လူကြီးများအတွက် Snoezelen အာရုံခံစားမှုစုံလှုံ့ဆော်ပေးသည့် အခန်း – သတိမေ့ရောဂါ၊ အော်တစ်ဇင်၊ ဦးနှောက်ဒဏ်ရာနှင့် စိတ်ဖိစီးမှုများအတွက် ကုသမှု
ကျန်းမာရေးဆိုင်ရာ စာစောင်များ
စိတ်ဖိစီးမှု၊ သောကပွားမှုနှင့် အာရုံခံစားမှုလွန်ကဲခြင်းများသည် ကလေးသူငယ်များတွင်သာ ဖြစ်ပွားသည်မဟုတ်ပါ။ အထူးသဖြင့် သတိမေ့ရောဂါ၊ အော်တစ်ဇင်အာရုံကြောချို့ယွင်းမှု၊ နောက်ဆက်တွဲဦးနှောက်ထိခိုက်ဒဏ်ရာရရှိမှု သို့မဟုတ် စိတ်ဖိစီးမှုအဆင့်မြင့်မားစွာ ခံစားနေရသော လူကြီးများအတွက် နေ့စဉ်ဘဝသည် စိတ်ပင်ပန်းခက်ခဲမှုများ ရှိနေနိုင်ပါသည်။ ဤကုထုံးသည် အလင်းရောင်၊ အသံ၊ ထိတွေ့မှုနှင့် အနံ့အာရုံများကဲ့သို့သော အာရုံခံလှုံ့ဆော်မှုများကို စနစ်တကျထိန်းချုပ်အသုံးပြုခြင်းဖြင့် လူနာတစ်ဦးချင်းစီ၏ လိုအပ်ချက်နှင့် ကိုက်ညီပြီး စိတ်အေးချမ်းမှုကိုပေးနိုင်သော ပတ်ဝန်းကျင်တစ်ခုကို ဖန်တီးပေးပါသည်။ ဝေ့ဌာနီနိုင်ငံတကာအထူးကုဆေးရုံကြီးတွင် လူနာတစ်ဦးချင်းစီနှင့်အညီ အထူးစီစဉ်ထားသော ပြန်လည်သန်စွမ်းရေးအစီအစဉ်များ၏ အစိတ်အပိုင်းတစ်ခုအဖြစ် ဤအာရုံခံစားမှုမျိုးစုံလှုံ့ဆော်ပေးသည့် ကုထုံးကို ဝန်ဆောင်မှုပေးလျက်ရှိပါသည်။
Snoezelen အာရုံခံစားမှုမျိုးစုံလှုံ့ဆော်ပေးသည့် အခန်း (Snoezelen Multisensory Room) ဆိုသည်မှာ အဘယ်နည်း။ Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းကို ကမ္ဘာတစ်ဝန်းရှိ ဆေးရုံများ၊ ပြန်လည်သန်စွမ်းရေးစင်တာများ၊ သက်ကြီးရွယ်အိုစောင့်ရှောက်ရေးဂေဟာများနှင့် ဂရုစိုက်စောင့်ရှောက်မှုပေးသည့်နေရာများတွင် အထောက်အထားခိုင်လုံသော ကုထုံးဆိုင်ရာချဉ်းကပ်မှုတစ်ခုအဖြစ် အသုံးပြုလျက်ရှိပါသည်။
Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းဆိုသည်မှာ ရုပ်ပိုင်းဆိုင်ရာ၊ သိမြင်နားလည်မှုပိုင်းဆိုင်ရာနှင့် စိတ်ခံစားမှုပိုင်းဆိုင်ရာ ပြန်လည်သန်စွမ်းလာစေရန် ပံ့ပိုးပေးနိုင်ရန်အတွက် အလင်း၊ အသံ၊ ထိတွေ့မှု၊ အနံ့နှင့် လှုပ်ရှားမှုစသည့် အာရုံခံလှုံ့ဆော်မှုများကို စနစ်တကျထိန်းချုပ်အသုံးပြုကာ အထူးဒီဇိုင်းရေးဆွဲဖန်တီးထားသည့် ကုထုံးဆိုင်ရာနေရာတစ်ခု ဖြစ်ပါသည်။ ဤအခန်းများကို အာရုံကြောဆိုင်ရာဝေဒနာရှင်များ၊ သိမြင်နားလည်မှုစွမ်းရည် ကျဆင်းလာသူများ၊ ဖွံ့ဖြိုးမှုဆိုင်ရာချို့ယွင်းချက်ရှိသူများ သို့မဟုတ် ထိခိုက်ဒဏ်ရာရရှိခြင်းနှင့် ဖျားနာခြင်းတို့ကြောင့် ပြန်လည်သန်စွမ်းရေးကုထုံးခံယူရန် လိုအပ်နေသူများအတွက် အများဆုံးအသုံးပြုကြပါသည်။
ပြန်လည်သန်စွမ်းရေးကုထုံးလုပ်ငန်းစဉ်တွင် Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းသည် လူနာ၏အခြေအနေနှင့် ကုထုံးဆိုင်ရာရည်မှန်းချက်များအပေါ် မူတည်ပြီး ကုထုံးပညာရှင်များအနေဖြင့် အာရုံခံစားမှုများကို လှုံ့ဆော်ပေးရန် သို့မဟုတ် စိတ်ငြိမ်သက်အောင်လုပ်ဆောင်ပေးရန်အတွက် ဘေးကင်းပြီး စိတ်ကြိုက်ပြောင်းလဲနိုင်သော ပတ်ဝန်းကျင်တစ်ခုကို ဖန်တီးပေးပါသည်။ ထိုအခန်း၏ ဝိသေသလက္ခဏာများတွင် စိတ်အေးချမ်းစေမည့် အလင်းရောင်များ၊ တေးဂီတ၊ ထိတွေ့ကိုင်တွယ်နိုင်သောပစ္စည်းများ၊ ရနံ့ကုထုံး၊ ပရိုဂျက်တာပြသမှုစနစ်များ၊ တုန်ခါမှုပေးနိုင်သောပစ္စည်းကိရိယာများ သို့မဟုတ် အပြန်အလှန်တုံ့ပြန်နိုင်သော နည်းပညာများ ပါဝင်နိုင်ပါသည်။
ဤကုထုံးသည် စိတ်အပန်းပြေစေခြင်း၊ အာရုံစူးစိုက်မှု၊ ဆက်သွယ်ပြောဆိုမှု၊ လှုပ်ရှားသွားလာနိုင်မှု၊ စိတ်ပိုင်းဆိုင်ရာကျန်းမာရေးနှင့် အာရုံခံစားမှုဆိုင်ရာလုပ်ငန်းစဉ်များကို မြှင့်တင်ပေးနိုင်ရန် ကူညီပေးပါသည်။ သတိမေ့ရောဂါ၊ လေဖြတ်ခြင်း၊ အာရုံကြောမကြီးထိခိုက်ဒဏ်ရာရခြင်း၊ အော်တစ်ဇင် သို့မဟုတ် အာရုံကြောဆိုင်ရာရောဂါဝေဒနာ ခံစားနေရသောလူနာများအတွက် အာရုံခံစားမှုမျိုးစုံလှုံ့ဆော်ပေးခြင်းသည် စိုးရိမ်သောကပွားမှုများကို လျှော့ချပေးနိုင်သည့်အပြင်၊ လူနာများအား ပိုမိုပူးပေါင်းပါဝင်လာစေရန် တွန်းအားပေးနိုင်ပြီး တစ်ကိုယ်ရေဘဝအရည်အသွေးတစ်ခုလုံးကိုလည်း မြှင့်တင်ပေးနိုင်ပါသည်။
အာရုံခံလှုံ့ဆော်မှုအဆင့်ကို လူနာတစ်ဦးချင်းစီ၏ လိုအပ်ချက်နှင့်အညီ ညှိနှိုင်းပြင်ဆင်နိုင်သောကြောင့် ပြန်လည်သန်စွမ်းရေးကုထုံးလုပ်ငန်းစဉ်တစ်ခုလုံးတွင် လူနာနှင့်အကိုက်ညီဆုံးဖြစ်အောင် စိတ်ကြိုက်ဖန်တီးနိုင်ပြီး လိုက်လျောညီထွေမှုရှိစေပါသည်။
ဝေ့ဌာနီနိုင်ငံတကာအထူးကုဆေးရုံကြီးမှ ပြန်လည်သန်စွမ်းရေးဆိုင်ရာ အထူးကုဆရာဝန်ကြီး ဒေါက်တာ တာနာဝပ် ပတ်ရူချာတာချတ် (Dr. Tanawat Petrutchatachart) က “သတ်မှတ်ထားတဲ့ ပုံစံခွက်တွေအတိုင်း လှုပ်ရှားဆောင်ရွက်ဖို့ လိုအပ်တဲ့ ရိုးရာကုထုံးတွေနဲ့မတူဘဲ Snoezelen အာရုံခံစားမှုမျိုးစုံလှုံ့ဆော်ပေးတဲ့အခန်းဟာ လွတ်လပ်စွာရွေးချယ်လုပ်ဆောင်နိုင်တဲ့ပုံစံကို အသုံးပြုထားတာဖြစ်ပါတယ်။ လူနာတွေအနေနဲ့ မိမိတို့အတွက် အသက်သာဆုံးဖြစ်မယ့် နည်းလမ်းအတိုင်း ပတ်ဝန်းကျင်နဲ့ လွတ်လပ်စွာ ထိတွေ့တုံ့ပြန်နိုင်ပါတယ်။ ဒါဟာ ဖိအားတွေကို လျှော့ချပေးပြီး စစ်မှန်တဲ့ ဘေးကင်းလုံခြုံမှုရှိတဲ့ နေရာတစ်ခုကို ဖန်တီးပေးနိုင်တဲ့အတွက် ဆက်သွယ်ပြောဆိုရခက်ခဲတာ၊ စိတ်ခံစားချက်ကို မထိန်းချုပ်နိုင်တာ ဒါမှမဟုတ် သိမြင်နားလည်မှုစွမ်းရည် ကျဆင်းနေတဲ့ လူကြီးတွေအတွက် အထူးပင်အဖိုးတန်လှပါတယ်” ဟု ရှင်းလင်းပြောကြားခဲ့သည်။
Snoezelen ကုထုံးမှ မည်သူများ အကျိုးကျေးဇူးရရှိနိုင်သနည်း။ လူကြီးများအတွက် Snoezelen အခန်းများကို ကျယ်ပြန့်လှသော ဝေဒနာများနှင့် လိုအပ်ချက်အမျိုးမျိုးကို ပံ့ပိုးကူညီပေးနိုင်ရန် ဒီဇိုင်းထုတ်ထားပြီး ၎င်းတို့မှာ အောက်ပါအတိုင်း ဖြစ်ပါသည် –
စိတ်ကျန်းမာရေးနှင့် စိတ်ဒဏ်ရာရရှိမှုများ ( Mental health and trauma) – စိုးရိမ်သောကပွားမှု မြင့်မားခြင်း၊ စိတ်ဒဏ်ရာလွန်စိတ်ဖိစီးမှုဝေဒနာ (PTSD) သို့မဟုတ် အလုပ်အလွန်အကျွံလုပ်ခြင်းကြောင့် စိတ်ကုန်ခမ်းခြင်း (Burnout) တို့ကို ခံစားနေရသော လူနာများအတွက် ဤအခန်းသည် ကော့တီစော (Cortisol) ဟုခေါ်သော စိတ်ဖိစီးမှုဟော်မုန်းအဆင့်ကို လျှော့ချပေးနိုင်ပြီး ဘေးကင်းလုံခြုံမှုနှင့် မိမိကိုယ်ကို ထိန်းချုပ်နိုင်စွမ်းရှိသည်ဟူသော ခံစားချက်ကို ဖန်တီးပေးနိုင်သောကြောင့် အကျိုးကျေးဇူးများစွာ ရရှိစေပါသည်။သတိမေ့ရောဂါ နှင့် အယ်လ်ဇိုင်းမား ရောဂါ (Dementia and Alzheimer’s disease) – အာရုံခံစားမှုကို လှုံ့ဆော်ပေးခြင်းသည် လူနာတွင် ကျန်ရှိနေသေးသော အာရုံခံအာရုံများကို နိုးကြားလာစေသည့်အပြင် ဂနာမငြိမ်ဖြစ်ခြင်း၊ ညနေစောင်းချိန်တွင် ပိုမိုစိတ်ရှုပ်ထွေး ဝေခွဲမရဖြစ်ခြင်း (Sundowning) နှင့် စိတ်ဓာတ်ကျဆင်းခြင်း ဖြစ်စဉ်များကို လျှော့ချပေးရန် ကူညီပေးပါသည်။အော်တစ်ဇင်အာရုံကြောချို့ယွင်းမှု ( Autism spectrum disorder – ASD) – စနစ်တကျထိန်းချုပ်ထားသော ပတ်ဝန်းကျင်သည် စိတ်ခံစားမှုကို ကိုယ်တိုင်ပြန်လည်ထိန်းညှိနိုင်ရန် ပံ့ပိုးပေးပြီး၊ လိုအပ်သော အာရုံခံစားမှုဆိုင်ရာ လှုံ့ဆော်မှုများကို ထိရောက်စွာ ဖြည့်ဆည်းပေးလျက် ဒေါသတကြီး ကြမ်းတမ်းစွာပြုမူခြင်း သို့မဟုတ် မိမိကိုယ်ကိုယ် နာကျင်အောင်လုပ်ခြင်းစသည့် ခက်ခဲသော အပြုအမူများကို လျှော့ချပေးပါသည်။နောက်ဆက်တွဲဦးနှောက်ထိခိုက်ဒဏ်ရာရရှိမှု နှင့် လေဖြတ်ခြင်း မှ ပြန်လည်သက်သာလာသူများ (Acquired brain injuries and stroke recovery) – ညင်သာသော အာရုံခံလှုံ့ဆော်မှုများသည် ပြန်လည်သန်စွမ်းရေး ကုထုံးခံယူနေစဉ်ကာလအတွင်း အာရုံစူးစိုက်မှု၊ အာရုံခံစားမှုဆိုင်ရာလုပ်ငန်းစဉ်များနှင့် ဆက်သွယ်ပြောဆိုမှု အပိုင်းများကို မြှင့်တင်ပေးရန် ကူညီပေးပါသည်။
လူကြီးများအတွက် Snoezelen အခန်းတွင် မည်သည့်အရာများ ပါဝင်သနည်း။ ထိရောက်မှုရှိသော Snoezelen အခန်းသည် လူနာတစ်ဦးချင်းစီ၏ လိုအပ်ချက်နှင့်အညီ အာရုံခံလှုံ့ဆော်မှုအဆင့်ကို သေချာစွာ ညှိနှိုင်းပြင်ဆင်ပေးထားပြီး အာရုံခံစားမှုမျိုးစုံကို တစ်ပြိုင်နက်တည်း လှုံ့ဆော်ပေးပါသည်။
အမြင်အာရုံဆိုင်ရာ လှုံ့ဆော်မှု ( Visual Stimulation)
ရေပူဖောင်းတိုင်များ ( Bubble tubes) များသည် ညင်သာသောအမြင်အာရုံအာရုံစူးစိုက်မှုနှင့် သာယာသောတုန်ခါမှုကို ပေးစွမ်းနိုင်ရန် ဖြည်းညှင်းစွာပြောင်းလဲနေသော အရောင်စုံအရည်များ ဖြည့်ထားသည့် မြင့်မား၍ အလင်းပေါက်သော တိုင်အမျိုးအစား ဖြစ်ပါသည်။ ဖိုင်ဘာအော်ပတစ် အလင်းမျှင်များ ( Fiber-optic strands) သည် ဘေးကင်းစွာ ကိုင်တွယ်ထိန်းချုပ်နိုင်ပြီး တဖိတ်ဖိတ်တောက်ပနေသော အလင်းရောင်များကို ထုတ်လွှတ်ပေးပါသည်။ မျက်နှာကျက် သို့မဟုတ် နံရံကပ် ပရိုဂျက်တာများသည် သမုဒ္ဒရာလှိုင်းတံပိုးများ၊ တောအုပ်မြင်ကွင်းများ သို့မဟုတ် ကြယ်ပွင့်စုံသော ညကောင်းကင်ယံကဲ့သို့သော စိတ်အေးချမ်းစေမည့် ပုံရိပ်များကို ပြသပေးပါသည်။ အပြန်အလှန်တုံ့ပြန်နိုင်သော ထိတွေ့မျက်နှာပြင်များ ( Interactive touch panels) သည် ထိတွေ့မှုအပေါ်မူတည်၍ အရောင်နှင့် ပုံသဏ္ဌာန်များ ပြောင်းလဲပေးခြင်းဖြင့် လူနာများ ပိုမိုစိတ်ပါဝင်စားစွာ ပူးပေါင်းပါဝင်လာစေပြီး အကြောင်းရင်းနှင့် ရလဒ်ဆက်စပ်မှုကို ရှာဖွေလေ့လာနိုင်စွမ်းကို ပိုမိုအားပေးမြှင့်တင်ပေးပါသည်။
အထိအတွေ့အာရုံဆိုင်ရာ လှုံ့ဆော်မှု ( Tactile Stimulation)
အလေးမဖိထားသော စောင်များနှင့် ခေါင်းအုံးများ ( Weighted blankets and cushions) သည် စိုးရိမ်သောကပွားမှုများကို လျှော့ချပေးနိုင်ကြောင်း သက်သေပြထားသည့် ဖိအားကို ပေးစွမ်းပါသည်။ တုန်ခါမှုပေးနိုင်သော ကုလားထိုင်များ၊ ဖျာများ သို့မဟုတ် ခေါင်းအုံးများသည် စိတ်ငြိမ်သက်စေမည့် ရုပ်ပိုင်းဆိုင်ရာလှုံ့ဆော်မှုကို ပေးစွမ်းနိုင်သောကြောင့် အထူးသဖြင့် ပြင်းထန်သောမသန်စွမ်းမှုရှိသူများ သို့မဟုတ် သတိမေ့ရောဂါအဆင့်ဆင့် ခံစားနေရသူများအတွက် များစွာအကျိုးရှိပါသည်။ အထိအတွေ့ပြားများ ( Texture panels) သည် ထိတွေ့မှုမှတစ်ဆင့် လေ့လာစူးစမ်းနိုင်ရန် ပိတ်စနှင့် ပစ္စည်းအမျိုးမျိုးဖြင့် ပြုလုပ်ထားသော မျက်နှာပြင်များ ပါဝင်ပါသည်။
အကြားအာရုံဆိုင်ရာ လှုံ့ဆော်မှု ( Auditory Stimulation)
အထူးအသံစနစ် သည် စိတ်အေးချမ်းစေမည့် တေးဂီတ၊ သဘာဝအသံများ သို့မဟုတ် စိတ်ငြိမ်စေမည့်အသံလိုင်း (White noise) များကို ဖွင့်လှစ်ပေးပါသည်။ အသံတုန်ခါမှုပေးနိုင်သော ပရိဘောဂများ သည် ပိုမိုနက်ရှိုင်းသောအာရုံခံစားမှု ပေါင်းစပ်ပါဝင်နိုင်စေရန်အတွက် အချို့သောနေရာများတွင် ခန္ဓာကိုယ်အတွင်းသို့ သိမ်မွေ့သောအသံတုန်ခါမှုများကို စီးဆင်းပေးနိုင်သည့် ရေမွေ့ရာကဲ့သို့သော အသံတုန်ခါမှုသုံး ပရိဘောဂများကို ထည့်သွင်းထားပါသည်။ ဤနည်းစနစ်သည် လှုပ်ရှားသွားလာမှုကန့်သတ်ချက်ရှိသော လူကြီးများအတွက် စိတ်တည်ငြိမ်မှုရရှိစေရန် အထူးအထောက်အကူပြုပါသည်။
အနံ့အာရုံဆိုင်ရာ လှုံ့ဆော်မှု ( Olfactory Stimulation)
ရနံ့ကုထုံး ( Aromatherapy) သည် ရနံ့ဖြန့်စက်များနှင့် လာဗင်ဒါ သို့မဟုတ် ခမ်မိုမိုင်း (Chamomile) ကဲ့သို့သော စိတ်ငြိမ်စေသည့် ရနံ့များကို အသုံးပြုခြင်းဖြင့် အာရုံခံစားမှုကဏ္ဍကို ပိုမိုမြှင့်တင်ပေးပါသည်။ သတိမေ့ရောဂါခံစားနေရသော လူကြီးများအတွက် ရင်းနှီးပြီး လွမ်းဆွတ်ဖွယ်ကောင်းသော ရနံ့များသည် ကောင်းမွန်သော အတိတ်မှတ်ဉာဏ်များကို ပြန်လည်နိုးထစေနိုင်ပြီး မိမိကိုယ်ပိုင်သမိုင်းကြောင်းနှင့် မည်သူမည်ဝါဖြစ်သည်ဟူသော အသိစိတ်ကို ပြန်လည်သတိရလာစေရန် ကူညီပေးပါသည်။
ထိရောက်မှုရှိသော Snoezelen ကုထုံး၏ အဓိကအခြေခံမူများ Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းကို ထိရောက်စွာ အသုံးချနိုင်ရန်အတွက် အမြဲတစေ လိုက်နာရမည့် မရှိမဖြစ် လိုအပ်သော အခြေခံစည်းမျဉ်း ၃ ခု ရှိပါသည်။
လွတ်လပ်စွာရွေးချယ်လုပ်ဆောင်နိုင်သော ချဉ်းကပ်မှုပုံစံ ( Non-directive approach) – လူနာအား သတ်မှတ်ထားသော လုပ်ဆောင်ချက်တစ်ခုခုကို မဖြစ်မနေလုပ်ဆောင်ရန် ဖိအားပေးခြင်းမျိုး မဟုတ်ဘဲ၊ ပတ်ဝန်းကျင်နှင့် မည်သို့ထိတွေ့တုံ့ပြန်မည်ကို မိမိစိတ်ကြိုက် လွတ်လပ်စွာ ရွေးချယ်ခွင့်ပေးထားပါသည်။စိတ်ကြိုက်ညှိနှိုင်းပြင်ဆင်နိုင်သော လှုံ့ဆော်မှုအဆင့် ( Customizable stimulation) – လူနာ၏ လတ်တလောလိုအပ်ချက်အပေါ် မူတည်ပြီး အာရုံခံလှုံ့ဆော်မှုအဆင့်ကို ပိုမိုတက်ကြွစေရန် သို့မဟုတ် ပိုမိုစိတ်ငြိမ်သက်သွားစေရန် စိတ်ကြိုက်ပြောင်းလဲ ညှိနှိုင်းပေးနိုင်ပါသည်။တစ်ဦးချင်းစီ၏ အာရုံခံစားမှုဆိုင်ရာ ဆန်းစစ်ချက် ( Individualized sensory assessment) – အကောင်းဆုံးရလဒ်များ ရရှိနိုင်စေရန်အတွက် လူနာတစ်ဦးချင်းစီ၏ အာရုံခံစားမှုအခြေအနေကို သေချာစွာ ဆန်းစစ်ရပါမည်။ အထူးသဖြင့် သတိမေ့ရောဂါကဲ့သို့ သိမြင်နားလည်မှုစွမ်းရည် ကျဆင်းနေသော လူနာများတွင် ဤဆန်းစစ်ချက်သည် အလွန်အရေးကြီးပါသည်။
ဆေးဘက်ဆိုင်ရာ အကြံဉာဏ်ကို မည်သည့်အချိန်တွင် ရယူသင့်သနည်း။ အကယ်၍ မိမိ၏ မိသားစုဝင် သို့မဟုတ် ချစ်ခင်ရသူတစ်ဦးသည် သတိမေ့ရောဂါ၊ ဦးနှောက်ထိခိုက်ဒဏ်ရာရရှိမှု၊ အော်တစ်ဇင် သို့မဟုတ် စိတ်ကျန်းမာရေးအခြေအနေများနှင့် ဆက်စပ်ပြီး ဂနာမငြိမ်ဖြစ်ခြင်း၊ စိုးရိမ်သောကပွားခြင်း၊ လူစုလူဝေးရှောင်ဖယ်ပြီး အထီးကျန်နေထိုင်ခြင်း သို့မဟုတ် အပြုအမူပိုင်းဆိုင်ရာ ပြောင်းလဲမှုများ ပိုမိုပြသလာပါက ၎င်းတို့၏ ကုသမှုလုပ်ငန်းစဉ်တွင် အာရုံခံစားမှုမျိုးစုံလှုံ့ဆော်ပေးသည့်ကုထုံးကို ထည့်သွင်းစဉ်းစားရန် အချိန်ကျရောက်ပြီ ဖြစ်နိုင်ပါသည်။ လုပ်ငန်းခွင်အခြေပြုကုထုံးပညာရှင် (Occupational therapist) သို့မဟုတ် ပြန်လည်သန်စွမ်းရေးဆိုင်ရာ အထူးကုဆရာဝန်ကြီးတစ်ဦးအနေဖြင့် Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းသည် လူနာနှင့် သင့်လျော်မှု ရှိ၊ မရှိ ဆန်းစစ်ပေးနိုင်ပြီး လူနာ၏ အာရုံခံစားမှုလိုအပ်ချက်နှင့် ရည်မှန်းချက်များနှင့် ကိုက်ညီမည့် အစီအစဉ်တစ်ခုကို ရေးဆွဲဖန်တီးပေးနိုင်ပါသည်။
Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းကို စောစီးစွာ အသုံးပြုခြင်းဖြင့် လူနာ၏ တစ်ကိုယ်ရေဘဝအရည်အသွေးကို သိသိသာသာ မြှင့်တင်ပေးနိုင်သည့်အပြင်၊ အပြုအမူပိုင်းဆိုင်ရာ ထိန်းချုပ်မှုအတွက် ဆေးဝါးများအပေါ် မှီခိုရမှုကို လျှော့ချပေးနိုင်ပြီး လူနာများနှင့် ၎င်းတို့ကို ပြုစုစောင့်ရှောက်သူများအားလုံးကိုပါ များစွာပံ့ပိုးကူညီပေးနိုင်ပါသည်။
မကြာခဏမေးလေ့ရှိသော မေးခွန်းများ (FAQs) မေး။ ။ Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းသည် သတိမေ့ရောဂါခံစားနေရသော လူကြီးများကို မည်သို့ကူညီပေးပါသနည်း။
မေး။ ။ ပြန်လည်သန်စွမ်းရေးကုထုံးတွင် Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းကို မည်သည့်နေရာတွင် အသုံးပြုပါသနည်း။
မေး။ ။ Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းသည် သတိမေ့ရောဂါဝေဒနာရှင်များ၏ စိုးရိမ်သောကပွားမှုများကို လျှော့ချပေးနိုင်ပါသလား။
မေး။ ။ နောက်ဆက်တွဲဦးနှောက်ထိခိုက်ဒဏ်ရာရရှိမှုအတွက် Snoezelen အာရုံခံစားမှုမျိုးစုံလှုံ့ဆော်ပေးသည့်အခန်းကုထုံးတွင် မည်သည့်အရာများ ပါဝင်ပါသနည်း။
အသေးစိတ်အချက်အလက်များကို ထပ်မံသိရှိလိုပါက ဆက်သွယ်နိုင်ပါသည် – အဆင့်မြင့်ပြန်လည်သန်စွမ်းရေးဌာန ၊ ဝေ့ဌာနီနိုင်ငံတကာအထူးကုဆေးရုံကြီး
Medically Reviewed by
DR. TANAWAT PETRUTCHATACHART
Physical Medicine and Rehabilitation
Rehabilitation Medicine
Readers’ Rating
0.0 out of 5 stars (based on 0 reviews)
