အစာအိမ်မှန်ပြောင်း ကြည့်ရှုစစ်ဆေးခြင်းသည် အစာအိမ်ကင်ဆာကို စောစီးစွာ ရှာဖွေဖော်ထုတ်နိုင်သည်

အစာအိမ်ကင်ဆာ သည် အစောပိုင်းအဆင့်များတွင် ရောဂါလက္ခဏာပြလေ့မရှိသောကြောင့် လူနာအများစုမှာ ရောဂါရင့်လာသည့်တိုင်အောင် မိမိတွင် ရောဂါရှိနေသည်ကို သတိမထားမိတတ်ကြပါ။

ဤကဲ့သို့ တိတ်တဆိတ်ဖြစ်ပွားတတ်သော ရောဂါကို စောစီးစွာသိရှိနိုင်ရန် အထိရောက်ဆုံးနည်းလမ်းမှာ အစာအိမ်မှန်ပြောင်း (Gastroscopy) ကြည့်ရှုခြင်း ပင် ဖြစ်ပါသည်။ ဤစစ်ဆေးမှုသည် ဘေးကင်းခြင်း၊ တိကျခြင်း၊ ကြာမြင့်ချိန်တိုတောင်းခြင်းနှင့် ခံစားရသည့် မသက်မသာဖြစ်မှု အနည်းဆုံးဖြစ်ခြင်း စသည့် အကျိုးကျေးဇူးများရှိသည့်အပြင် ရောဂါမပြန့်ပွားမီ အစောပိုင်းအဆင့်မှာပင် ပုံမှန်မဟုတ်သော အခြေအနေများကို ရှာဖွေဖော်ထုတ်ပေးနိုင်ပါသည်။

အစာအိမ်မှန်ပြောင်း ဖြင့် စစ်ဆေးမှုကို အဘယ်ကြောင့် ရွေးချယ်သင့်သနည်း?

1. အစာအိမ်အနာ၊ အသားပို သို့မဟုတ် အစောပိုင်းအဆင့် အစာအိမ်ကင်ဆာကဲ့သို့သော ပုံမှန်မဟုတ်သည့် အခြေအနေများကို စစ်ဆေးတွေ့ရှိနိုင်ခြင်း။
2. ခေတ်မီနည်းပညာများကြောင့် လျင်မြန်ဘေးကင်းပြီး နာကျင်မှုအနည်းဆုံးဖြစ်ခြင်း။
3. အစာအိမ်နှင့် အူလမ်းကြောင်းဆိုင်ရာ အထူးကုဆရာဝန်ကြီးများ၏ ကျွမ်းကျင်သော လမ်းညွှန်မှုနှင့် တိကျသည့် စစ်ဆေးမှုရလဒ်များကို ရရှိနိုင်ခြင်း။

မည်သူများ အစာအိမ်မှန်ပြောင်း ကြည့်သင့်သနည်း?

1. အစာမကြေခြင်းနှင့် နာတာရှည် လေပွခြင်း ဝေဒနာခံစားနေရသူများ။
2. မိသားစုမျိုးရိုးအတွင်း အစာအိမ်ကင်ဆာဖြစ်ပွားဖူးသူများ။
3. H. pylori (အစာအိမ်ပိုး) ကူးစက်ခံထားရဖူးသည့် ရာဇဝင်ရှိသူများ။
4. အသက် (၄၀) နှစ်နှင့်အထက် အစာအိမ်မှန်ပြောင်း တစ်ကြိမ်တစ်ခါမျှ မရိုက်ဖူးသေးသူများ။

အစာအိမ်မှန်ပြောင်းကြည့်ရှုခြင်းသည် အစာအိမ်ကင်ဆာကို ကြိုတင်စစ်ဆေးရန် အထိရောက်ဆုံးသော နည်းလမ်းတစ်ခုဖြစ်ပါသည်။ စောစီးစွာ စစ်ဆေးခြင်းဖြင့် အချိန်မီကုသမှုခံယူနိုင်ပြီး ရောဂါပျောက်ကင်းနိုင်ခြေကို သိသိသာသာ မြင့်တက်စေပါသည်။ သင် သို့မဟုတ် သင့်ချစ်ခင်ရသူများတွင် ပုံမှန်မဟုတ်သော လက္ခဏာများရှိနေခြင်း သို့မဟုတ် ရောဂါဖြစ်နိုင်ခြေမြင့်မားသည့် အုပ်စုတွင် ပါဝင်နေပါက လိုအပ်သော စစ်ဆေးမှုနှင့် စောင့်ရှောက်မှုများခံယူရန် ဆရာဝန်နှင့် တိုင်ပင်ဆွေးနွေးသင့်ပါသည်။

အသေးစိတ်အချက်အလက်များ သိရှိလိုပါက ဆက်သွယ်ရန် –
အစာအိမ်နှင့် အသည်းရောဂါအထူးကုဌာန၊ ဝေ့ဌာနီနိုင်ငံတကာအထူးကုဆေးရုံကြီး
ဖုန်း – (+66) 2-734-0000 လိုင်းခွဲ 2960, 2961, 2966
မြန်မာဟော့လိုင်း – (+66)63-853-2447

Medically Reviewed by

DR. Sukprasert Jutaghokiat

Internal Medicine

Gastroenterology and Hepatology

ဘိုကင်တင်ရန် Doctor Profile

Related Posts

See All

ကျောရိုးဆစ်ပြားကျွံခြင်း (Herniated Disc) – ကြွက်သားညောင်းညာခြင်းထက် ပိုမိုဆိုးရွားသော ခါးနာဝေဒနာ

ခါးအောက်ပိုင်း နာကျင်ခြင်းသည် အဖြစ်များသော ကျန်းမာရေးပြဿနာတစ်ခု ဖြစ်ပါသည်။ သို့သော် နာကျင်သည့်ဝေဒနာသည် တင်ပါး၊ ခြေထောက် သို့မဟုတ် ခြေချောင်းများသို့ စိမ့်ဝင်ပျံ့နှံ့သွားပြီး အထူးသဖြင့် ထုံကျင်ခြင်း၊ စပ်ဖျင်းဖျင်းဖြစ်ခြင်း သို့မဟုတ် အားနည်းခြင်းတို့နှင့် ဒွန်တွဲခံစားရပါက ကျောရိုးဆစ်ပြားကျွံခြင်း ၏ လက္ခဏာတစ်ခု ဖြစ်နိုင်ပါသည်။ ကျောရိုးဆစ်ပြားကျွံခြင်း ဆိုသည်မှာ ကျောရိုးဆစ်ပြား၏ အပြင်လွှာ စုတ်ပြဲသွားပြီး အတွင်းမှ ပျော့ပျောင်းသော အစိတ်အပိုင်းကျွံထွက်ကာ အနီးရှိ အာရုံကြောများကို သွားရောက်ဖိညှပ်မိခြင်းဖြစ်ပါသည်။ ယင်းသည် အသက်အရွယ်ကြောင့် ပျက်စီးယိုယွင်းခြင်း၊ ကျောရိုးပေါ်သို့ ထပ်ခါတလဲလဲ အားသက်ရောက်မှုရှိခြင်း သို့မဟုတ် ထိခိုက်ဒဏ်ရာရခြင်းတို့ကြောင့် ဖြစ်ပွားနိုင်ပါသည်။ ကုသမှုနည်းလမ်းသည် ဝေဒနာခံစားရမှု ပမာဏနှင့် အာရုံကြော ထိခိုက်မှုအခြေအနေပေါ် မူတည်ပါသည်။ လူနာအများစုမှာ ခွဲစိတ်ရန်မလိုသော ကုသနည်းများဖြင့် ပြန်လည်သက်သာကောင်းမွန်နိုင်သော်လည်း ခွဲစိတ်ကုသရန် လိုအပ်သည့်အခါတွင်မူ မှန်ပြောင်းသုံး […]

ကျန်းမာရေးဆိုင်ရာ စာစောင်များ

ပခုံးအရွတ်စုတ်ပြဲခြင်း (Rotator Cuff Tear) – ထိခိုက်ပျက်စီးသွားသော ပခုံးအရွတ်များကို ရောဂါရှာဖွေစစ်ဆေးခြင်းနှင့် ကုသခြင်း

ပခုံးအရွတ်စုတ်ပြဲခြင်း သည် ပခုံးလှုပ်ရှားနိုင်စွမ်း၊ သန်မာမှုနှင့် နေ့စဉ်လှုပ်ရှားမှုများကို ထိခိုက်စေသည့် ပခုံးအရွတ်တစ်ချောင်း သို့မဟုတ် တစ်ချောင်းထက်ပို၍ ပျက်စီးခြင်း၊ စုတ်ပြဲခြင်းတို့ကြောင့် ဖြစ်ပွားလေ့ရှိသော အတွေ့ရများသည့် ပခုံးရောဂါအခြေအနေတစ်ခု ဖြစ်ပါသည်။ ဤရောဂါအခြေအနေသည် အရွတ်များ တဖြည်းဖြည်း ယိုယွင်းပျက်စီးလာခြင်းကြောင့်လည်းကောင်း၊ သို့မဟုတ် ထိခိုက်ဒဏ်ရာရရှိပြီးနောက် ရုတ်တရက်လည်းကောင်း ဖြစ်ပွားနိုင်ပါသည်။ ရောဂါရှာဖွေစစ်ဆေးခြင်းနှင့် ကုသခြင်းတို့သည် စုတ်ပြဲမှု ပြင်းထန်မှုအခြေအနေနှင့် လူနာတစ်ဦးချင်းစီ၏ အခြေအနေပေါ်တွင် မူတည်ပါသည်။ ကုသမှုနည်းလမ်းများတွင် ကာယကုထုံးခံယူခြင်းနှင့် နေ့စဉ်လှုပ်ရှားမှုများကို ပြုပြင်ပြောင်းလဲခြင်းကဲ့သို့သော ခွဲစိတ်မှုမလိုသည့် ကုသနည်းများမှစ၍ တစ်ရှူးများ ပျက်စီးမှုကို လျှော့ချပေးပြီး ထိခိုက်ထားသော အရွတ်များကို ပြန်လည်ပြင်ဆင်ပေးနိုင်သည့် ဒဏ်ရာသေး မှန်ပြောင်းသုံး ပခုံးခွဲစိတ်ကုသခြင်း အပါအဝင် အဆင့်မြင့် ခွဲစိတ်ကုသမှု နည်းပညာများအထိ ပါဝင်ပါသည်။ ပခုံးနာကျင်မှု ကုသရေးဆိုင်ရာ တိုးတက်လာမှုများနှင့်အတူ ခေတ်မီ ရောဂါရှာဖွေရေး […]

ကျန်းမာရေးဆိုင်ရာ စာစောင်များ