ជំងឺសឹកឆ្អឹងខ្នង (Degenerative Spine Disease) គឺជាជំងឺឆ្អឹងមួយក្នុងចំណោមជំងឺឆ្អឹងទូទៅបំផុតចំពោះមនុស្សក្នុងវ័យធ្វើការ ជាពិសេសអ្នកដែលអង្គុយនៅមុខកុំព្យូទ័ររយៈពេលយូរ ឬតែងតែឱនចុះលេងទូរស័ព្ទ។ ស្ថានភាពនេះបណ្តាលមកពីការខូចទ្រង់ទ្រាយនៃឌីស សន្លាក់ឆ្អឹង និងឆ្អឹងខ្នង ដែលអាចបណ្តាលឱ្យឈឺខ្នង ឈឺក ឬស្ពឹកដែលរាលដាលដល់ដៃ និងជើង ប្រសិនបើមិនបានព្យាបាលឱ្យបានត្រឹមត្រូវ
ឆ្អឹងខ្នងរបស់មនុស្សត្រូវបានបង្កើតឡើងដោយឆ្អឹងខ្ចី ឌីស សន្លាក់ និងសាច់ដុំទ្រទ្រង់។ នៅពេលដែលយើងចាស់ទៅ ឬជួបប្រទះនឹងឥរិយាបថមិនត្រឹមត្រូវ សមាសធាតុទាំងនេះចុះខ្សោយបន្តិចម្តងៗ ដែលធ្វើឱ្យចន្លោះរវាងឆ្អឹងរួមតូច និងដាក់សម្ពាធលើសរសៃប្រសាទ ដែលនាំឱ្យមានការឈឺខ្នង ឈឺក និងស្ពឹកដែលរាលដាលចុះមកដៃ និងជើង
ប្រសិនបើរោគសញ្ញាមិនប្រសើរឡើងក្នុងរយៈពេល 6-12 សប្តាហ៍ ឬប្រសិនបើការសង្កត់សរសៃប្រសាទធ្ងន់ធ្ងរ គ្រូពេទ្យរបស់អ្នកអាចពិចារណាលើការវះកាត់ ដូចជា៖
បច្ចុប្បន្ននេះ ការវះកាត់បែបមុខរបួសតូច (MIS: Minimally Invasive Surgery) ជាការវះកាត់ដោយប្រើប្រាស់បច្ចេកវិទ្យាទំនើបៗដូចជា ការវះកាត់ដោយប្រើកាមេរ៉ា ដើម្បីកាត់បន្ថយទំហំនៃស្នាមវះ និងផ្តល់នូវទិដ្ឋភាពកាន់តែច្បាស់នៃកន្លែងវះកាត់។ លើសពីនេះ រួមជាមួយការដាក់លោហៈដោយប្រើឧបករណ៍រុករក (Navigator) ដែលជួយឪ្យវេជ្ជបណ្ឌិតអាចដាក់លោហៈទ្រទ្រង់ឆ្អឹងបានកាន់តែច្បាស់លាស់
ប្រសិនបើអ្នកជួបប្រទះនឹងការឈឺខ្នង ឬករ៉ាំរ៉ៃ ស្ពឹក ខ្សោយ ឬមានបញ្ហាក្នុងការដើរ អ្នកគួរតែទៅជួបអ្នកឯកទេសឆ្អឹងខ្នងជាបន្ទាន់ ដើម្បីទទួលការធ្វើរោគវិនិច្ឆ័យ និងការព្យាបាលត្រឹមត្រូវបានចាប់តាំងពីដំណាក់កាលដំបូង
ពិតមែនហើយ របៀបរស់នៅមិនសូវសកម្ម អង្គុយយូរ ការឪនមើលម៉ូនីទ័រយូរ លើករបស់របរមិនត្រឹមត្រូវ និងសាច់ដុំស្នូលខ្សោយ សុទ្ធសឹងតែជាកត្តាដែលជុំរុញឪ្យមានការខូចទ្រង់ទ្រាយ និងបង្កឱ្យមានរោគសញ្ញាចំពោះមនុស្សដែលមានអាយុពី 25-45 ឆ្នាំ។
ជំងឺសឹកឆ្អឹងខ្នងគឺជា “ការខូចទ្រង់ទ្រាយនៃរចនាសម្ព័ន្ធខ្នង” ដោយរួម។ ជំងឺលានឌីស (Herniated Disc) គឺជាស្ថានភាពខូចទ្រង់ទ្រាយនៃឌីសនិងលានចេញទៅសង្កត់លើសរសៃប្រសាទ ដែលបណ្តាលឱ្យមានការឈឺចាប់រាលដាល ឬស្ពឹក
អាចព្យាបាលបាន ប្រសិនបើត្រូវបានរកឃើញតាំងពីដំណាក់កាលដំបូង ភាគច្រើនអាចព្យាបាលបានដោយវិធីសាស្ត្រមិនចាំបាច់វះកាត់ ដូចជាការព្យាបាលដោយចលនា ការកែតម្រូវឥរិយាបថ ឬការចាក់ថ្នាំប្រឆាំងនឹងការរលាក។ ទោះជាយ៉ាងណាក៏ដោយ ប្រសិនបើរោគសញ្ញាធ្ងន់ធ្ងរគ្រប់គ្រាន់រហូតសង្កត់លើសរសៃប្រសាទ អាចចាំបាច់ត្រូវធ្វើការវះកាត់ដើម្បីបំបាត់រោគសញ្ញា
មជ្ឈមណ្ឌលឆ្អឹងខ្នង, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: 02-734-0000
