សូមពិនិត្យ ៥ រោគសញ្ញាហានិភ័យនៃបាតជើងសំប៉ែត ដែលត្រូវជួបវេជ្ជបណ្ឌិតជាបន្ទាន់
បាតជើងសំប៉ែត គឺជាស្ថានភាពដែលផ្នែកកោងខាងក្នុងបាតជើងតូចជា […]
Table of Contents
ជំងឺលើសឈាម គឺជាស្ថានភាពទូទៅមួយដែលជារឿយៗមិនបង្ហាញរោគសញ្ញាច្បាស់លាស់នៅដំណាក់កាលដំបូងឡើយ ធ្វើឪ្យមនុស្សជាច្រើនមិនដឹងអំពីហានិភ័យរបស់ពួកគេ ទើបធ្វើឪ្យអ្នកជំងឺមិនអាចទទួលបានការថែទាំត្រឹមត្រូវតាំងពីដំណាក់កាលដំបូង។ ខណៈពេលដែលអ្នកខ្លះអាចជួបប្រទះរោគសញ្ញាដូចជាឈឺក្បាល ឬវិលមុខ ប៉ុន្តែរោគសញ្ញាទាំងនេះមិនកើតឡើងចំពោះមនុស្សគ្រប់គ្នាទេ និងមិនមែនជារោគសញ្ញាជាក់លាក់ចំពោះជំងឺនេះទេ ដូច្នេះមិនអាចប្រើជាសូចនាករច្បាស់លាស់បានទេ
ជំងឺលើសឈាម គឺជាអ្វី?
ជំងឺលើសឈាមគឺជាស្ថានភាពមួយដែលសម្ពាធឈាមនៅក្នុងសរសៃឈាមខ្ពស់ជាងធម្មតាជាប់លាប់។ ដោយការអានសម្ពាធឈាមប្រកបដោយតម្លៃ ២ រួមមាន៖
- សម្ពាធឈាមខាងលើ (Systolic Blood Pressure) សំដៅទៅលើតម្លៃដែលទទួលបាននៅពេលដែលបេះដូងកន្ត្រាក់ដើម្បីបូមឈាមទៅកាន់រាងកាយ
- សម្ពាធឈាមខាងក្រោម (Diastolic Blood Pressure) សំដៅទៅលើតម្លៃដែលទទួលបាននៅពេលដែលបេះដូងសម្រាករវាងចង្វាក់បេះដូងនីមួយៗ
ជាទូទៅ ប្រសិនបើការអានសម្ពាធឈាមស្ថិតនៅ 140/90 mmHg ឬខ្ពស់ជាងនេះជាប់រហូត វាត្រូវបានចាត់ថ្នាក់ថាជាជំងឺលើសឈាម
ជំងឺលើសឈាមមានរោគសញ្ញាដែរឬទេ?
នៅដំណាក់កាលដំបូង ជំងឺលើសឈាមច្រើនតែមិនបង្ហាញរោគសញ្ញាទេ ដែលបណ្តាលឱ្យអ្នកជំងឺជាច្រើនមិនដឹងថាពួកគេមានជំងឺនេះ។ ទោះជាយ៉ាងណាក៏ដោយ បុគ្គលមួយចំនួនអាចជួបប្រទះរោគសញ្ញាដូចជា៖
- ឈឺក្បាល
- វិលមុខ
- ងាយអស់កម្លាំង
ទោះជាយ៉ាងណាក៏ដោយ រោគសញ្ញាទាំងនេះមិនមែនជារោគសញ្ញាជាក់លាក់ទេ ហើយអាចបណ្តាលមកពីកត្តាផ្សេងទៀត ដូច្នេះពួកវាមិនអាចប្រើដើម្បីធ្វើរោគវិនិច្ឆ័យជំងឺបានទេ ចាំបាច់ត្រូវអាស្រ័យឧបករណ៍វាស់សម្ពាធឈាមជាចំបង
ហេតុអ្វីបានជាអ្នកគួរព្រួយបារម្ភអំពីជំងឺលើសឈាម “ដែលគ្មានរោគសញ្ញា”?
ទោះបីជាអ្នកជំងឺមានអារម្មណ៍ធម្មតាក៏ដោយ សម្ពាធឈាមខ្ពស់ជាប់លាប់អាចប៉ះពាល់ដល់សរសៃឈាម និងសរីរាង្គសំខាន់ៗក្នុងរយៈពេលវែង។ ដោយការផ្លាស់ប្តូរទាំងនេះច្រើនតែកើតឡើងបន្តិចម្តងៗ ហើយមិនអាចកត់សម្គាល់បានពីរោគសញ្ញាខាងក្រៅនោះទេ
ប្រសិនបើមិនបានទទួលការគ្រប់គ្រងត្រឹមត្រូវទេ វាអាចនាំឱ្យមានផលវិបាកដូចជា
- ជំងឺសរសៃឈាមបេះដូង
- ខ្សោយបេះដូង
- ដាច់សរសៃឈាមខួរក្បាល (ស្លាប់មួយចំហៀងខ្លួន ខ្វិន)
- ជំងឺតម្រងនោមរ៉ាំរ៉ៃ
ដោយផ្អែកលើបទពិសោធន៍ក្នុងការថែទាំអ្នកជំងឺនៃ មជ្ឈមណ្ឌលបេះដូងនិងសរសៃឈាមបេះដូង មន្ទីរពេទ្យអន្តរជាតិវេជ្ជថានី យើងបានរកឃើញថា អ្នកជំងឺមួយចំនួនធំស្វែងរកការព្យាបាល លុះត្រាតែមានផលវិបាកកើតឡើង ទោះបីជាមិនមានសញ្ញាព្រមានច្បាស់លាស់ជាមុនក៏ដោយ
កត្តាហានិភ័យនៃ ជំងឺលើសឈាម អាចបែងចែកជា
កត្តាដែលមិនអាចគ្រប់គ្រងបាន
- តំណរពូជ
- អាយុកាន់តែច្រើន
កត្តាដែលអាចគ្រប់គ្រងបាន
- ការទទួលទានអាហារប្រៃ ឬអាហារដែលមានជាតិខ្លាញ់ខ្ពស់
- កង្វះលំហាត់ប្រាណ
- សន្សះភាពតានតឹង
- ការជក់បារី
- ការទទួលទានគ្រឿងស្រវឹងច្រើនពេក
សារៈសំខាន់នៃការវ៉ាស់សម្ពាធឈាម
ការតាមដានសម្ពាធឈាមជាប្រចាំគឺជាវិធីមូលដ្ឋានមួយដែលជួយស្វែងរកភាពមិនប្រក្រតីនៅដំណាក់កាលដំបូង បើទោះបីជាមិនមានរោគសញ្ញាក៏ដោយ
ការតាមដានសម្ពាធឈាមជាប្រចាំជួយឪ្យ
- សង្កេតមើលនិន្នាការនៃកម្រិតសម្ពាធឈាម
- វាយតម្លៃហានិភ័យសុខភាពបានត្រឹមត្រូវ
- រៀបចំផែនការថែទាំតាំងពីដំណាក់កាលដំបូង
ជាពិសេសនៅក្នុងក្រុមដែលមានហានិភ័យខ្ពស់ដូចជាមនុស្សចាស់ មនុស្សធាត់ ឬអ្នកដែលមានជំងឺរ៉ាំរ៉ៃ
គោលការណ៍ណែនាំសម្រាប់ការគ្រប់គ្រង និងការពារជំងឺលើសឈាមក្នុងជីវិតប្រចាំថ្ងៃ
- ជ្រើសរើសទទួលទានអាហារដែលមានជីវជាតិ កាត់បន្ថយអំបិល និងអាហារកែច្នៃ
- បង្កើនបន្លែ ផ្លែឈើ និងគ្រាប់ធញ្ញជាតិ
- ហាត់ប្រាណជាប្រចាំ
- ជៀសវាងបារី និងគ្រឿងស្រវឹង
- រក្សាទម្ងន់ឱ្យមានសុខភាពល្អ
សំណួរដែលសួរជាញឹកញាប់អំពីជំងឺលើសឈាម
តើខ្ញុំអាចដឹងដោយរបៀបណាថាមានជំងឺលើសឈាមប្រសិនបើខ្ញុំមិនមានរោគសញ្ញា? តើចាំបាច់ត្រូវពិនិត្យសម្ពាធឈាមដែរឬទេ?
ចាំបាច់ត្រូវពិនិត្យសម្ពាធឈាម ដោយសារតែស្ថានភាពនេះជារឿយៗមិនបង្ហាញរោគសញ្ញានៅដំណាក់កាលដំបូងឡើយ
តើសម្ពាធឈាម 140/90 ចាត់ទុកថាខ្ពស់ដែរឬទេ?
ប្រសិនបើតម្លៃនេះកើតឡើងជាបន្តបន្ទាប់ វាត្រូវបានចាត់ថ្នាក់ថាជាជំងឺលើសឈាម
ប្រសិនបើមិនមានរោគសញ្ញា តើចាំបាច់ត្រូវព្យាបាលដែរឬទេ?
ចាំបាច់ពីព្រោះហានិភ័យអាចកើនឡើងដោយមិនបង្ហាញរោគសញ្ញា
តើខ្ញុំអាចឈប់ប្រើថ្នាំសម្ពាធឈាមដោយខ្លួនឯងបានដែរឬទេ?
អ្នកមិនគួរឈប់ប្រើថ្នាំដោយខ្លួនឯងទេ គួរតែស្ថិតនៅក្រោមការណែនាំរបស់វេជ្ជបណ្ឌិត
តើអ្នកណាគួរពិនិត្យសម្ពាធឈាមជាប្រចាំ?
មនុស្សចាស់ អ្នកដែលមានកត្តាហានិភ័យ ឬអ្នកដែលមិនបានពិនិត្យសុខភាពក្នុងរយៈយូរ
Readers’ Rating
1.9 out of 5 stars (based on 15 reviews)
