ស្វែងរកគ្រូពេទ្យ មគ្គុទេស ធ្វើការណាត់ជួប និយាយជាមួយគ្រូពេទ្យ

អត្ថបទសុខភាព

ការវះកាត់សរសៃឈាមបេះដូង (Bypass)ដោយប្រើបច្ចេកទេស “មិនប្រើប្រាស់ម៉ាស៊ីនសួតនិងបេះដូងសិប្បនិម្មិត” (Off-Pump CABG)

ជំងឺត្បៀតសរសៃឈាមបេះដូង គឺជាស្ថានភាពដែលសរសៃឈាមបេះដូងត្បៀតតូចឬស្ទះ បណ្តាលឱ្យឈាមហូរទៅចិញ្ចិមសាច់ដុំបេះដូងមិនគ្រប់គ្រាន់ ប្រសិនបើសរសៃឈាមត្បៀតតូចជាច្រើនកន្លែង ឬច្រើនសរសៃរ វេជ្ជបណ្ឌិតនិងពិចារណាព្យាបាលដោយការវះកាត់សរសៃឈាមបេះដូង (Bypass)។ បច្ចុប្បន្ននេះមានបច្ចេកទេសមួយដែលហៅថាការវះកាត់សរសៃឈាមបេះដូង (Bypass) ដោយប្រើបច្ចេកទេស “មិនប្រើប្រាស់ម៉ាស៊ីនសួតនិងបេះដូងសិប្បនិម្មិត” (Off-Pump CABG) កាត់បន្ថយផលវិបាកដែលអាចកើតឡើងពីការប្រើប្រាស់ម៉ាស៊ីនសួត និងបេះដូងសិប្បនិម្មិត កាត់បន្ថយអត្រានៃការបាត់បង់ឈាម អ្នកជំងឺជាសះស្បើយលឿនជាងមុន និងត្រលប់ទៅប្រើប្រាស់ជីវិតប្រចាំថ្ងៃបានលឿនជាងមុន។

DR. CHAWAKORN LEAMPRIBOON គ្រូពេទ្យវះកាត់បេះដូងនៃ មន្ទីរពេទ្យវេជ្ជថានី បានពន្យល់ថា ជំងឺត្បៀតសរសៃឈាមបេះដូង គឺជា ការត្បៀតឬស្ទះនៃសរសៃរឈាមបេះដូង ដូច្នេះទើបឈាមមិនអាចហូរបានដោយងាយស្រួល បណ្តារឪ្យឈាមហូរទៅចិញ្ចិមសាច់ដុំបេះដូងបានតិចជាងមុន ដោយការត្បៀតឬស្ទះនេះបណ្តារមកពីមានខ្លាញ់ឬកំណកកំបោរទៅរុំក្នុងសរសៃឈាម មានកត្តាហានិភ័យទាក់ទងនឹងជំងឺប្រចាំខ្លួនដូចជា កូលេស្តេរ៉ុលខ្ពស់នៅក្នុងសរសៃឈាម សម្ពាធឈាមខ្ពស់ ជំងឺទឹកនោមផ្អែម និងទម្លាប់នៃការរស់នៅដូចជាការជក់បារីជាដើម។

ដូចនេះនៅពេលដែលឈាមមិនអាចហូរទៅចិញ្ចិមសាច់ដុំបេះដូងមិនគ្រប់គ្រាន់ និងបណ្តាលឱ្យមានការឈឺទ្រូង និងដកដង្ហើមខ្លី ប្រសិនបើកាន់តែធ្ងន់ធ្ងរវាអាចបណ្តាលឱ្យគាំងបេះដូងភ្លាមៗបាន ដូច្នេះហើយ ប្រសិនបើអ្នកចាប់ផ្តើមមានរោគសញ្ញាដែលរំខានដល់ជីវិតប្រចាំថ្ងៃរបស់អ្នក អ្នកគួរតែទៅជួបគ្រូពេទ្យជាបន្ទាន់ ដើម្បីទទួលការធ្វើរោគវិនិច្ឆ័យ និងការព្យាបាលត្រឹមត្រូវ។

ការព្យាបាលជំងឺត្បៀតសរសៃឈាមបេះដូងមានច្រើនវិធី ចាប់ផ្តើមពី ការពិសារថ្នាំ ការពង្រីកសរសៃឈាមបេះដូង (Heart Balloon Angioplasty) ក្នុងករណីដែលសរសៃឈាមត្បៀតតូចច្រើនកន្លែង ឬច្រើនសរសៃរ វេជ្ជបណ្ឌិតនិងពិចារណាព្យាបាលដោយការវះកាត់សរសៃឈាមបេះដូង (Bypass) គឺជាការវះកាត់ តសរសៃឈាមបេះដូងដើម្បីឱ្យឈាមហូរកាត់ជំនួសឱ្យសរសៃឈាមដើមដែលត្បៀត។

ការវះកាត់សរសៃឈាមបេះដូងគឺជាវិធីសាស្ត្រដែលបានធ្វើតាំងពីយូរយារណាស់មកហើយ ហើយនៅតែបន្តធ្វើជាស្តង់ដារផងដែរ ជាការវះកាត់ដោយប្រើម៉ាស៊ីនសួត និងបេះដូងសិប្បនិម្មិត (On-Pump CABG) រួមជាមួយនឹងការធ្វើឱ្យបេះដូងឈប់លោត វេជ្ជបណ្ឌិតនឹងអាចធ្វើការវះកាត់បានយ៉ាងងាយស្រួល ប៉ុន្តែការសិក្សាបានរកឃើញថា មាស៊ីនសួត និងបេះដូងសិប្បនិម្មិតអាចបង្កឱ្យមានការរលាកក្នុងខ្លួន អាចប៉ះពាល់ដល់ការស្តារឡើងវិញ និងមុខងារបេះដូងវាក៏ប៉ះពាល់ដល់ប្លាកែត និងការកកឈាមផងដែរអាចបណ្តាលឱ្យមានការហូរឈាមច្រើនខុសប្រក្រតីក្រោយពេលវះកាត់បាន។

នាពេលបច្ចុប្បន្ននេះមានបច្ចេកទេសវះកាត់មួយហៅថា ការវះកាត់សរសៃឈាមបេះដូង (Bypass) ដោយប្រើបច្ចេកទេស “មិនប្រើប្រាស់ម៉ាស៊ីនសួតនិងបេះដូងសិប្បនិម្មិត” (Off-Pump CABG) គឺជាវិធីសាស្ត្រវះកាត់ដោយ បេះដូងមិនឈប់លោតអំឡុងពេលប្រតិបត្តិការ វេជ្ជបណ្ឌិតនឹងនាំយកឧបករណ៍សម្រាប់ទប់បេះដូងនៅទីតាំងដែលនឹងធ្វើការវះកាត់ ដោយបេះដូងនៅតែលោត អាចវះកាត់បានដោយមិនចាំបាច់ប្រើ ម៉ាស៊ីនសួតនិងបេះដូងសិប្បនិម្មិត

ការវះកាត់សរសៃឈាមបេះដូង (Bypass) ដោយប្រើបច្ចេកទេស “មិនប្រើប្រាស់ម៉ាស៊ីនសួតនិងបេះដូងសិប្បនិម្មិត” (Off-Pump CABG) មានអត្ថប្រយោជន៍ជាច្រើនដូចជា៖

កាត់បន្ថយផលវិបាកពីការប្រើប្រាស់សួត និងបេះដូងសិប្បនិម្មិត
ការបាត់បង់ឈាមតិច កាត់បន្ថយអត្រានៃការបន្ថែមឈាមអំឡុងពេលវះកាត់ និងក្រោយពេលវះកាត់
កាត់បន្ថយរយៈពេលនៃការវះកាត់ និងការប្រើថ្នាំសន្លប់
អ្នកជំងឺជាសះស្បើយយ៉ាងឆាប់រហ័ស កាត់បន្ថយរយះពេលសម្រាក់ក្នុងមន្ទីរពេទ្យ
អ្នកជំងឺអាចវិលទៅរកជីវិតធម្មតាបានលឿនជាងមុន

ទោះជាយ៉ាងណាក៏ដោយ ការវះកាត់សរសៃឈាមបេះដូងដោយប្រើបច្ចេកទេសដែលមិនប្រើម៉ាស៊ីនសួត ឬបេះដូងសិប្បនិម្មិត (Off-Pump CABG) គឺជាជម្រើសព្យាបាលដ៏មានប្រសិទ្ធភាព និងសុវត្ថិភាពសម្រាប់ជំងឺសរសៃឈាមបេះដូង ប៉ុន្តែត្រូវព្យាបាលដោយវេជ្ជបណ្ឌិតដែលមានបទពិសោធន៍ និងជំនាញក្នុងការប្រើប្រាស់បច្ចេកទេសនេះ ដែលអាចជួយឱ្យការវះកាត់ឆាប់រហ័ស ទទួលបានអត្ថប្រយោជន៍ច្រើនបំផុត និងមានសុវត្ថិភាពសម្រាប់អ្នកជំងឺដើម្បីគុណភាពជីវិតកាន់តែប្រសើរឡើងបន្ទាប់ពីការព្យាបាល