊ မရှိ
• လည်ပင်းသွေးလွှတ်ကြောများ ကျဉ်းမြောင်းလာခြင်း ရှိ၊ မရှိ
• ဦးနှောက်သို့ သွေးစီးဆင်းမှု လုံလောက်မှု ရှိ၊ မရှိ
• သွေးလွှတ်ကြောနံရံများ ပုံမှန်မဟုတ်ဘဲ ထူထဲလာခြင်း ရှိ၊ မရှိ

အကယ်၍ အဆီခဲစုပုံခြင်း သို့မဟုတ် သွေးလွှတ်ကြောကျဉ်းခြင်းများကို စစ်ဆေးတွေ့ရှိပါက ဆရာဝန်များအနေဖြင့် လူနာ၏ လေဖြတ်နိုင်ခြေအန္တရာယ်ကို ဆန်းစစ်နိုင်ပြီး သင့်လျော်သော ကြိုတင်ကာကွယ်မှုအစီအမံများကို လမ်းညွှန်ပေးနိုင်မည်ဖြစ်ပါသည်။

ဦးနှောက်သွေးကြောအာထရာဆောင်း (TCD) စစ်ဆေးခြင်းဆိုသည်မှာ အဘယ်နည်း။

ဦးနှောက်သွေးကြောအာထရာဆောင်း (Transcranial Doppler Ultrasonography – TCD) သည် ဦးနှောက်အတွင်းပိုင်းရှိ အဓိကသွေးလွှတ်ကြောများ၏ သွေးစီးဆင်းမှုကို ဆန်းစစ်ပေးသည့် စစ်ဆေးမှုဖြစ်ပါသည်။ ဤသွေးကြောများသည် လည်ပင်းမှတစ်ဆင့် ဆက်လက်ဝင်ရောက်လာသော သွေးကြောများဖြစ်ပြီး ဦးနှောက်တစ်ရှူးများထံသို့ သွေးလည်ပတ် စီးဆင်းစေရန် အဓိကတာဝန်ယူထားပါသည်။

ဦးနှောက်သွေးကြောအာထရာဆောင်း (TCD) သည် အောက်ပါအခြေအနေများကို ဆန်းစစ်ပေးပါသည် –

• ဦးနှောက်အတွင်းပိုင်းရှိ သွေးလွှတ်ကြောများ ကျဉ်းမြောင်းလာခြင်း
• ဦးနှောက်အတွင်းရှိ သွေးကြောများ ပိတ်ဆို့နေခြင်း
• ဦးနှောက်အတွင်း သွေးလှည့်ပတ်မှုကို ထိခိုက်စေနိုင်သည့် ပုံမှန်မဟုတ်သော သွေးစီးဆင်းမှုပုံစံများ

ဤစစ်ဆေးမှုကို လည်ပင်းသွေးလွှတ်ကြော အာထရာဆောင်း စစ်ဆေးခြင်းနှင့် တွဲဖက်လုပ်ဆောင်ပါက လည်ပင်းရှိ ကာရိုတစ်သွေးလွှတ်ကြောများမှသည် ဦးနှောက်အတွင်းပိုင်းရှိ အဓိကသွေးလွှတ်ကြောများအထိ သွေးစီးဆင်းမှုအခြေအနေတစ်ခုလုံးကို ဆရာဝန်များအနေဖြင့် ပိုမိုဘက်စုံပြည့်စုံစွာ မြင်တွေ့ဆန်းစစ်နိုင်မည်ဖြစ်ပါသည်။

ဦးနှောက်နှင့် လည်ပင်းသွေးကြော အာထရာဆောင်း စစ်ဆေးခြင်း၏ အကျိုးကျေးဇူးများ

• တိကျသေချာမှု မြင့်မားခြင်း – လည်ပင်းသွေးလွှတ်ကြော အာထရာဆောင်းနှင့် ဦးနှောက်သွေးကြောအာထရာဆောင်း (TCD) ကို ပူးတွဲလုပ်ဆောင်ပါက ရောဂါရှာဖွေစစ်ဆေးမှု တိကျသေချာမှုမှာ ရာခိုင်နှုန်းအားဖြင့် ၉၀ မှ ၉၈ အထိ ရှိပါသည်။
• ဓာတ်မှန်ဆိုးဆေး သုံးရန်မလိုခြင်း – စစ်ဆေးမှုပြုလုပ်ရာတွင် ခန္ဓာကိုယ်အတွင်းသို့ မည်သည့်ဓာတ်မှန်ဆိုးဆေး သို့မဟုတ် ဓာတ်ခွဲပစ္စည်းမျှ ထိုးသွင်းရန် မလိုအပ်ပါ။
• ကြာမြင့်ချိန်တိုတောင်းခြင်း – စစ်ဆေးမှုတစ်ခုလုံးအတွက် ၁၅ မိနစ်မှ ၂၀ မိနစ်ခန့်သာ ကြာမြင့်ပြီး အဖြေကို ချက်ချင်းသိရှိနိုင်ပါသည်။
• ဦးနှောက်အတွင်းနှင့် အပြင်ရှိ သွေးလွှတ်ကြောများကို ဘက်စုံပြည့်စုံစွာ ဆန်းစစ်နိုင်ခြင်း – လည်ပင်းနှင့် ဦးနှောက်အတွင်းပိုင်းရှိ သွေးလွှတ်ကြောနှစ်ခုလုံး၏ အခြေအနေကို စုံလင်စွာ စစ်ဆေးနိုင်ပါသည်။
• ထိရောက်သော ကြိုတင်ကာကွယ်မှုအစီအမံများကို ချမှတ်နိုင်ခြင်း – ဦးနှောက်အတွင်းရှိ သွေးကြောများ၏ အခြေအနေကို အသေးစိတ် ဆန်းစစ်ပေးနိုင်သဖြင့် လူနာတစ်ဦးချင်းစီနှင့် ကိုက်ညီမည့် စနစ်တကျ စောင့်ရှောက်မှုနှင့် ကြိုတင်ကာကွယ်မှု အစီအစဉ်များကို လမ်းညွှန်ပေးနိုင်ပါသည်။

မည်သူများ လေဖြတ်နိုင်ခြေ စစ်ဆေးမှုကို ခံယူသင့်သနည်း။

• အသက် ၄၀ နှစ်နှင့်အထက် ရှိသူများ
• ဆေးလိပ် သို့မဟုတ် အရက်ကို ပုံမှန်သောက်သုံးလေ့ရှိသူများ
• အောက်ပါ နာတာရှည်ကျန်းမာရေးပြဿနာ ရှိသူများ –
  • ဆီးချိုရောဂါ
  • သွေးတိုးရောဂါ
  • သွေးတွင်းအဆီဓာတ် မြင့်မားခြင်း
  • ကိုယ်အလေးချိန်လွန်ကဲခြင်း သို့မဟုတ် အဝလွန်ခြင်း
• အောက်ပါ ရောဂါရာဇဝင် မိသားစုမျိုးရိုးရှိသူများ –
  • နှလုံးသွေးလွှတ်ကြောကျဉ်းရောဂါ
  • လေဖြတ်ခြင်း သို့မဟုတ် ဦးနှောက်သွေးကြောရောဂါ

ဝေ့ဌာနီဆေးရုံကြီး၏ ဦးနှောက်နှင့်အာရုံကြောအထူးကုဌာန (Neuroscience Center) တွင် တိကျသေချာသော ရောဂါရှာဖွေဆန်းစစ်မှုများ ရရှိစေရန်နှင့် ရေရှည်စောင့်ရှောက်မှုနှင့် လေဖြတ်ခြင်းမှ ကြိုတင်ကာကွယ်နိုင်မည့် တစ်ဦးချင်းစီအတွက် သင့်လျော်သော လမ်းညွှန်ချက်များ ပေးနိုင်ရန် အထူးကုဆရာဝန်ကြီးများအဖွဲ့ကိုယ်တိုင် လည်ပင်းသွေးလွှတ်ကြောနှင့် ဦးနှောက်သွေးကြောအာထရာဆောင်း စစ်ဆေးမှုများကို ပြုလုပ်ပေးလျက်ရှိပါသည်။

ဦးနှောက်နှင့် လည်ပင်းသွေးလွှတ်ကြောများတွင် အဆီခဲစုပုံခြင်းအတွက် ကုသမှုနည်းလမ်းများ

အကယ်၍ စစ်ဆေးမှုများ၌ သွေးလွှတ်ကြောများအတွင်း အဆီခဲစုပုံနေခြင်းကို တွေ့ရှိရပါက ကုသမှုနည်းလမ်းများကို ရောဂါအခြေအနေ ပြင်းထန်မှုအပေါ် မူတည်၍ ဆုံးဖြတ်ရွေးချယ်ရမည်ဖြစ်ပါသည်။

• ဆေးဝါးဖြင့် ကုသခြင်း (Medical Management) – သွေးကြောကျဉ်းခြင်းအခြေအနေ အနည်းငယ်မှ အသင့်အတင့်သာရှိပါက ဆေးဝါးဖြင့် ကုသခြင်းသည် ပထမဦးစားပေး နည်းလမ်းဖြစ်ပါသည်။ ဤဆေးဝါးများသည် အဆီခဲများ ပိုမိုစုပုံလာခြင်းကို ထိန်းချုပ်ပေးနိုင်ပြီး သွေးကြောပိတ်ဆို့နိုင်ခြေအန္တရာယ်ကို လျှော့ချပေးပါသည်။
• လည်ပင်းသွေးလွှတ်ကြောအတွင်း ပိုက်ထည့်၍ ချဲ့ခြင်း (Carotid Artery Stenting) – သွေးကြောသိသိသာသာ ကျဉ်းမြောင်းသွားပြီး ဦးနှောက်သို့ သွေးစီးဆင်းမှုကို အဟန့်အတားဖြစ်စေသည့် အခြေအနေများတွင် သွေးကြောကို ပြန်လည်ကျယ်လာစေရန်နှင့် သွေးလည်ပတ်မှုကောင်းမွန်စေရန် သွေးကြောအတွင်း စတန့် (Stent) ခေါ် သတ္တုပိုက်ငယ် ထည့်သွင်း၍ ကုသနိုင်ပါသည်။
• ခွဲစိတ်၍ သွေးကြောအတွင်းရှိ အဆီခဲများကို ဖယ်ရှားခြင်း (Carotid Endarterectomy) – လည်ပင်းသွေးလွှတ်ကြော အလွန်အမင်းကျဉ်းမြောင်းနေသည့် အခြေအနေများတွင် နောင်တစ်ချိန်၌ လေဖြတ်နိုင်ခြေအန္တရာယ်ကို လျှော့ချရန်အတွက် သွေးကြောအတွင်းရှိ အဆီခဲနှင့် အနယ်အနှစ်များကို ခွဲစိတ်ဖယ်ရှားသည့် ကုသမှုကို အကြံပြုနိုင်ပါသည်။

စောစီးစွာ စစ်ဆေးတွေ့ရှိခြင်းဖြင့် လေဖြတ်နိုင်ခြေအန္တရာယ်ကို ကာကွယ်နိုင်ပါသည်။

လည်ပင်းသွေးလွှတ်ကြောနှင့် ဦးနှောက်သွေးကြောအာထရာဆောင်း စစ်ဆေးခြင်းကဲ့သို့သော ဦးနှောက်နှင့် လည်ပင်းသွေးကြောဆိုင်ရာ အာထရာဆောင်း စစ်ဆေးမှုများသည် ရောဂါလက္ခဏာများ မပြသမီ သွေးကြောဆိုင်ရာ ပုံမှန်မဟုတ်မှုများကို ကြိုတင်ဖော်ထုတ်နိုင်သည့် ထိရောက်သော နည်းလမ်းများ ဖြစ်ကြပြီး အထူးသဖြင့် ရောဂါဖြစ်ပွားနိုင်ခြေ အန္တရာယ်ရှိသူများအတွက် ပိုမိုအရေးကြီးပါသည်။ ပုံမှန်မဟုတ်သော လက္ခဏာရပ်များကို စောစီးစွာ ရှာဖွေတွေ့ရှိခြင်းဖြင့် အချိန်မီ ကုသမှုပေးနိုင်ခြင်းနှင့် တစ်ဦးချင်းစီနှင့် ကိုက်ညီမည့် စနစ်တကျ စောင့်ရှောက်မှုများကို ပေးစွမ်းနိုင်ကာ နောင်တစ်ချိန်တွင် ကြုံတွေ့ရနိုင်သည့် ပြင်းထန်သော နောက်ဆက်တွဲ ဆိုးကျိုးများကို လျှော့ချပေးနိုင်မည်ဖြစ်ပါသည်။

အမေးများသော မေးခွန်းများ (FAQs)

အသေးစိတ်အချက်အလက်များကို ထပ်မံသိရှိလိုပါက ဆက်သွယ်ရန် –
ဦးနှောက်နှင့်အာရုံကြောအထူးကုဌာန၊ ဝေ့ဌာနီနိုင်ငံတကာအထူးကုဆေးရုံကြီး
ဖုန်း – (+66)2-734-0000 လိုင်းခွဲ 5400
မြန်မာဘာသာဖြင့် ဆက်သွယ်ရန် – (+66)63-853-2447

Medically Reviewed by

DR. VONGKANOK KOWATANAMONGKON

Neurology

Medical Neurology - Stroke and Vascular

ဘိုကင်တင်ရန် Doctor Profile

Related Posts

See All

နှလုံးသွေးကြောလမ်းကြောင်းလွှဲ ခွဲစိတ်ကုသခြင်း (CABG) – နှလုံးသွေးကြောကျဥ်းရောဂါကိုထိရောက်စွာကုသခြင်း

နှလုံးသွေးကြောကျဉ်းရောဂါသည် နှလုံးသို့ အောက်ဆီဂျင်ပါသော သွေးများကို ပို့ဆောင်ပေးသည့် သွေးကြောများ ကျဉ်းမြောင်းလာခြင်း သို့မဟုတ် ပိတ်ဆို့ခြင်းကြောင့် ဖြစ်ပေါ်သော နှလုံးရောဂါအခြေအနေဖြစ်သည်။ နှလုံးသွေးကြောလမ်းကြောင်းလွှဲ ခွဲစိတ်ကုသခြင်း (CABG) တွင် on-pump ခေါ် ရိုးရာခွဲစိတ်ကုသမှုနည်းလမ်းနှင့် နည်းပညာအသစ်ဖြစ်သည့် off-pump CABG ဟူ၍ နှစ်မျိုးရှိသည်။ နည်းလမ်းနှစ်ခုစလုံးသည် နှလုံးသွေးကြောကျဉ်းရောဂါအတွက် ထိရောက်သော ကုသမှုများဖြစ်သည်။ သမားရိုးကျ On-Pump နှလုံးသွေးကြောလမ်းကြောင်းလွှဲ ခွဲစိတ်ကုသခြင်း On-pump CABG ခွဲစိတ်မှုကို ဆယ်စုနှစ်များစွာ အောင်မြင်စွာ လုပ်ဆောင်ခဲ့ပြီးဖြစ်သည်။ ဤအဖွင့်နှလုံးခွဲစိတ်မှုတွင် နှလုံးနှင့် အဆုတ်စက် (heart-lung machine) ကို အသုံးပြု၍ အောက်ဆီဂျင်ပါသော သွေးများကို နှလုံးသို့ ခေတ္တခဏ ပန့်ဖြင့် ပို့ဆောင်ပေးသည်။ ၎င်းက ခွဲစိတ်ဆရာဝန်များအား ပိုမိုလွယ်ကူစွာ ခွဲစိတ်နိုင်စေပြီး ရောဂါဖြစ်နေသော […]

ကျန်းမာရေးဆိုင်ရာ စာစောင်များ

ဂလိုင်အိုးမား (Glioma)နှင့် ဂလိုင်အိုဗလက်စတိုးမား (Glioblastoma): ဘာတွေကွာခြားသလဲ

ဦးနှောက်အကျိတ် ဖြစ်ပွားနေကြောင်း သိရှိရခြင်းသည် စိုးရိမ်ပူပန်မှု အလွန်ကြီးမားရသော အခြေအနေတစ်ခုဖြစ်ပြီး ဆေးပညာဆိုင်ရာ အသုံးအနှုန်းများကြောင့်လည်း ပိုမိုရှုပ်ထွေး ဝေခွဲမရ ဖြစ်တတ်ကြပါသည်။ လူနာများ မကြာခဏ ကြားရလေ့ရှိသည့် အသုံးအနှုန်း နှစ်ခုမှာ “Glioma” (ဂလိုင်အိုးမား) နှင့် “Glioblastoma” (ဂလိုင်အိုဗလက်စတိုးမား) တို့ ဖြစ်ကြသည်။ ၎င်းတို့သည် အသံထွက်ချင်း အလွန်ဆင်တူသော်လည်း Glioma နှင့် Glioblastoma အကြား ကွာခြားချက်ကို သေချာစွာ နားလည်သဘောပေါက်ခြင်းက ကုသမှုလမ်းကြောင်းနှင့် ရှေ့ဆက်ဖြစ်ပေါ်လာနိုင်မည့် အခြေအနေများကို သိရှိနိုင်ရန်အတွက် အလွန်အရေးကြီးပါသည်။ ဝေ့ဌာနီနိုင်ငံတကာအထူးကုဆေးရုံကြီးမှ ထုတ်ပြန်ထားသော ယခုလမ်းညွှန်ချက်သည် အဆိုပါရောဂါများမှာ မည်သည့်အရာများဖြစ်ကြောင်း၊ ၎င်းတို့ မည်သို့ဆက်စပ်နေပြီး မည်သို့ကွာခြားသည်ကို နားလည်သဘောပေါက်စေရန် ဆေးပညာဆိုင်ရာ အသုံးအနှုန်းခက်ခဲမှုများကို ရိုးရှင်းအောင် ရှင်းလင်းတင်ပြထားခြင်း ဖြစ်ပါသည်။ ဂလိုင်အိုဗလက်စတိုးမား (Glioblastoma) သည် […]

ကျန်းမာရေးဆိုင်ရာ စာစောင်များ