အာရုံကြောကြောင့်ဖြစ်သောစိတ်ခံစားမှုထိန်းချုပ်မရသည့်ဝေဒနာ

ဖြစ်ပွားရသောအကြောင်းရင်းများ

ဤဝေဒနာ ဖြစ်ပွားရသည့် အတိအကျ အကြောင်းရင်းကို မသိရသေးပါ၊၊ ၎င်းကို အောက်ပါ အာရုံကြောဆိုင်ရာ ရောဂါ သို့မဟုတ် ထိခိုက်မှုရှိသူများတွင် မကြာခဏ တွေ့ရတတ်ပါသည်-

• အသက်ကြီး၍ သတိမေ့သောရောဂါ၊၊
• ကြွက်သားအားနည်းပြီး ပိန်လှီသောရောဂါ၊၊
• ဦးနှောက်အကျိတ်များ၊၊
• အတက်ရောဂါ၊၊
• အာရုံကြောအလွှာများ ပျက်စီးသောရောဂါ၊၊
• တုန်တုန်ယင်ယင်ဖြစ်သော အာရုံကြောရောဂါ၊၊
• လေဖြတ်ခြင်း၊၊
• ဦးနှောက် ပြင်းထန်စွာ ထိခိုက်ဒဏ်ရာရခြင်း၊၊
• ခန္ဓာကိုယ်အတွင်း ကြေးနီဓာတ် စုပုံသောရောဂါ၊၊

သုတေသနများ ထပ်မံပြုလုပ်ရန် လိုအပ်နေသေးသော်လည်း စိတ်ခံစားမှု ဖော်ပြပုံကို ထိန်းချုပ်သည့် အာရုံကြောလမ်းကြောင်းများ ထိခိုက်ခြင်းမှာ ဤဝေဒနာ၏ အဓိက အကြောင်းရင်း ဖြစ်နိုင်သည်ဟု ယူဆကြပါသည်၊၊

ဖြစ်နိုင်ခြေရှိသောအချက်များ

ဤဝေဒနာသည် လူကြီးရော ကလေးပါ ဖြစ်ပွားနိုင်သော အာရုံကြောဆိုင်ရာ ရောဂါတစ်ခု ဖြစ်ပါသည်၊၊ လေ့လာမှုများအရ-

• ကြွက်သားအားနည်းပြီး ပိန်လှီသောရောဂါရှိသူများ၏ ၅၀ ရာခိုင်နှုန်းခန့်၊၊
• ဦးနှောက် ပြင်းထန်စွာ ထိခိုက်ဒဏ်ရာရသူများ၏ ၄၈ ရာခိုင်နှုန်းခန့်နှင့်၊၊
• အာရုံကြောအလွှာများ ပျက်စီးသောရောဂါရှိသူများ၏ ၄၆ ရာခိုင်နှုန်းခန့်တွင် ဤဝေဒနာ ခံစားရနိုင်ခြေ ရှိပါသည်၊၊

ရောဂါရှာဖွေခြင်း

ဤဝေဒနာကို ရောဂါရှာဖွေဖော်ထုတ်ရန် ကျန်းမာရေးကျွမ်းကျင်သူများအတွက် အလွန်ခက်ခဲပါသည်၊၊ အဘယ်ကြောင့်ဆိုသော် တိကျသောစမ်းသပ်မှုမရှိဘဲ ၎င်း၏လက္ခဏာများသည် စိတ်ဓာတ်ကျခြင်း၊ စိတ်အတက်အကျမြန်ခြင်း၊ စိုးရိမ်ပူပန်ခြင်း၊ စိတ်ကွဲခြင်း သို့မဟုတ် အတက်ရောဂါစသည့် စိတ်ပိုင်းဆိုင်ရာဝေဒနာများနှင့် ဆင်တူနေသောကြောင့် ဖြစ်ပါသည်၊၊ ရောဂါရှာဖွေရာတွင် လူနာ၏ရောဂါလက္ခဏာများ၊ ဆေးဘက်ဆိုင်ရာနှင့် စိတ်ကျန်းမာရေးရာဇဝင်များ၊ ခန္ဓာကိုယ်စစ်ဆေးတွေ့ရှိချက်များအပါအဝင် အာရုံကြောဆိုင်ရာ ဘက်စုံစစ်ဆေးမှုအပေါ် အခြေခံပါသည်၊၊ ဤဝေဒနာကို အထွေထွေရောဂါကုဆရာဝန်၊ အာရုံကြောနှင့် စိတ်ပိုင်းဆိုင်ရာအထူးကုများ၊ အာရုံကြောအထူးကုများနှင့် စိတ်ကျန်းမာရေးအထူးကုများက ရောဂါရှာဖွေဖော်ထုတ်နိုင်ပါသည်၊၊ လူနာများသည် မိမိတို့၏ စိတ်ခံစားမှုရုတ်တရက်ဖြစ်ပေါ်ပုံများကို အသေးစိတ်ပြောပြခြင်းဖြင့် ဆရာဝန်က အခြားသောဝေဒနာများနှင့် ခွဲခြားနိုင်ရန် အဓိကကျသောကဏ္ဍမှ ကူညီပေးနိုင်ပါသည်၊၊

ကုသခြင်း

စိတ်ခံစားမှုရုတ်တရက်ဖြစ်ပေါ်မှုများ၏ ပြင်းထန်မှုနှင့် အကြိမ်ရေကို လျှော့ချရန်မှာ ဤဝေဒနာကုသမှု၏ အဓိကရည်ရွယ်ချက်ဖြစ်ပါသည်၊၊ ဆေးဝါးများဖြင့် ကုသနိုင်သောနည်းလမ်းများမှာ-

• စိတ်ကျရောဂါကုဆေးများ။ စိတ်ကျရောဂါကုဆေးအမျိုးအစားအချို့သည် ဤဝေဒနာဖြစ်ပွားမှုအကြိမ်ရေနှင့် ပြင်းထန်မှုကို လျော့နည်းစေရန် ကူညီပေးနိုင်ပါသည်၊၊ များသောအားဖြင့် ဤဝေဒနာအတွက် ဆေးပမာဏကို စိတ်ဓာတ်ကျခြင်းအတွက်သုံးသော ပမာဏထက် လျှော့၍ပေးလေ့ရှိပါသည်၊၊
• အတည်ပြုထားသောဆေးဝါးများ။ Dextromethorphan hydrobromide and quinidine sulfate ဤဆေးဝါးသည် ဤဝေဒနာကိုကုသရန်အတွက်သာ သီးသန့်ထုတ်လုပ်ထားပြီး အစိုးရမှတရားဝင်ခွင့်ပြုထားသော တစ်ခုတည်းသောဆေးဖြစ်ပါသည်၊၊ အာရုံကြောဆိုင်ရာရောဂါရှင်များကို စမ်းသပ်လေ့လာမှုအရ ဤဆေးကိုသောက်သုံးသူများတွင် ရယ်ခြင်းနှင့် ငိုခြင်းဖြစ်စဉ်များမှာ သိသိသာသာ ထက်ဝက်ခန့် လျော့နည်းသွားကြောင်း တွေ့ရှိရပါသည်၊၊

သင်၏ကျန်းမာရေးစောင့်ရှောက်သူသည် ဆေးဝါးများ၏ ဘေးထွက်ဆိုးကျိုးများနှင့် သင့်တွင်ရှိနေနိုင်သော အခြားကျန်းမာရေးအခြေအနေများကို ထည့်သွင်းစဉ်းစားပြီး အကောင်းဆုံးကုသမှုနည်းလမ်းကို သင်နှင့်အတူတိုင်ပင်၍ ဆုံးဖြတ်ပါလိမ့်မည်၊၊

ထို့ပြင် ဤဝေဒနာရှိသော်လည်း နေ့စဉ်လုပ်ငန်းဆောင်တာများကို လုပ်ဆောင်နိုင်မည့် နည်းလမ်းများရှာဖွေရန် လုပ်ငန်းခွင်ကုထုံးပညာရှင်နှင့်လည်း တွဲဖက်လုပ်ဆောင်နိုင်ပါသည်၊၊

Doctors who treat this condition