နားထင်မေးရိုးအဆစ် ချို့ယွင်းချက်များ

ရောဂါရှာဖွေခြင်း

နားထင်မေးရိုးအဆစ် ချို့ယွင်းချက်ကို မှန်ကန်စွာ ရောဂါရှာဖွေရန် အောက်ပါလုပ်ထုံးလုပ်နည်းများက ကူညီပေးနိုင်သည်။

• ရုပ်ပိုင်းဆိုင်ရာ စစ်ဆေးခြင်း။ သင်၏ ကျန်းမာရေးစောင့်ရှောက်သူ သို့မဟုတ် သွားဘက်ဆိုင်ရာဆရာဝန်သည် သင်၏မေးရိုးကို စစ်ဆေးမည်ဖြစ်ပြီး သင့်ရောဂါလက္ခဏာများနှင့်ပတ်သက်၍ ဆွေးနွေးမည်ဖြစ်သည်။ ၎င်းတို့သည် သင်ပါးစပ်ဖွင့်ခြင်းနှင့် ပိတ်ခြင်းပြုလုပ်စဉ် မေးရိုးလှုပ်ရှားမှုကို စမ်းသပ်ခြင်းနှင့် နားထောင်ခြင်းများ ပြုလုပ်မည်ဖြစ်သည်။ မေးရိုး၏ လှုပ်ရှားနိုင်စွမ်းကို စစ်ဆေးပြီး နာကျင်သည့်နေရာ သို့မဟုတ် မသက်မသာဖြစ်သည့်နေရာများကို အတိအကျသိရှိနိုင်ရန် ပတ်ဝန်းကျင်နေရာများကို ဖိ၍စစ်ဆေးမည်ဖြစ်သည်။
• ပုံရိပ်ဖော်စစ်ဆေးခြင်း။ အကယ်၍ ကျန်းမာရေးစောင့်ရှောက်သူ သို့မဟုတ် သွားဘက်ဆိုင်ရာဆရာဝန်က သင့်မေးရိုးတွင် ပြဿနာတစ်ခုခုရှိနေသည်ဟု သံသယရှိပါက။ မေးရိုးအဆစ်များနှင့် ၎င်း၏ပတ်ဝန်းကျင်ရှိ တည်ဆောက်ပုံများကို သေချာစွာ အကဲဖြတ်ရန် ပုံရိပ်ဖော်စစ်ဆေးမှုများ ပြုလုပ်ရန် အကြံပြုနိုင်သည်။
  • သင့်မေးရိုးနှင့် သွားများကို အကဲဖြတ်ရန် သွားဘက်ဆိုင်ရာ ဓာတ်မှန်ရိုက်ခြင်း။
  • အဆစ်နှင့်ဆက်စပ်နေသော အရိုးများ၏ အသေးစိတ်ပုံရိပ်များကို ရရှိရန် ကွန်ပျူတာဓာတ်မှန်ရိုက်ခြင်း။
  • အဆစ်အတွင်းရှိ ပျော့ပျောင်းသော တစ်ရှူးများ သို့မဟုတ် အပြားလေးများတွင် ဖြစ်ပေါ်နေသော ပြဿနာများကို သိရှိနိုင်ရန် သံလိုက်ဓာတ်မှန်ရိုက်ခြင်း။
• အဆစ်အတွင်းကြည့်မှန်ပြောင်းဖြင့် စစ်ဆေးခြင်း။ နားထင်မေးရိုးအဆစ် ချို့ယွင်းချက်ကို ရောဂါရှာဖွေရာတွင် နားထင်မေးရိုးအဆစ်အတွင်းကြည့် စစ်ဆေးမှုကို ပြုလုပ်နိုင်သည်။ ကျန်းမာရေးစောင့်ရှောက်သူသည် အဆစ်ရှိရာနေရာသို့ ပြွန်ငယ်တစ်ခုကို ထည့်သွင်းပြီးနောက်။ ထိုနေရာကို မြင်တွေ့နိုင်ရန်နှင့် ရောဂါရှာဖွေရာတွင် အထောက်အကူပြုရန် အဆစ်အတွင်းကြည့်မှန်ပြောင်းဟုခေါ်သော သေးငယ်သည့် ကင်မရာတစ်ခုကို ထည့်သွင်းစစ်ဆေးခြင်းဖြစ်သည်။

ကုသခြင်း

အချို့သောအခြေအနေများတွင်။ နားထင်မေးရိုးအဆစ် ချို့ယွင်းချက်များသည် ဆေးကုသမှုမခံယူဘဲ အလိုအလျောက် ပျောက်ကွယ်သွားနိုင်သည်။ ရောဂါလက္ခဏာများ၏ ဆက်တိုက်ဖြစ်ပေါ်မှုနှင့် ပြင်းထန်မှု။ နာကျင်ရခြင်း၏ အရင်းခံအကြောင်းရင်းတို့အပေါ် မူတည်၍ အသင့်တော်ဆုံး ကုသမှုနည်းလမ်းကို သတ်မှတ်သည်။ အကယ်၍ လက္ခဏာများ ဆက်လက်ဖြစ်ပေါ်နေပါက။ ကျန်းမာရေးစောင့်ရှောက်သူများသည် လူနာတစ်ဦးချင်းစီ၏ လိုအပ်ချက်နှင့် ကိုက်ညီသော ကုသမှုများကို ပေါင်းစပ်၍ ပြည့်စုံစွာ ဖြေရှင်းပေးရန် အကြံပြုနိုင်သည်။

• ဆေးဝါးများ။ ဤဆေးဝါးရွေးချယ်မှုများကို ခွဲစိတ်ရန်မလိုသော အခြားကုသမှုများနှင့် ပေါင်းစပ်လိုက်လျှင် နားထင်မေးရိုးအဆစ် ချို့ယွင်းချက်ကြောင့် ဖြစ်ပေါ်လာသော နာကျင်မှုနှင့် မသက်မသာဖြစ်ခြင်းကို လျှော့ချရာတွင် ကူညီပေးနိုင်သည်။
  • နာကျင်မှုဝေဒနာ သက်သာစေသောဆေးများနှင့် ရောင်ရမ်းမှုကျဆေးများ။ ဆိုင်ဝယ်ဆေးများဖြင့် မေးရိုးနာကျင်မှုကို မကုသနိုင်သောအခါ။ သင့်သွားဘက်ဆိုင်ရာဆရာဝန် သို့မဟုတ် ကျန်းမာရေးစောင့်ရှောက်သူက ပိုမိုပြင်းထန်သော နာကျင်မှုပျောက်ဆေးများကို အချိန်တိုအတွင်း သောက်သုံးရန် အကြံပြုနိုင်သည်။
  • စိတ်ကျရောဂါကုဆေးများ။ အမ်မီထရစ်ပတလင်း ကဲ့သို့သော ဆေးဝါးများကို စိတ်ကျရောဂါအတွက် အဓိကအသုံးပြုသော်လည်း။ ၎င်းတို့ကို နာကျင်မှုကို ကုသရန်။ သွားကြိတ်ခြင်းကို ထိန်းချုပ်ရန်နှင့် အိပ်မပျော်ခြင်းကို ကုသရန်အတွက် ဆေးပမာဏ အနည်းငယ်ဖြင့် အသုံးပြုနိုင်သည်။
  • ကြွက်သားဖြေလျှော့ဆေးများ။ ကြွက်သားများ တောင့်တင်းခြင်းကြောင့် ဖြစ်ပေါ်သော နားထင်မေးရိုးအဆစ် ချို့ယွင်းချက်များကို ကုသရန် ဤဆေးများကို ရက်အနည်းငယ် သို့မဟုတ် ရက်သတ္တပတ်အနည်းငယ်ကြာ တစ်ခါတစ်ရံ အသုံးပြုလေ့ရှိသည်။
• ခွဲစိတ်ရန်မလိုသော နားထင်မေးရိုးအဆစ် ကုသမှုများ။ ဆေးဝါးမပါဘဲ ကုသနိုင်သော နည်းလမ်းများတွင် အောက်ပါတို့ ပါဝင်သည်။
  • သွားဘက်ဆိုင်ရာ ကိရိယာများ။ မေးရိုးနာကျင်မှုကို ခံစားရသူများသည် သွားများပေါ်တွင် မာကျောသော သို့မဟုတ် ပျော့ပျောင်းသော ကိရိယာတစ်ခုကို တပ်ဆင်ခြင်းဖြင့် သက်သာရာရလေ့ရှိသည်။ သွားအကာအကွယ်များနှင့် သွားထိန်းကိရိယာများသည် သင့်မေးရိုးကို နေရာပြန်မှန်စေရန် သို့မဟုတ် သွားစေ့ခြင်းနှင့် သွားကြိတ်ခြင်းကြောင့် ဖြစ်ပေါ်သော သက်ရောက်မှုများကို လျှော့ချရန် ကူညီပေးနိုင်သော သွားဘက်ဆိုင်ရာ ကိရိယာများဖြစ်သည်။
  • ရုပ်ပိုင်းဆိုင်ရာကုထုံး။ ကုသမှုနည်းလမ်းများတွင် မေးရိုးကြွက်သား သန်မာစေခြင်းနှင့် ဆွဲဆန့်ခြင်း လေ့ကျင့်ခန်းများအပြင် ရေခဲကပ်ခြင်း။ အပူပေးခြင်းနှင့် အသံလှိုင်းကုထုံးတို့ ပါဝင်နိုင်သည်။
• အကြံပေးဆွေးနွေးခြင်း။ အသိပညာပေးခြင်းနှင့် ကုထုံးများ ခံယူခြင်းဖြင့် သင့်နာကျင်မှုကို ပိုမိုဆိုးရွားစေနိုင်သော အချို့သော အမူအကျင့်များနှင့် လှုပ်ရှားမှုများကို ကာကွယ်နိုင်သည်။ ဥပမာအားဖြင့် လက်သည်းကိုက်ခြင်း။ မေးစေ့ကို လက်ဖြင့်ထောက်ခြင်းနှင့် သွားများကို တင်းတင်းစေ့ခြင်း သို့မဟုတ် သွားကြိတ်ခြင်းတို့ ဖြစ်သည်။
• နာကျင်သည့်နေရာသို့ ဆေးထိုးခြင်း။ ဤနည်းလမ်းသည် မေးရိုးကြွက်သားရှိ အလွန်နာကျင်သော ကြွက်သားအဖုအကျိတ်များထဲသို့ ဆေးထိုးခြင်း သို့မဟုတ် ဆေးဝါးများ ထိုးသွင်းခြင်းတို့ ပါဝင်သည်။
• အသံလှိုင်းကုထုံး။ အသံလှိုင်းများကို အသုံးပြု၍ တစ်ရှူးများ၏ အတွင်းပိုင်းအထိ အပူပေးသော နည်းလမ်းဖြစ်သည်။ ၎င်းသည် ကြွက်သားများကို ပြေလျော့စေရုံသာမက သွေးလည်ပတ်မှုကိုလည်း ကောင်းမွန်စေသည်။
• အရေပြားမှတစ်ဆင့် လျှပ်စစ်ဖြင့် အာရုံကြောလှုံ့ဆော်ခြင်း။ အားနည်းသော လျှပ်စစ်စီးကြောင်းကို အသုံးပြု၍ သင်၏မေးရိုးကြွက်သားများကို ပြေလျော့စေသော နည်းစနစ်ဖြစ်သည်။
• အမူအကျင့်ပြောင်းလဲခြင်း။ ၎င်းတွင် ရေခဲဝါးခြင်းကို ရှောင်ကြဉ်ခြင်းနှင့် ခန္ဓာကိုယ်အနေအထား မှန်ကန်အောင် လေ့ကျင့်ခြင်းတို့ ပါဝင်သည်။
• ခွဲစိတ်ကုသခြင်း လုပ်ထုံးလုပ်နည်းများ။ အကယ်၍ ဆေးဝါးများနှင့် ခွဲစိတ်ရန်မလိုသော ကုသမှုများမှာ ထိရောက်မှုမရှိပါက။ သင့်ကျန်းမာရေးစောင့်ရှောက်သူက အောက်ပါလုပ်ထုံးလုပ်နည်းများကို အကြံပြုနိုင်သည်။
  • အဆစ်အတွင်းရှိ အရည်များကို ဆေးကြောခြင်း။ ဤနည်းလမ်းသည် အဆစ်အတွင်းရှိ အညစ်အကြေးများနှင့် ရောင်ရမ်းမှုကြောင့် ဖြစ်ပေါ်လာသော ဘေးထွက်ပစ္စည်းများကို ဖယ်ရှားရန်အတွက် အပ်ငယ်များကို အသုံးပြု၍ အနည်းငယ်သာ ခွဲစိတ်ရသော နည်းလမ်းဖြစ်သည်။
• နားထင်မေးရိုးအဆစ်အတွင်းကြည့် ခွဲစိတ်ခြင်း။ အမျိုးမျိုးသော နားထင်မေးရိုးအဆစ် ချို့ယွင်းချက်များကို ကုသရာတွင် အဆစ်အတွင်းကြည့် ခွဲစိတ်ခြင်းသည် တစ်ခါတစ်ရံတွင် အဆစ်ကို ဖွင့်၍ခွဲစိတ်ခြင်းကဲ့သို့ပင် အောင်မြင်မှုရှိနိုင်သည်။ အဆစ်အတွင်းသို့ အဆစ်အတွင်းကြည့်မှန်ပြောင်းကို ထည့်သွင်းပြီး သေးငယ်သော ခွဲစိတ်ကိရိယာများကို အသုံးပြု၍ ခွဲစိတ်မှုကို ပြုလုပ်ခြင်းဖြစ်သည်။ ဤလုပ်ထုံးလုပ်နည်းသည် သင့်အဆစ်အတွင်းရှိ အပြားလေးကို နေရာပြန်မှန်စေရန်။ အမာရွတ်တစ်ရှူးများကို ဖယ်ရှားရန် သို့မဟုတ် အရိုးကို ပုံဖော်ရန် ကူညီပေးမည်ဖြစ်သည်။အဆစ်ကို ဖွင့်၍ခွဲစိတ်ခြင်းနှင့် နှိုင်းယှဉ်ပါက။ နားထင်မေးရိုးအဆစ်အတွင်းကြည့် ခွဲစိတ်ခြင်းသည် ဘေးထွက်ဆိုးကျိုးနှင့် အန္တရာယ် ပိုမိုနည်းပါးသော်လည်း ၎င်းတွင်လည်း ကန့်သတ်ချက်များ ရှိသည်။
• အဆစ်ကို ဖွင့်၍ခွဲစိတ်ခြင်း။ အကယ်၍ ပိုမိုရိုးရှင်းသော ကုသမှုများဖြင့် သင့်မေးရိုးနာကျင်မှုကို မသက်သာပါကနှင့် ၎င်းသည် အဆစ်၏ တည်ဆောက်ပုံဆိုင်ရာ ပြဿနာကြောင့် ဖြစ်သည်ဟု ယူဆရပါက။ သင့်ကျန်းမာရေးစောင့်ရှောက်သူ သို့မဟုတ် သွားဘက်ဆိုင်ရာဆရာဝန်က အဆစ်ကို အစားထိုးရန် သို့မဟုတ် ပြုပြင်ရန် အဆစ်ကို ဖွင့်၍ခွဲစိတ်ရန် အကြံပြုနိုင်သည်။ ခွဲစိတ်ဆရာဝန်က သင့်မေးရိုးအဆစ်သို့ တိုက်ရိုက်ရောက်ရှိနိုင်ရန် ရှည်လျားသော ခွဲစိတ်ရာတစ်ခု လိုအပ်သည်။ အဆစ်ကို ဖွင့်၍ခွဲစိတ်ခြင်းသည် အခြားခွဲစိတ်မှုများထက် အန္တရာယ်ပိုများသောကြောင့် အကျိုးကျေးဇူးနှင့် အားနည်းချက်များကို သေချာစွာ နှိုင်းယှဉ်ပြီးမှသာ လုပ်ဆောင်သင့်သည်။
• မေးရိုးရိုးပြုပြင်ခွဲစိတ်ခြင်း။ ဤနည်းလမ်းသည် အဆစ်ကို တိုက်ရိုက်ခွဲစိတ်ခြင်းထက် အောက်မေးရိုးအရိုးကို ခွဲစိတ်ခြင်းဖြစ်ပြီး နားထင်မေးရိုးအဆစ် ပြဿနာကို သွယ်ဝိုက်သောနည်းဖြင့် ဖြေရှင်းခြင်းဖြစ်သည်။ ၎င်းသည် နာကျင်မှုကို ကုသရာတွင်နှင့် မေးရိုးလွဲခြင်း ဖြစ်ပေါ်နေချိန်တွင် အကျိုးရှိနိုင်သည်။

နားထင်မေးရိုးအဆစ် ချို့ယွင်းချက်များအတွက် ကုသမှုနည်းလမ်းများကို စဉ်းစားသောအခါ။ အကြံပြုထားသော ခွဲစိတ်မှု သို့မဟုတ် လုပ်ထုံးလုပ်နည်းများ၏ ဖြစ်နိုင်ခြေရှိသော အကျိုးကျေးဇူးများနှင့် အားနည်းချက်များကို သင့်ကျန်းမာရေးစောင့်ရှောက်သူနှင့် ဆွေးနွေးရန် အလွန်အရေးကြီးသည်။ ထို့အပြင် ရရှိနိုင်သော အခြားရွေးချယ်စရာအားလုံးကိုလည်း လေ့လာစူးစမ်းရန် အရေးကြီးသည်။ သင့်ကျန်းမာရေးစောင့်ရှောက်သူသည် သင့်အခြေအနေအတွက် အသင့်တော်ဆုံး ဆုံးဖြတ်ချက်ကို ချမှတ်နိုင်စေရန် နည်းလမ်းတစ်ခုချင်းစီ၏ အားသာချက်နှင့် အားနည်းချက်များကို နှိုင်းယှဉ်ကာ ပြည့်စုံစွာ ဆွေးနွေးလမ်းညွှန်ပေးမည်ဖြစ်သည်။

Doctors who treat this condition