ရေကူးသူများတွင်သာ ဖြစ်ပေါ်တတ်သောယားယံခြင်း ရောဂါ

Overview

ရေကူးခြင်း သို့မဟုတ် ရေစပ်တွင် လမ်းလျှောက်ခြင်းတို့ ပြုလုပ်ပြီးနောက် “swimmer’s itch” ဟုခေါ်သော အဖုအပိမ့်များ ထွက်လာနိုင်ပါသည်။ ဆားငန်ရေတွင်လည်း ဖြစ်ပွားနိုင်သော်လည်း ရေချိုကန်များနှင့် အိုင်များတွင် ရေကူးပြီးနောက်ပိုင်းတွင် အများဆုံး ဖြစ်ပွားလေ့ရှိသည်။ ယင်းကို cercarial dermatitis ဟုလည်း ခေါ်ဆိုကြသည်။

နွေးထွေးပြီး ငြိမ်သက်နေသော ရေထဲတွင် ရေကူးခြင်း သို့မဟုတ် ရေစပ်တွင် လမ်းလျှောက်ခြင်းတို့ ပြုလုပ်စဉ် အရေပြားထဲသို့ တွင်းအောင်းဝင်ရောက်တတ်သည့် ရေထဲရှိ အလွန်သေးငယ်သော သန်ကောင်များကြောင့် ဖြစ်ပွားသော တုံ့ပြန်မှုတစ်ခုသည် များသောအားဖြင့် swimmer’s itch ကို ဖြစ်စေသည်။ အဆိုပါ သန်ကောင်များသည် လူသားများ၏ ခန္ဓာကိုယ်ထဲတွင် ရှင်သန်နိုင်ခြင်းမရှိသောကြောင့် မကြာမီ အချိန်အတွင်း သေဆုံးသွားကြသည်။

အနီရောင်ရှိသော အဖုအပိမ့်များနှင့် ဝက်ခြံကဲ့သို့ အဖုများ ထွက်လာခြင်းသည် swimmer’s itch ၏ အဓိက လက္ခဏာများ ဖြစ်သည်။ အနည်းငယ်သော ရက်ပိုင်းအတွင်း swimmer’s itch သည် များသောအားဖြင့် သူ့အလိုလို ပျောက်ကင်းသွားတတ်သည်။ ထိုအချိန်အတောအတွင်း ယားယံခြင်းကို လျှော့ချရန်အတွက် ဆေးဝါးများကို အသုံးပြုနိုင်သည်။

Symptoms

ဝက်ခြံ သို့မဟုတ် အရည်ကြည်ဖုများနှင့် တူသော ယားယံသည့် အဖုအပိမ့်များ ထွက်လာခြင်းသည် swimmer’s itch ၏ လက္ခဏာများထဲမှ တစ်ခုဖြစ်သည်။ ကူးစက်ခံထားရသော ရေထဲတွင် ရေကူးခြင်း သို့မဟုတ် ရေစပ်တွင် လမ်းလျှောက်ခြင်းတို့ ပြုလုပ်ပြီးနောက် လက္ခဏာများသည် ချက်ချင်း ပေါ်လာနိုင်သည် သို့မဟုတ် ပေါ်လာရန်အတွက် နှစ်ရက်အထိ ကြာမြင့်နိုင်သည်။

များသောအားဖြင့် အဖုအပိမ့်များသည် ရေကူးဝတ်စုံများ၊ ရေငုပ်ဝတ်စုံများ သို့မဟုတ် ငါးဖမ်းဝတ်စုံများဖြင့် ဖုံးအုပ်မထားသော လွတ်နေသည့် အရေပြားပေါ်တွင်သာ ဖြစ်ပွားတတ်သည်။ swimmer’s itch ကို ဖြစ်စေသော သန်ကောင်များနှင့် ထိတွေ့မိသည့် အကြိမ်တိုင်းတွင် သင်၏ တုံ့ပြန်မှု အာရုံခံနိုင်စွမ်းသည် ပိုမို မြင့်တက်လာနိုင်သည်။

ရေကူးပြီးနောက် ဖြစ်ပေါ်လာသော အဖုအပိမ့်များသည် တစ်ပတ်ထက် ပိုမိုကြာမြင့်ပါက ဆရာဝန်နှင့် တိုင်ပင်ဆွေးနွေးပါ။ အဖုအပိမ့်များနှင့်အတူ ပြည်တည်ခြင်းကို တွေ့ရှိပါက သင်၏ ဆရာဝန်နှင့် တိုင်ပင်ဆွေးနွေးပါ။ အရေပြားအထူးကု ဆရာဝန် (အရေပြားပြဿနာများကို အထူးပြုသော ဆရာဝန်) ထံသို့ သွားရောက်ရန် ညွှန်ကြားခံရနိုင်ပါသည်။

Causes

နွေးထွေးသော ရေထဲမှ သင်၏ အရေပြားအတွင်းသို့ ချဉ်းနင်းဝင်ရောက်သော သန်ကောင်များအပေါ် ဓာတ်မတည့်မှု ဖြစ်ပွားခြင်းသည် swimmer’s itch ကို ဖြစ်စေသော အကြောင်းရင်း ဖြစ်သည်။ ရေကန်များနှင့် အိုင်များအနီးတွင် နေထိုင်ကြသော ငန်းများ၊ ဘဲများနှင့် ဖျံကြီးများ အပါအဝင် တိရစ္ဆာန်အချို့တွင် အဆိုပါ သန်ကောင်များ ရှိနေတတ်သည်။

တိရစ္ဆာန်များ၏ မစင်မှတစ်ဆင့် သန်ကောင်များ၏ ဥများသည် ရေထဲသို့ ရောက်ရှိသွားသည်။ သန်ကောင်ပေါက်လေးများသည် ဥမှ ပေါက်ဖွားလာပြီးနောက် ရေတိမ်ပိုင်းတွင် နေထိုင်သော ခရုမျိုးစိတ်တစ်ခုအတွင်း၌ ကြီးထွားလာကြသည်။ ထို့နောက် သန်ကောင်များကို ခရုများက ရေထဲသို့ ပြန်လည် ထုတ်လွှတ်လိုက်ပြီး ထိုအချိန်တွင် လူသားများကို ကူးစက်စေနိုင်သည်။

swimmer’s itch သည် လူတစ်ဦးမှ တစ်ဦးသို့ ကူးစက်ပျံ့နှံ့ခြင်း မရှိနိုင်ပါ။

Risk factors

အောက်ပါ အချက်များသည် swimmer’s itch ဖြစ်ပွားနိုင်ခြေကို မြင့်တက်စေနိုင်သည် –

• သတ်မှတ်ထားသော သန်ကောင်များ ရှိနေသည့် ရေထဲတွင် ရေကူးခြင်း။
• ရေထဲမှ တက်လာပြီးနောက် ခန္ဓာကိုယ်ကို ခြောက်သွေ့အောင် တည်းသုတ်ပုဝါဖြင့် သုတ်ရန် ပျက်ကွက်ခြင်း။
• swimmer’s itch ကို ဖြစ်စေသော သန်ကောင်များအပေါ် တုံ့ပြန်မှု အာရုံခံနိုင်စွမ်း မြင့်မားစွာ ရှိနေခြင်း။