ကိုယ်ခံအားစနစ်ကြောင့် သွေးဥမွှားနည်းသည့်ရောဂါ

ရောဂါရှာဖွေခြင်း

ကိုယ်ခံအားစနစ်ကြောင့် သွေးဥမွှားနည်းသည့်ရောဂါဟု အဖြေမထုတ်မီ သင့်ဆရာဝန်သည် သွေးထွက်ခြင်းနှင့် သွေးဥမွှားနည်းခြင်းကို ဖြစ်စေနိုင်သည့် အခြားသော အကြောင်းရင်းများဖြစ်သော နောက်ခံရောဂါများ သို့မဟုတ် သင်နှင့် သင့်ကလေး သောက်သုံးနေသော ဆေးဝါးများကို ဖယ်ထုတ်နိုင်ရန် ကြိုးစားပါလိမ့်မည်

သွေးဥမွှားပမာဏကို သွေးစစ်ခြင်းဖြင့် သိရှိနိုင်ပါသည် လူကြီးများတွင် အခြားပြဿနာများကို ဖယ်ထုတ်နိုင်ရန် အရိုးခြင်ဆီ စစ်ဆေးမှုကို ရံဖန်ရံခါ လိုအပ်နိုင်ပါသည်

ကုသခြင်း

ရောဂါအနည်းငယ်သာ ခံစားရသော လူနာများသည် ပုံမှန်စောင့်ကြည့်ခြင်းနှင့် သွေးဥမွှားစစ်ဆေးခြင်းတို့ကိုသာ လိုအပ်နိုင်ပါသည် ကလေးများသည် များသောအားဖြင့် ၎င်းတို့အလိုလို ပြန်လည်ကောင်းမွန်လာတတ်ပါသည် ဤရောဂါသည် မကြာခဏ ပိုမိုဆိုးရွားလာတတ်ခြင်း သို့မဟုတ် နာတာရှည်ဖြစ်တတ်ခြင်းတို့ကြောင့် ဝေဒနာရှင်အများစုမှာ တစ်ချိန်ချိန်တွင် ကုသမှုခံယူရန် လိုအပ်ပါလိမ့်မည်

သွေးဥမွှားပမာဏ တိုးလာစေရန် ဆေးသောက်ခြင်း သို့မဟုတ် သရက်ရွက်ကို ခွဲစိတ်ဖယ်ရှားခြင်း စသည်ဖြင့် ကုသနည်း အမျိုးမျိုး ရှိနိုင်ပါသည် သင့်အတွက် အသင့်တော်ဆုံး ကုသနည်းများ၏ ကောင်းကျိုးနှင့် ဆိုးကျိုးများကို ဆရာဝန်နှင့် ဆွေးနွေးပါ

ဆေးဝါးများ

သွေးဥမွှားလုပ်ဆောင်ချက်ကို ထိခိုက်စေနိုင်သော ဆေးဝါးများအား ရပ်ဆိုင်းရန် လို၊ မလို သိနိုင်ရန် သင်လက်ရှိသောက်နေသော ဆိုင်တင်ဆေးများ သို့မဟုတ် အာဟာရဖြည့်စွက်စာများအကြောင်းကို ဆရာဝန်က မေးမြန်းပါလိမ့်မည် အက်စပရင်၊ အိုင်ဗျူပရိုဖန်နှင့် ကင်ကိုဘိုင်လိုဘာ တို့မှာ ထိုသို့သော ဆေးအချို့ ဖြစ်ပါသည်

ဤရောဂါအတွက် ကုသသော ဆေးဝါးများတွင် အောက်ပါတို့ ပါဝင်ပါသည်—

• စတီးရွိုက်ဆေးများ။ ။ သင့်ဆရာဝန်၏ လမ်းညွှန်မှုဖြင့် ပရက်နီဆိုလုံး ကဲ့သို့သော သောက်ဆေးကို စတင်သောက်ရနိုင်ပါသည် သွေးဥမွှားအရေအတွက် ပုံမှန်အဆင့်သို့ ပြန်ရောက်သွားပါက ဆရာဝန် ညွှန်ကြားသည့်အတိုင်း ဆေးကို တဖြည်းဖြည်း လျှော့သောက်နိုင်ပါသည် ဤဆေးများသည် ပိုးဝင်နိုင်ခြေ၊ သွေးချိုတက်ခြင်းနှင့် အရိုးပွခြင်းတို့ကို ဖြစ်စေနိုင်သဖြင့် ရေရှည်သောက်ရန် အကြံမပြုပါ
• ကိုယ်ခံအားမြှင့် ပရိုတင်းဓာတ်။ ။ စတီးရွိုက်ဆေးများက ထိရောက်မှုမရှိပါက ဆရာဝန်က ဤဆေးကို ထိုးပေးနိုင်ပါသည် သင့်တွင် ပြင်းထန်စွာ သွေးထွက်နေပါက သို့မဟုတ် ခွဲစိတ်မှုမပြုမီ သွေးပမာဏကို လျင်မြန်စွာ မြှင့်တင်ရန်လိုအပ်ပါကလည်း ဤဆေးကို သုံးနိုင်ပါသည် ပုံမှန်အားဖြင့် အာနိသင်မှာ ရက်သတ္တပတ် အနည်းငယ်ကြာလျှင် ပျောက်ပြယ်သွားတတ်ပါသည်
• သွေးဥမွှားထုတ်လုပ်မှုကို လှုံ့ဆော်ပေးသော ဆေးများ။ ။ အယ်ထရမ်ဘိုပက် နှင့် ရိုမီပလော့စတင် ဟုခေါ်သော ဆေးနှစ်မျိုးသည် အရိုးခြင်ဆီမှ သွေးဥမွှားများ ပိုမိုထုတ်လုပ်နိုင်ရန် ကူညီပေးပါသည် ဤဆေးများသည် သွေးခဲနိုင်ခြေကို ပိုများစေနိုင်ပါသည်
• အခြားဆေးဝါးများ။ ။ ရီတူဆီးမက်ဘ် ဆေးသည် သွေးဥမွှားများကို ဖျက်ဆီးနေသော ကိုယ်ခံအားစနစ်ကို လျှော့ချပေးခြင်းဖြင့် သွေးဥမွှားပမာဏကို ပိုမိုများပြားလာစေပါသည် သို့သော် အကယ်၍ သင်သည် နောက်ပိုင်းတွင် သရက်ရွက်ဖယ်ရှားရန် ခွဲစိတ်မှုပြုလုပ်ရန် ဆုံးဖြတ်ပါက ဤဆေးသည် လိုအပ်သော ကာကွယ်ဆေးများ၏ ထိရောက်မှုကို လျော့နည်းစေနိုင်ပါသည်

ခွဲစိတ်ခြင်း

ရောဂါအခြေအနေ ပြင်းထန်ပါက ဆရာဝန်က သရက်ရွက်ကို ခွဲစိတ်ဖယ်ရှားရန် အကြံပြုနိုင်ပါသည် လူတိုင်းအတွက် ထိရောက်မှု မရှိနိုင်သော်လည်း ဤနည်းလမ်းသည် သွေးဥမွှားများ ပျက်စီးရခြင်း၏ အဓိကအကြောင်းရင်းကို လျင်မြန်စွာ ဖယ်ရှားပေးပြီး သွေးဥမွှားပမာဏကို မြင့်တက်စေပါသည် သရက်ရွက်မရှိဘဲ နေထိုင်ခြင်းသည် ပိုးဝင်နိုင်ခြေကို ပိုမိုများပြားစေပါသည်

အရေးပေါ်ကုသမှု

ဤရောဂါကြောင့် ပြင်းထန်သော သွေးထွက်မှုများ ရံဖန်ရံခါ ဖြစ်ပွားနိုင်သော်လည်း ၎င်းမှာ ရှားပါးပါသည် ပုံမှန်အားဖြင့် သွေးဥမွှားများ တိုက်ရိုက်သွင်းပေးခြင်းသည် အရေးပေါ်ကုသမှု၏ တစ်စိတ်တစ်ပိုင်း ဖြစ်ပါသည် သွေးပြန်ကြောအတွင်း ပိုက်သွင်း၍ စတီးရွိုက်ဆေးများနှင့် ကိုယ်ခံအားမြှင့် ပရိုတင်းဓာတ်များကိုလည်း ပေးနိုင်ပါသည်

Doctors who treat this condition