လူတစ်ဦးချင်းစီအတွက် စိတ်ကြိုက်ညှိယူခြင်း နည်းပညာ ဖြင့် ဒူးဆစ်အစားထိုးခွဲစိတ်မှု ရလဒ်များကို မြှင့်တင်ခြင်း

လူနာတစ်ဦးချင်းစီအတွက် စိတ်ကြိုက်ညှိယူခြင်း နည်းပညာ (Personalized alignment) – ဒူးဆစ်အစားထိုးခွဲစိတ်မှုတွင် အပြည့်အဝ တိကျမှုရရှိစေခြင်း

အတိတ်ကာလတွင် ဒူးဆစ်အစားထိုးခွဲစိတ်မှုကို “ပုံသေစံနှုန်းတစ်ခုတည်း” အယူအဆဖြင့်သာ အများဆုံး ပြုလုပ်ခဲ့ကြပြီး အစားထိုးဒူးဆစ်တုကို လုံးဝဖြောင့်တန်းသောအနေအထားကဲ့သို့ စံသတ်မှတ်ချက်ထောင့်များအတိုင်းသာ ချိန်ညှိတပ်ဆင်ခဲ့ကြသည်။

ဤနည်းလမ်းသည် လူနာတစ်ဦးချင်းစီ၏ မတူညီသော ခန္ဓာဗေဒတည်ဆောက်ပုံများနှင့် သီးခြားလှုပ်ရှားမှုပုံစံများကို လျစ်လျူရှုရာရောက်ခဲ့သည်။ ထို့ကြောင့် အချို့သောလူနာများသည် ခွဲစိတ်ပြီးနောက် ဒူးအသစ်ကို “သဘာဝမကျ” သကဲ့သို့ ခံစားရခြင်း၊ လမ်းလျှောက်သည့်အခါ တောင့်တင်းခြင်း သို့မဟုတ် လှုပ်ရှားမှုကြာရှည်လာပါက မအီမသာဖြစ်ခြင်းတို့ကို ကြုံတွေ့ခဲ့ရပြီး ရေရှည်လူနေမှုဘဝအရည်အသွေးကို ထိခိုက်စေခဲ့သည်။

ယနေ့ခေတ်တွင်မူ ဒူးဆစ်အစားထိုးခွဲစိတ်မှုသည် တိကျရုံမျှသာမကဘဲ “လူတစ်ဦးချင်းစီအတွက် သီးသန့်တိကျမှု” ကိုပါ ဖော်ဆောင်ပေးနေပြီဖြစ်သည်။ ” လူတစ်ဦးချင်းစီအတွက် စိတ်ကြိုက်ညှိယူခြင်း နည်းပညာ ” (Personalized Alignment) အယူအဆသည် အစားထိုးဒူးဆစ်တု တပ်ဆင်ခြင်းကို လူနာတစ်ဦးချင်းစီ၏ သဘာဝခန္ဓာဗေဒတည်ဆောက်ပုံနှင့် လှုပ်ရှားမှုများနှင့် ကိုက်ညီအောင် အထူးအလေးပေး ချိန်ညှိပေးခြင်းဖြစ်ပြီး ခွဲစိတ်ပြီးနောက် ပိုမိုသဘာဝကျကျ ပြန်လည်လှုပ်ရှားနိုင်ရန် ကူညီပေးသည်။

လူတစ်ဦးချင်းစီအတွက် စိတ်ကြိုက်ညှိယူခြင်း နည်းပညာ Personalized alignment) က ဘာကြောင့် ပိုကောင်းသလဲ။

1. လူနာနှင့် အကိုက်ညီဆုံးဖြစ်အောင် အထူးပုံစံထုတ်ခြင်း – လူနာ၏ လမ်းလျှောက်ပုံ၊ ဒူးကွေးသည့်ထောင့်များနှင့် အရိုးတည်ဆောက်ပုံ အနုစိတ်တို့အပါအဝင် ခန္ဓာကိုယ်မှ 3D အချက်အလက်များကို အသုံးပြု၍ လူနာနှင့် အမှန်တကယ် ကိုက်ညီမည့် ဒူးဆစ်တု တပ်ဆင်မည့် အနေအထားကို ပုံစံထုတ်ပေးခြင်း။
2. စက်ရုပ်စနစ်သုံး နည်းပညာဖြင့် တိကျမှုကို မြှင့်တင်ခြင်း – Velys စက်ရုပ်စနစ်သုံး နည်းပညာသည် “ပါရမီရှင် ခွဲစိတ်ဖက်” ကဲ့သို့ လုပ်ဆောင်ပေးပြီး အစားထိုးဒူးဆစ်တုကို စီစဉ်ထားသည့်အတိုင်း ပိုမိုမြင့်မားသော တိကျသေချာမှုဖြင့် နေရာချထားပေးခြင်း။
3. ပိုမိုသဘာဝကျသော လှုပ်ရှားမှု – အစားထိုးဒူးဆစ်တုကို လူနာ၏ သဘာဝလှုပ်ရှားမှုလမ်းကြောင်းအတိုင်း ချိန်ညှိထားသောကြောင့် ဒူးအသစ်သည် စိမ်းနေသကဲ့သို့ မခံစားရဘဲ ပြန်လည်နာလန်ထူမှု မြန်ဆန်စေကာ လှမ်းလိုက်သည့် ခြေလှမ်းတိုင်းတွင် ယုံကြည်မှု ပြန်လည်ရရှိစေခြင်း။
4. နောက်ဆက်တွဲပြဿနာများ ဖြစ်ပွားနိုင်ခြေကို လျှော့ချပေးခြင်း – အစားထိုးဒူးဆစ်တု ပွတ်တိုက်ပျက်စီးမှုကို အနည်းဆုံးဖြစ်စေပြီး အနာဂတ်တွင် ဒုတိယအကြိမ် ပြန်လည်ခွဲစိတ်ရမည့် အခွင့်အလမ်းကို လျှော့ချပေးခြင်း။

Velys စက်ရုပ်စနစ်သုံး နည်းပညာကြောင့် ဒူးဆစ်အစားထိုးခွဲစိတ်မှုသည် ပိုမိုတိကျသေချာရုံမျှမကဘဲ နာကျင်မှုကိုလည်း လျော့နည်းစေကာ လူနာတစ်ဦးချင်းစီအတွက် သီးသန့်စိတ်ကြိုက် ဖော်ဆောင်ပေးနိုင်သဖြင့် ခွဲစိတ်မှုအတွေ့အကြုံကို ကောင်းမွန်သော အလှည့်အပြောင်းတစ်ခုအဖြစ် ပြောင်းလဲပေးပါသည်။

အသေးစိတ်အချက်အလက်များကို စုံစမ်းမေးမြန်းရန်–
တင်ပါးဆုံနှင့် ဒူးဆစ်အထူးကုဌာန၊ ဝေ့ဌာနီနိုင်ငံတကာအထူးကုဆေးရုံကြီး
ဖုန်း – (+66)2-734-0000 လိုင်းခွဲ- 2222,2223
မြန်မာဘာသာ Hotline – (+66)63-853-2447

Related Posts

See All

ဒူးဆစ်အစားထိုးကုသမှုတွင် ဒူးဆစ်၏ မူလသဘာဝအတိုင်း ပြန်လည်ချိန်ညှိသည့် နည်းပညာ (Native Alignment Technique)

ဒူးဆစ်အရိုးနုစားခြင်း (Osteoarthritis) သည် နေ့စဉ်လူနေမှုဘဝအတွက် အဟန့်အတားဖြစ်လာသောအခါ ဒူးဆစ်အစားထိုးကုသမှုကို ထည့်သွင်းစဉ်းစားလေ့ရှိကြပါသည်။ ယခုအခါ “Native Alignment” ဟုခေါ်ဆိုသော ကုသမှုနည်းလမ်းသစ်သည် လှုပ်ရှားသွားလာနိုင်စွမ်းကို ပြန်လည်ကောင်းမွန်စေသည့်အပြင် စစ်မှန်သော ဒူးဆစ်၏သဘာဝခံစားမှုမျိုးနှင့် အနီးစပ်ဆုံးတူညီအောင် ပြန်လည်ဖန်တီးပေးလျက်ရှိပါသည်။ ဒူးဆစ်အရိုးနုစားခြင်း (Knee osteoarthritis) ဆိုသည်မှာ အဘယ်နည်း။ ဒူးဆစ်အရိုးနုစားခြင်းဆိုသည်မှာ ဒူးဆစ်အတွင်းရှိ အရိုးနုမျက်နှာပြင်များ တဖြည်းဖြည်း ယိုယွင်းပျက်စီးလာခြင်းကို ဆိုလိုပါသည်။ အရိုးနုသည် အရိုးအချင်းချင်း ပွတ်တိုက်မှုမရှိစေရန် ကြားခံအဖြစ် ဆောင်ရွက်ပေးခြင်း၊ ခန္ဓာကိုယ်အလေးချိန်ကို ထိန်းညှိပေးခြင်းနှင့် အဆစ်များကို ချောမွေ့စွာ လှုပ်ရှားနိုင်စေရန် ကူညီပေးခြင်းတို့ကို လုပ်ဆောင်ပါသည်။ ယင်းအရိုးနုများ ပျက်စီးလာသောအခါ လူနာအနေဖြင့် အဆစ်များ တောင့်တင်းခြင်း၊ နံနက်ခင်းတွင် ဒူးလှုပ်ရှားရန် ခက်ခဲခြင်း၊ နာကျင်ခြင်း၊ ရောင်ရမ်းခြင်း၊ အဆစ်အတွင်းမှ အသံများမြည်ခြင်းနှင့် အားနည်းခြင်းတို့ကို ခံစားရနိုင်ပါသည်။ […]

ကျန်းမာရေးဆိုင်ရာ စာစောင်များ

အစာအိမ်မှန်ပြောင်း ကြည့်ရှုစစ်ဆေးခြင်းသည် အစာအိမ်ကင်ဆာကို စောစီးစွာ ရှာဖွေဖော်ထုတ်နိုင်သည်

အစာအိမ်ကင်ဆာ သည် အစောပိုင်းအဆင့်များတွင် ရောဂါလက္ခဏာပြလေ့မရှိသောကြောင့် လူနာအများစုမှာ ရောဂါရင့်လာသည့်တိုင်အောင် မိမိတွင် ရောဂါရှိနေသည်ကို သတိမထားမိတတ်ကြပါ။ ဤကဲ့သို့ တိတ်တဆိတ်ဖြစ်ပွားတတ်သော ရောဂါကို စောစီးစွာသိရှိနိုင်ရန် အထိရောက်ဆုံးနည်းလမ်းမှာ အစာအိမ်မှန်ပြောင်း (Gastroscopy) ကြည့်ရှုခြင်း ပင် ဖြစ်ပါသည်။ ဤစစ်ဆေးမှုသည် ဘေးကင်းခြင်း၊ တိကျခြင်း၊ ကြာမြင့်ချိန်တိုတောင်းခြင်းနှင့် ခံစားရသည့် မသက်မသာဖြစ်မှု အနည်းဆုံးဖြစ်ခြင်း စသည့် အကျိုးကျေးဇူးများရှိသည့်အပြင် ရောဂါမပြန့်ပွားမီ အစောပိုင်းအဆင့်မှာပင် ပုံမှန်မဟုတ်သော အခြေအနေများကို ရှာဖွေဖော်ထုတ်ပေးနိုင်ပါသည်။ အစာအိမ်မှန်ပြောင်း ဖြင့် စစ်ဆေးမှုကို အဘယ်ကြောင့် ရွေးချယ်သင့်သနည်း? မည်သူများ အစာအိမ်မှန်ပြောင်း ကြည့်သင့်သနည်း? အစာအိမ်မှန်ပြောင်းကြည့်ရှုခြင်းသည် အစာအိမ်ကင်ဆာကို ကြိုတင်စစ်ဆေးရန် အထိရောက်ဆုံးသော နည်းလမ်းတစ်ခုဖြစ်ပါသည်။ စောစီးစွာ စစ်ဆေးခြင်းဖြင့် အချိန်မီကုသမှုခံယူနိုင်ပြီး ရောဂါပျောက်ကင်းနိုင်ခြေကို သိသိသာသာ မြင့်တက်စေပါသည်။ သင် သို့မဟုတ် သင့်ချစ်ခင်ရသူများတွင် […]

ကျန်းမာရေးဆိုင်ရာ စာစောင်များ