ပါးစပ်အနံ့ဆိုးထွက်ခြင်း

ရောဂါရှာဖွေခြင်း

သွားကျန်းမာရေး စစ်ဆေးစဉ်တွင် သွားဆရာဝန်သည် ပုံမှန်အားဖြင့် ပါးစပ်နှင့် နှာခေါင်းမှ ထွက်သော အနံ့ကို အကဲဖြတ်ပြီး သတ်မှတ်ထားသော အတိုင်းအတာတစ်ခုဖြင့် အဆင့်သတ်မှတ်လေ့ရှိပါသည်။ အနံ့သည် လျှာ၏ နောက်ဘက်ပိုင်းမှ စတင်ဖြစ်ပေါ်လေ့ ရှိသောကြောင့် ၎င်းနေရာကို ခြစ်ယူစစ်ဆေးခြင်းများ ပြုလုပ်နိုင်ပါသည်။ ပါးစပ်အနံ့ဆိုးထွက်စေသော ဓာတုပစ္စည်းများကို ဖော်ထုတ်နိုင်သည့် ခေတ်မီစက်ကိရိယာများ ရှိသော်လည်း ၎င်းတို့ကို နေရာတိုင်းတွင် မရရှိနိုင်ပါ။

ကုသမှု

ါးစပ်အနံ့ဆိုး ကင်းဝေးစေရန်၊ သွားပိုးစားခြင်းကို ကာကွယ်ရန်နှင့် သွားဖုံးရောဂါ ဖြစ်ပွားနိုင်ခြေကို လျှော့ချရန် ကောင်းမွန်သော ခံတွင်းသန့်ရှင်းရေး အလေ့အကျင့်များကို လိုက်နာရန် လိုအပ်ပါသည်။ ပါးစပ်အနံ့ဆိုးထွက်ခြင်းအတွက် ကုသမှုသည် အရင်းခံအကြောင်းတရားပေါ်တွင် မူတည်ပါသည်။ အကယ်၍ ပါးစပ်အနံ့ဆိုးထွက်ခြင်းသည် အခြားကျန်းမာရေး ပြဿနာတစ်ခုခုကြောင့် ဖြစ်သည်ဟု သံသယရှိပါက သွားဆရာဝန်မှ သင့်လျော်သော ဆရာဝန်ထံသို့ လွှဲပြောင်းပေးနိုင်ပါသည်။ ခံတွင်းကျန်းမာရေးနှင့် သက်ဆိုင်သော အကြောင်းရင်းများအတွက် သွားဆရာဝန်သည် အခြေအနေကို ကုသရန် သင်နှင့် ပူးပေါင်းဆောင်ရွက်ပါလိမ့်မည်။ သွားကျန်းမာရေးဆိုင်ရာ ဆောင်ရွက်ချက်များတွင် အောက်ပါတို့ ပါဝင်နိုင်ပါသည်။

• ပါးစပ်သန့်စင်ဆေးရည်နှင့် သွားတိုက်ဆေးများ – သင့်ပါးစပ်အနံ့ဆိုးထွက်ခြင်း၏ အကြောင်းရင်းသည် သွားများပေါ်ရှိ ဘက်တီးရီးယားများ စုပုံခြင်းကြောင့် ဖြစ်ပါက သွားဆရာဝန်မှ ဤဘက်တီးရီးယားများကို ဖယ်ရှားရန် အထူးထုတ်လုပ်ထားသော ပါးစပ်သန့်စင်ဆေးရည်ကို အသုံးပြုရန် အကြံပြုနိုင်ပါသည်။ ထို့အပြင် ကျောက်ကပ်ခြင်းကို ဖြစ်စေသော ဘက်တီးရီးယားများကို ထိရောက်စွာ တိုက်ဖျက်နိုင်သော ပိုးသတ်ဆေးပါဝင်သည့် သွားတိုက်ဆေးကိုလည်း ညွှန်းနိုင်ပါသည်။
• သွားရောဂါများကို ကုသခြင်း – သွားဖုံးရောဂါ ဖြစ်ပွားပါက သင့်သွားဆရာဝန်သည် သွားဖုံးကျန်းမာရေး အထူးကုဆရာဝန်ထံ လွှဲပြောင်းပေးနိုင်ပါသည်။ သွားဖုံးရောဂါသည် သွားနှင့် သွားဖုံးကို ကွာဟစေပြီး အနံ့ဆိုးထွက်စေသော ဘက်တီးရီးယားများ ခိုအောင်းနိုင်သည့် ကျင်းပေါက်ကဲ့သို့သော နေရာများကို ဖြစ်ပေါ်စေပါသည်။ များသောအားဖြင့် ကျွမ်းကျင်ပညာရှင်များ၏ သန့်စင်မှုဖြင့်သာ ဤဘက်တီးရီးယားများကို ထိရောက်စွာ ဖယ်ရှားနိုင်ပါသည်။ ထို့အပြင် သွားဆရာဝန်သည် ပျက်စီးနေသော သွားပြုပြင်မှုများကို အသစ်လဲလှယ်ရန် အကြံပြုနိုင်ပါသည်၊ အဘယ်ကြောင့်ဆိုသော် ၎င်းတို့သည် အန္တရာယ်ရှိသော ဘက်တီးရီးယားများ ပေါက်ပွားရာနေရာ ဖြစ်လာနိုင်သောကြောင့် ဖြစ်ပါသည်။
• နေထိုင်မှုပုံစံနှင့် မိမိကိုယ်ကို ဂရုစိုက်ခြင်း – ပါးစပ်အနံ့ဆိုးထွက်ခြင်းကို လျှော့ချရန် သို့မဟုတ် ကာကွယ်ရန် အောက်ပါတို့ကို လုပ်ဆောင်သင့်ပါသည်။
o အစားစားပြီးနောက် သွားတိုက်ခြင်း – အစာစားပြီးနောက် အသုံးပြုရန် သွားတိုက်တံတစ်ချောင်းကို အလုပ်တွင် ထားရှိခြင်းနှင့် ဖလိုရိုက်ပါဝင်သော သွားတိုက်ဆေးဖြင့် အနည်းဆုံး တစ်နေ့ နှစ်ကြိမ်၊ အထူးသဖြင့် အစာစားပြီးချိန်တွင် သွားတိုက်ခြင်းသည် ပါးစပ်အနံ့ဆိုးထွက်ခြင်းကို ကာကွယ်ရန် ထိရောက်သော အိမ်တွင်းကုထုံးများ ဖြစ်ပါသည်။ ထို့အပြင် ပိုးသတ်ဆေးအာနိသင် ပါဝင်သော သွားတိုက်ဆေးကို အသုံးပြုခြင်းသည် ပါးစပ်အနံ့ဆိုးကို လျှော့ချရန် အထောက်အကူ ဖြစ်စေပါသည်။
o တစ်နေ့လျှင် တစ်ကြိမ် သွားပွတ်ကြိုး အသုံးပြုခြင်း – စနစ်တကျမှန်ကန်ပြီး သွားပွတ်ကြိုးကို ပုံမှန်အသုံးပြုခြင်းသည် သွားကြားရှိ အစာဟောင်းများနှင့် ဘက်တီးရီးယားများကို ဖယ်ရှားရာတွင် မရှိမဖြစ် လိုအပ်ပြီး ပါးစပ်အနံ့ဆိုးထွက်ခြင်းကို ထိန်းချုပ်ရာတွင် ထိရောက်စွာ ကူညီပေးပါသည်။
o လျှာကို တိုက်ပေးခြင်း – ဘက်တီးရီးယားများသည် လျှာပေါ်တွင် စုပုံနေပြီး ပါးစပ်အနံ့ဆိုးထွက်ခြင်းကို ဖြစ်စေနိုင်ပါသည်။ ထို့ကြောင့် လျှာကို သတိထား၍ တိုက်ပေးခြင်းဖြင့် အနံ့ဆိုးများကို လျှော့ချနိုင်ပါသည်။ ဆေးလိပ်သောက်ခြင်း သို့မဟုတ် ခံတွင်းခြောက်ခြင်းကြောင့် ဘက်တီးရီးယားများ အလွန်အမင်း ပေါက်ပွားပြီး လျှာပေါ်တွင် အဖြူဖတ်များ ဖြစ်ပေါ်နေပါက လျှာခြစ်တံကို အသုံးပြုခြင်းသည် အကျိုးရှိနိုင်ပါသည်။ သို့မဟုတ်ပါက လျှာတိုက်ရန် ပါဝင်သည့် သွားတိုက်တံကို ရွေးချယ်အသုံးပြုနိုင်ပါသည်။
o အံကပ်များကို သန့်ရှင်းရေးလုပ်ခြင်း – သွားတု သို့မဟုတ် အံကပ်ကို အသုံးပြုပါက အနည်းဆုံး တစ်နေ့လျှင် တစ်ကြိမ် သို့မဟုတ် သွားဆရာဝန်၏ ညွှန်ကြားချက်အတိုင်း သေချာစွာ သန့်ရှင်းရေး လုပ်သင့်ပါသည်။ ထိုနည်းတူစွာ သွားထိန်းကိရိယာ သို့မဟုတ် ပါးစပ်ကာကွယ်သည့် ကိရိယာ တပ်ရပါက ပါးစပ်ထဲသို့ မထည့်မီ သန့်ရှင်းရေး လုပ်ဆောင်ပါ။ သင့်လျော်သော သန့်ရှင်းရေး ပစ္စည်းများအတွက် သွားဆရာဝန်နှင့် တိုင်ပင်ဆွေးနွေးပါ။
o ခံတွင်းခြောက်ခြင်းကို ရှောင်ကြဉ်ခြင်း – ပါးစပ်အတွင်း အစိုဓာတ်ကို ထိန်းသိမ်းရန် ဆေးရွက်ကြီးကို ရှောင်ကြဉ်ပြီး ရေများများသောက်ပါ၊ ခံတွင်းခြောက်စေနိုင်သည့် ကော်ဖီ၊ အချိုရည်နှင့် အရက်တို့ကို ရှောင်ကြဉ်ပါ။ တံတွေးထွက်ခြင်းကို အားပေးရန် ပီကေ ဝါးခြင်း သို့မဟုတ် သကြားမပါသော သကြားလုံးကို ငုံပေးနိုင်ပါသည်။ ခံတွင်းခြောက်ခြင်း မပျောက်ကင်းပါက သွားဆရာဝန် သို့မဟုတ် ဆရာဝန်မှ တံတွေးတု ဆေးရည် သို့မဟုတ် တံတွေးထွက်စေသော သောက်ဆေးကို ညွှန်ကြားနိုင်ပါသည်။
o အစားအသောက်ကို ဆင်ခြင်ခြင်း – ပါးစပ်အနံ့ဆိုးထွက်ခြင်းကို လျှော့ချရန် အနံ့ပြင်းသော ကြက်သွန်နီနှင့် ကြက်သွန်ဖြူ ကဲ့သို့သော အစားအစာများကို ရှောင်ကြဉ်သင့်ပါသည်။ ထို့အပြင် အချိုစာများသည် ပါးစပ်အနံ့ဆိုးထွက်ခြင်းနှင့် ဆက်စပ်နေသောကြောင့် လျှော့စားရန် အကြံပြုအပ်ပါသည်။
o သွားတိုက်တံ အသစ်လဲလှယ်ခြင်း – သွားတိုက်တံကို သုံးလမှ လေးလတစ်ကြိမ် သို့မဟုတ် အမွေးအမျှင်များ ပျက်စီးလာပါက အသစ်လဲလှယ်ရန် လိုအပ်ပါသည်။ ထိရောက်စွာ သန့်ရှင်းရေး လုပ်နိုင်ရန် အမွေးနုသော သွားတိုက်တံကို ရွေးချယ်သင့်ပါသည်။
o သွားကျန်းမာရေး ပုံမှန်စစ်ဆေးခြင်း – ပုံမှန် သွားကျန်းမာရေး စစ်ဆေးခြင်းသည် ကောင်းမွန်သော ခံတွင်းကျန်းမာရေးကို ထိန်းသိမ်းရန် အရေးကြီးပါသည်။ များသောအားဖြင့် တစ်နှစ်လျှင် နှစ်ကြိမ် သွားဆရာဝန်ထံ သွားရောက်ပြီး သွားနှင့် အံကပ်များကို စစ်ဆေးသန့်ရှင်းမှု ပြုလုပ်သင့်ပါသည်။ ဤသို့ ပြုလုပ်ခြင်းဖြင့် ဖြစ်လာနိုင်သော သွားပြဿနာများကို ကာကွယ်နိုင်ပြီး ရှိပြီးသား ပြဿနာများကို စောစီးစွာ တွေ့ရှိကုသနိုင်မည် ဖြစ်ပါသည်။

Doctors who treat this condition