ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) – အကျိုးကျေးဇူးများ၊ ဘေးထွက်ဆိုးကျိုးများ၊ အောင်မြင်မှုနှုန်းနှင့် ကုသမှုခံယူရန် သင့်တော်သူများ

ပါကင်ဆန်ရောဂါသည် တုန်ယင်ခြင်းတစ်မျိုးတည်းသာမက ဘဝ၏ ခန္ဓာကိုယ်ဟန်ချက်ညီမှုကို ထိခိုက်စေနိုင်ပြီး လူမှုရေးနယ်ပယ်တွင် ယုံကြည်မှုလျော့နည်းစေနိုင်သည့် ရောဂါလည်း ဖြစ်ပါသည်။ သောက်ဆေးများ ထိရောက်မှု မရှိတော့သည့် သို့မဟုတ် ရောဂါလက္ခဏာများကို ထိန်းချုပ်ရန် ခက်ခဲနေသည့် ဝေဒနာရှင်များအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) ပါကင်ဆန်ရောဂါ ကုသမှုသည် ရွေးချယ်နိုင်သော ကုသမှုနည်းလမ်းတစ်ခု ဖြစ်ပါသည်။

ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) ဆိုသည်မှာ အဘယ်နည်း။

ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) ကုသမှုသည် ရောဂါကြောင့်ဖြစ်ပေါ်သော လှုပ်ရှားမှုဆိုင်ရာ လက္ခဏာများကို ထိန်းချုပ်ရန် ခန္ဓာကိုယ်အတွင်း သေးငယ်သော စက်ပစ္စည်းတစ်ခု ထည့်သွင်းကုသသည့် နည်းလမ်းဖြစ်ပါသည်။ ဆရာဝန်များသည် လှုပ်ရှားမှုကို ထိန်းချုပ်ပေးသော ဦးနှောက်၏ သီးသန့်ဧရိယာများအတွင်းသို့ သေးငယ်သည့် အီလက်ထရုတ် (Electrodes) ဝိုင်ယာကြိုးများကို ထည့်သွင်းပေးပါသည်။ ထိုအီလက်ထရုတ်များမှ ငြင်သာသော လျှပ်စစ်လှိုင်းများကို ပေးပို့ကာ လက်တုန်ခြင်း၊ ကြွက်သားတောင့်တင်းခြင်းနှင့် လှုပ်ရှားမှု နှေးကွေးခြင်းစသည့် ရောဂါလက္ခဏာများကို လျော့ပါးစေပါသည်။ ဦးနှောက်၏ ပုံမှန်မဟုတ်သော လှုပ်ရှားမှုများကို ပြန်လည်ညှိနှိုင်းပေးနိုင်သောကြောင့် အများစုက DBS ကို “ဦးနှောက်နှလုံးခုန်စက် (Brain Pacemaker)” ဟုလည်း ခေါ်ဆိုကြပါသည်။

ပါကင်ဆန်ရောဂါအတွက် DBS သည် လက်တွေ့တွင် မည်သို့အလုပ်လုပ်သနည်း။

DBS သည် လှုပ်ရှားမှုကို ထိန်းချုပ်သည့် ဦးနှောက်၏ သီးသန့်နေရာများသို့ မပြတ်သော လျှပ်စစ်လှိုင်းများကို ပေးပို့ပေးပါသည်။ ထိုလှိုင်းများသည် ဦးနှောက်၏ သတင်းအချက်အလက် ပေးပို့မှုစနစ်ကို ပိုမိုချောမွေ့စေပြီး လှုပ်ရှားမှု ထိန်းချုပ်နိုင်စွမ်းကို တိုးတက်စေပါသည်။

ဆရာဝန်များသည် လှုပ်ရှားမှုကို ထိန်းချုပ်သည့် ဦးနှောက်နေရာများသို့ ငြင်သာသော လျှပ်စစ်စွမ်းအင် လှိုင်းတိုများကို ပေးပို့ရန် ပါကင်ဆန်ရောဂါအတွက် DBS ကုထုံးကို အသုံးပြုကြပါသည်။ ထိုစွမ်းအင်လှိုင်းများသည် ပုံမှန်မဟုတ်သော လျှပ်စစ်လှိုင်းများကို ပြုပြင်ပေးသည့်အတွက် ကိုယ်ခန္ဓာလှုပ်ရှားမှုများကို ပိုမိုချောမွေ့ပြီး ထိန်းချုပ်ရလွယ်ကူစေပါသည်။

ဤစနစ်တွင် အဓိက အစိတ်အပိုင်း ၃ ခု ပါဝင်ပါသည် –

• ဦးနှောက်အတွင်း ထည့်သွင်းထားသော အီလက်ထရုတ်များ (Electrodes)
• ညှပ်ရိုးအနီးတွင် ထည့်သွင်းထားသော လျှပ်စစ်လှိုင်းထုတ်စက် (Pulse Generator) (နှလုံးခုန်စက်နှင့် ဆင်တူပါသည်)
• အရေပြားအောက်မှ သွယ်တန်းထားသော ဆက်ကြောင်းဝိုင်ယာကြိုး (Connecting Wire)

ခွဲစိတ်ကုသမှုပြုလုပ်ပြီးနောက် ဆရာဝန်များသည် DBS စနစ်ကို စတင်အသက်သွင်းကာ လိုအပ်သော ဆက်တင်များကို ထည့်သွင်းပေးပါသည်။ ထို့နောက် ဤစနစ်သည် တစ်နေ့တာလုံး ခန္ဓာကိုယ်၏ ရောဂါလက္ခဏာများကို ထိန်းချုပ်ပေးရန် စဉ်ဆက်မပြတ် ဆက်လက်အလုပ်လုပ်ဆောင်ပေးမည် ဖြစ်ပါသည်။

ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) ကုသမှု ခံယူရန် သင့်တော်သူများမှာ မည်သူတို့နည်း။

သောက်ဆေးတစ်မျိုးတည်းဖြင့် ရောဂါလက္ခဏာများကို ကောင်းစွာမထိန်းချုပ်နိုင်တော့သည့် ဝေဒနာရှင်များအတွက် ဆရာဝန်များသည် DBS ကုသမှုနည်းလမ်းကို စဉ်းစားလေ့ရှိကြပါသည်။ DBS ကုသမှု အထောက်အကူပြုနိုင်ခြင်း ရှိ/မရှိ ဆုံးဖြတ်ရာတွင် အဓိကကျသော အချက်တစ်ခုမှာ ဝေဒနာရှင်သည် လက်ရှိတွင် လီဗိုဒိုပါ (Levodopa) ဆေးပေါ်၌ တုံ့ပြန်မှု မည်မျှကောင်းမွန်နေသေးသနည်းဆိုသည့် အချက်ဖြစ်ပါသည်။

ယေဘုယျအားဖြင့် DBS ခွဲစိတ်ကုသမှု ခံယူရန် သင့်တော်သူများမှာ –

• အကြောင်းရင်း အတိအကျမသိရှိရသော ပါကင်ဆန်ရောဂါ (Idiopathic Parkinson’s disease) ရှိသူများ
• အချိန်ကြာလာသည်နှင့်အမျှ ဆေး၏ အာနိသင်တည်ငြိမ်မှု လျော့နည်းလာသော်လည်း လီဗိုဒိုပါ (Levodopa) ဆေးပေါ်တွင် တုံ့ပြန်မှု ရှိနေဆဲ ဝေဒနာရှင်များ
• ဆေးဝါးများကို ကာလရှည်ကြာ အသုံးပြုခြင်းကြောင့် ဖြစ်ပေါ်လာသည့် မလိုလားအပ်သော လှုပ်ရှားမှုများ (Dyskinesia) သို့မဟုတ် လှုပ်ရှားမှု မတည်ငြိမ်ခြင်းများ (Motor fluctuations) ကို ခံစားနေရသူများ
• သောက်ဆေးဖြင့် လုံးဝမထိန်းချုပ်နိုင်သည့် လက်တုန်ခြင်း/ခန္ဓာကိုယ်တုန်ယင်ခြင်းများ ရှိသူများ
• ဉာဏ်ရည်ဉာဏ်သွေး သို့မဟုတ် မှတ်ဉာဏ်ဆိုင်ရာ ကြီးမားသော ပြဿနာများမရှိဘဲ အထွေထွေ ကျန်းမာရေးကောင်းမွန်သူများ

DBS သည် ပါကင်ဆန်ရောဂါ၏ မည်သည့်လက္ခဏာများကို သက်သာပျောက်ကင်းစေနိုင်ပြီး မည်သည့်လက္ခဏာများကိုမူ သိသာစွာ မသက်သာစေနိုင်သနည်း။

ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) သည် အထူးသဖြင့် သောက်ဆေးများဖြင့် ထိန်းချုပ်ရန် ခက်ခဲတော့သည့် ဝေဒနာရှင်များ၏ လှုပ်ရှားမှုဆိုင်ရာ ရောဂါလက္ခဏာများကို အဓိကထား ကုသပေးခြင်းဖြစ်ပါသည်။

DBS မှ သက်သာကောင်းမွန်စေနိုင်သော လက္ခဏာများ –

• တုန်ယင်ခြင်း (Tremor)
• ကြွက်သားများ တောင့်တင်းခြင်း (Muscle stiffness)
• လှုပ်ရှားမှု နှေးကွေးခြင်း (Slowness of movement)
• လက္ခဏာ မတည်ငြိမ်ခြင်းများ (“On-off” မကြာခဏဖြစ်ပေါ်သည့် လှုပ်ရှားမှုပြောင်းလဲမှုများ)
• ဆေးဝါး ကာလရှည်သုံးစွဲမှုကြောင့် ဖြစ်ပေါ်သော မလိုလားအပ်သည့် လှုပ်ရှားမှုများ (Dyskinesia)

DBS ကုသမှု ခံယူထားသော ပါကင်ဆန်ရောဂါသည် အများစုသည် ကိုယ်ခန္ဓာလှုပ်ရှားမှုများ ပိုမိုချောမွေ့လာပြီး နေ့စဉ် လုပ်ငန်းဆောင်တာများကို ပိုမိုတည်ငြိမ်စွာ လုပ်ဆောင်နိုင်ကြောင်း ထုတ်ဖော်ပြောကြားကြပါသည်။

DBS မှ သိသာစွာ မသက်သာစေနိုင်သော လက္ခဏာများ –

DBS သည် လှုပ်ရှားမှုဆိုင်ရာ လက္ခဏာများကို အထောက်အကူပြုသော်လည်း ပါကင်ဆန်ရောဂါ၏ လက္ခဏာတိုင်းကို ကုသပေးနိုင်ခြင်း မရှိပါ။ အောက်ပါ လက္ခဏာများကို သိသာစွာ သက်သာမစေနိုင်ပါ –

• ဟန်ချက်ထိန်းရခက်ခဲခြင်းနှင့် မကြာခဏ ချော်လဲခြင်း
• ရောဂါရင့်လာချိန်တွင် ခြေလှမ်းများ မလှမ်းနိုင်ဘဲ ခေတ္တရပ်တန့်သွားခြင်း (Freezing of gait)
• စကားပြောရခက်ခြင်း သို့မဟုတ် အစာမျိုရခက်ခဲခြင်း
• မှတ်ဉာဏ် လျော့နည်းလာခြင်း သို့မဟုတ် ဉာဏ်ရည်ဉာဏ်သွေး ကျဆင်းလာခြင်း

ထို့ကြောင့် ဆရာဝန်များသည် ပါကင်ဆန်ရောဂါအတွက် DBS ခွဲစိတ်ကုသမှု မပြုမီ ဝေဒနာရှင်တစ်ဦးချင်းစီကို သေချာစွာ စစ်ဆေးအကဲဖြတ်ကြခြင်း ဖြစ်ပါသည်။ ဝေဒနာရှင်၏ လက္ခဏာများသည် DBS မှ သက်သာ စေနိုင်သော လက္ခဏာများနှင့် ကိုက်ညီမှု ရှိ/မရှိ စိစစ်ပြီး လက်တွေ့ကျသော မျှော်လင့်ချက်များကို တည်ဆောက်နိုင်ရန် ကူညီပေးပါသည်။

ပါကင်ဆန်ရောဂါအတွက် DBS ကုသမှု၏ အောင်မြင်မှုနှုန်း – ဝေဒနာရှင်များအနေဖြင့် မည်သည့်ရလဒ်များကို မျှော်လင့်နိုင်သနည်း။

ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) သည် ပါကင်ဆန်ရောဂါ ခံစားနေရသူ အများအပြားအတွက် ကြီးမားသော ပြောင်းလဲမှုများကို ဆောင်ကြဉ်းပေးနိုင်ပါသည်။ ကုသမှုရလဒ်များသည် တစ်ဦးနှင့်တစ်ဦး မတူညီနိုင်သော်လည်း ဝေဒနာရှင် အများအပြားသည် ကုသမှု ခံယူပြီးနောက် ရောဂါလက္ခဏာများကို ပိုမိုလွယ်ကူစွာ ထိန်းချုပ်နိုင်လာကြပါသည်။

ကုသမှုရလဒ် ပေါ်ထွက်လာခြင်းအပေါ် အောက်ပါအချက်များအပါအဝင် အကြောင်းအရင်း အတော်များများက သက်ရောက်မှုရှိနိုင်ပါသည် –

• ပါကင်ဆန်ရောဂါ လက္ခဏာများသည် လီဗိုဒိုပါ (Levodopa) ဆေးပေါ်တွင် မည်မျှ တုံ့ပြန်မှုကောင်းမွန်သနည်းဆိုသည့်အချက်
• ရောဂါ မည်မျှအဆင့်ထိ ရင့်နေပြီနည်းဆိုသည့်အချက်
• ဝေဒနာရှင်၏ အထွေထွေ ကျန်းမာရေးအခြေအနေ
• ခွဲစိတ်ပြီးနောက် ခန္ဓာကိုယ်တွင်း ထည့်သွင်းထားသော စက်ပစ္စည်း၏ ပရိုဂရမ် (Programming) ကို ပြန်လည်ညှိနှိုင်းပေးမှု အခြေအနေ

ခွဲစိတ်မှုမပြုမီ လီဗိုဒိုပါ ဆေးဝါးပေါ်တွင် တုံ့ပြန်မှုကောင်းမွန်သည့် ဝေဒနာရှင်များသည် DBS ကုသမှုမှ အကြီးမားဆုံးသော အကျိုးကျေးဇူးများကို ရရှိလေ့ရှိကြပါသည်။

ဝေဒနာရှင် အများအပြား၏ ထုတ်ဖော်ပြောကြားချက်များအရ အောက်ပါ ရလဒ်များကို တွေ့ရှိရပါသည် –

• တစ်နေ့တာလုံး ရောဂါလက္ခဏာများကို ပိုမိုတည်ငြိမ်စွာ ထိန်းချုပ်နိုင်ခြင်း
• “On-off” ဟုခေါ်သော လှုပ်ရှားမှု ရုတ်တရက် ပြောင်းလဲသည့် ကာလများ ကြောင့် အနှောင့်အယှက်ဖြစ်ရမှု လျော့နည်းသွားခြင်း
• လက်တုန်ခြင်းနှင့် ကြွက်သားတောင့်တင်းခြင်းများကို ပိုမိုကောင်းမွန်စွာ ထိန်းချုပ်နိုင်ခြင်း
• နေ့စဉ် လုပ်ငန်းဆောင်တာများ လုပ်ဆောင်ရာတွင် ယုံကြည်မှု ပိုမိုရရှိလာခြင်း

DBS သည် ပါကင်ဆန်ရောဂါကို အမြစ်ပြတ် ပျောက်ကင်းစေခြင်း သို့မဟုတ် ရောဂါ ပိုမိုဆိုးရွားလာခြင်းကို လုံးဝတားဆီးပေးခြင်းမျိုး မဟုတ်ပါ။ ထို့ပြင် ရောဂါလက္ခဏာ တိုင်းကိုလည်း သက်သာစေနိုင်ခြင်း မရှိပါ။ သို့သော်လည်း ၎င်းသည် လူအများအပြားကို တက်ကြွစွာ လှုပ်ရှားသွားလာနိုင်စေရန်နှင့် ဘဝ၏ အရည်အသွေးကို ကာလရှည်ကြာ ထိန်းသိမ်းထားနိုင်စေရန် ကူညီပေးနိုင်ပါသည်။

ပါကင်ဆန်ရောဂါအတွက် DBS ကုသမှု၏ ဘေးထွက်ဆိုးကျိုးများ

အခြားသော ခွဲစိတ်ကုသမှုများကဲ့သို့ပင် ပါကင်ဆန်ရောဂါအတွက် ဦးနှောက်အတွင်းပိုင်းလှုံ့ဆော်မှုပေးခွဲစိတ်ခြင်း (DBS) တွင်လည်း အချို့သော စွန့်စားရမှုများနှင့် ဖြစ်နိုင်ခြေရှိသော ဘေးထွက်ဆိုးကျိုးများ ရှိပါသည်။ လူအများစုသည် DBS ကုသမှုကို ကောင်းစွာ လက်ခံနိုင်ကြသော်လည်း ခွဲစိတ်စဉ်အတွင်း သို့မဟုတ် ခွဲစိတ်ပြီးနောက်ပိုင်းတွင် နောက်ဆက်တွဲ ပြဿနာအချို့ ဖြစ်ပွားနိုင်ပါသည်။

ဖြစ်နိုင်ခြေရှိသော စွန့်စားရမှုများနှင့် ဘေးထွက်ဆိုးကျိုးများ –

• ခန္ဓာကိုယ်အတွင်း ထည့်သွင်းထားသော စက်ပစ္စည်း ပတ်ပတ်လည်တွင် ပိုးဝင်ခြင်း
• ခွဲစိတ်စဉ်အတွင်း ဦးနှောက်အတွင်း သွေးယိုစိမ့်ခြင်း
• ခွဲစိတ်မှုပြုလုပ်ပြီးနောက် ခေါင်းကိုက်ခြင်း သို့မဟုတ် မသက်မသာဖြစ်ခြင်း
• စကားပြောရခက်ခြင်း သို့မဟုတ် ဟန်ချက်ထိန်းရခက်ခြင်းများ ယာယီဖြစ်ပေါ်ခြင်း
• အချို့သော ဝေဒနာရှင်များတွင် စိတ်ခံစားချက် သို့မဟုတ် အပြုအမူဆိုင်ရာ အပြောင်းအလဲများ ဖြစ်ပေါ်ခြင်း
• စက်ပစ္စည်း၏ ပြုပြင်ဖန်တီးမှု ပြန်လည်ညှိနှိုင်းရန် သို့မဟုတ် အစားထိုးရန် လိုအပ်နိုင်သည့် ပြဿနာများဖြစ်ပေါ်ခြင်း

ဆရာဝန်များက စက်ပစ္စည်း၏ ဆက်တင်များကို ပြန်လည်ညှိနှိုင်းပေးပြီးနောက် ဘေးထွက်ဆိုးကျိုး အများအပြားမှာ သက်သာကောင်းမွန်သွားလေ့ရှိပါသည်။ ပုံမှန် ရက်ချိန်းပြသခြင်းများသည်လည်း ဆေးဘက်ဆိုင်ရာအဖွဲ့အား တိုးတက်မှုအခြေအနေများကို စောင့်ကြည့်ရန်နှင့် ပြဿနာများကို စီမံဖြေရှင်းရန် အထောက်အကူပြုပါသည်။

ပုံမှန်ကုသမှုများ ခံယူနေသော်လည်း ပါကင်ဆန်ရောဂါလက္ခဏာများ ဆက်လက်ဆိုးရွားနေပါက ဝေ့ဌာနီနိုင်ငံတကာအထူးကုဆေးရုံကြီး၏ ဦးနှောက်နှင့်အာရုံကြောအထူးကုဌာန (Neuroscience Center) တွင် သေချာစွာ စစ်ဆေးအကဲဖြတ်မှုများ ရယူနိုင်ပြီး ဝေဒနာရှင်တစ်ဦးချင်းစီ၏ အခြေအနေနှင့် ကိုက်ညီမည့် ကုသမှုအစီအစဉ်ကို စိတ်ကြိုက်ရေးဆွဲ ကုသနိုင်ပါသည်။ ဤအဖွဲ့တွင် အသင့်တော်ဆုံးသော စောင့်ရှောက်မှုကို ပေးအပ်နိုင်ရန် အတူတကွ ပူးပေါင်းဆောင်ရွက်နေကြသည့် အာရုံကြောအထူးကုဆရာဝန်များ၊ အာရုံကြောခွဲစိတ်ဆရာဝန်များနှင့် အခြားသော အထူးကုဆရာဝန်များ ပါဝင်ပါသည်။

DBS ခွဲစိတ်ကုသမှုနှင့် ရရှိနိုင်သော ကုသမှုရွေးချယ်စရာများအကြောင်း ပိုမိုသိရှိလိုပါက အသေးစိတ် တိုင်ပင်ဆွေးနွေးနိုင်ရန် ဝေ့ဌာနီနိုင်ငံတကာအထူးကုဆေးရုံကြီး သို့ ဆက်သွယ်စုံစမ်းနိုင်ပါသည်။

မကြာခဏမေးလေ့ရှိသော မေးခွန်းများ (FAQ)

အသေးစိတ်အချက်အလက်များကို ပိုမိုသိရှိလိုပါက ဆက်သွယ်ရန် –
ဦးနှောက်နှင့်အာရုံကြောအထူးကုဌာန၊ ဝေ့ဌာနီနိုင်ငံတကာအထူးကုဆေးရုံကြီး
ဖုန်းနံပါတ် – (+66)2-734-0000 လိုင်းခွဲ 5400
မြန်မာဘာသာဟော့လိုင်း – (+66)63-853-2447

Medically Reviewed by

DR. EKKAPOT JITPUN

Surgery

Neuroscience Surgery

ဘိုကင်တင်ရန် Doctor Profile

Related Posts

See All

SiLaC® Laser နည်းပညာဖြင့် အဆင့်မြင့် Pilonidal Sinus ကုသမှု — ခွဲစိတ်စရာမလို၊ အမာရွတ်မကျန်

Pilonidal Sinus ကို မြီးညှောင့်ရိုးအနီး အရေပြားရောဂါဟုလဲ ခေါ်ဆိုပါသည်။ ဤရောဂါသည် တင်ပါးအထက်ပိုင်းတွင် ခဏခဏ ပြန်လည်ဖြစ်ပွားတတ်သော ပိုးဝင်ရောင်ရမ်းသည့် လှိုဏ်ခေါင်းဖြစ်ပြီး၊ ထုံးတမ်းစဉ်လာ ခွဲစိတ်ကုသမှုများဖြင့် ကုသပါက နာကျင်မှု ခံစားရသော ပြန်လည်သက်သာချိန်နှင့် အနာပတ်တီးစည်းခြင်းများကို သီတင်းပတ်ပေါင်းများစွာ ပြုလုပ်ရလေ့ရှိပါသည်။ ယနေ့ခေတ်တွင် အဆင့်မြင့် ဆေးဝါးနည်းပညာများသည် Pilonidal Sinus ရောဂါကို ကုသသည့် သမားရိုးကျနည်းလမ်းများကို ပြောင်းလဲပေးခဲ့ပြီဖြစ်ပါသည်။ SiLaC® (Sinus Laser Closure) နည်းပညာသည် သမားရိုးကျခွဲစိတ်ကုသမှုကဲ့သို့ ထိခိုက်နာကျင်မှုများ မရှိဘဲ ဘုတ်အဖွဲ့ဝင် အူမကြီး ခွဲစိတ် အထူးကု ဆရာဝန်ကြီးများမှ ဆောင်ရွက်ပေးသော ရောဂါကို အမြစ်ပြတ် သက်သာပျောက်ကင်းစေသည့် ခေတ်မီ လေဆာကုသမှု နည်းလမ်းတစ်ခု ဖြစ်ပါသည်။ Pilonidal Sinus ဆိုသည်မှာ အဘယ်နည်း။ […]

ကျန်းမာရေးဆိုင်ရာ စာစောင်များ

Scoliosis (ကျောရိုးစောင်းခြင်း) – ကျောရိုးကောက်ကွေးမှု ပိုမိုဆိုးရွားလာသောအခါ ထိုင်းနိုင်ငံရှိ အဆင့်မြင့်ကုထုံး

Scoliosis (ကျောရိုးစောင်းခြင်း) သည် များသောအားဖြင့် လူပျိုဖော်၊ အပျိုဖော်မဝင်မီ အရွယ်ကြီးထွားမှု မြန်ဆန်သည့် အချိန်တွင် တွေ့ရလေ့ရှိသည်။ လူပျိုဖော်ဝင်ပြီး ဆယ်ကျော်သက်အရွယ် လူငယ်၏ ၃ ရာခိုင်းနှုန်းခန့်တွင်လဲ ဖြစ်ပွားလေ့ရှိပါသည်။ ရောဂါလက္ခဏာမှာ ဖြည်းဖြည်းချင်း ပေါ်ပေါက်လာနိုင်သော်လည်း မကုသဘဲထားပါက နောင်တစ်ချိန်တွင် ခန္ဓာကိုယ်ပုံစံ ပျက်ယွင်းခြင်း၊ အတွင်းအင်္ဂါများကို ထိခိုက်ခြင်းနှင့် ပုံမှန်လှုပ်ရှားသွားလာမှုကို ထိခိုက်စေပြီး အလုပ်မလုပ်နိုင်သည်အထိ ဖြစ်စေနိုင်ပါသည်။ ကျောရိုးစောင်းရောဂါအချို့မှာ အလိုအလျောက် ပြန်ကောင်းသွားနိုင်သလို အချို့မှာလည်း ကျောရိုးထိန်းကိရိယာ (Brace) တပ်ဆင်ရုံဖြင့် ထိရောက်စွာ ပျောက်ကင်းနိုင်ပါသည်။ သို့သော် ပိုမိုပြင်းထန်သည့် ရောဂါအခြေအနေများအတွက် ထိုင်းနိုင်ငံတွင် ကျောရိုးစောင်း ခွဲစိတ်ကုသမှု ခံယူခြင်းသည် အကောင်းဆုံး ကုသမှုနည်းလမ်း ဖြစ်ပါသည်။ Scoliosis (ကျောရိုးစောင်းခြင်း) ၏ လက္ခဏာများ မိဘတိုင်း ကျောရိုးစောင်းရောဂါ၏ လက္ခဏာများကို […]

ကျန်းမာရေးဆိုင်ရာ စာစောင်များ