ငါးမျက်စိနှင့် အသားမာများ
ဘိုကင်တင်ရန်
ဆရာ၀◌န်နဲ့တွေ့ဆုံရန်လက္ခဏာများ
ငါးမျက်စိနှင့် အသားမာတို့သည် အောက်ပါ လက္ခဏာများကို ပြသနိုင်သည်
- ဖြစ်ပွားသည့် နေရာတွင် ထူထဲပြီး ကြမ်းတမ်းသော အရေပြား
- ထိမိပါက မာကျောသည်ဟု ခံစားရသော ကြွတက်နေသော အဖု
- ဖြစ်ပွားသည့် အရေပြားအောက်တွင် နာကျင်ခြင်း
- ဖြစ်ပွားသည့် နေရာတွင် ခြောက်သွေ့ ခြင်း၊ အဖတ်လန်ခြင်း သို့မဟုတ် ဖယောင်းသားကဲ့သို့ ပြောင်လက်နေခြင်း
ငါးမျက်စိ သို့မဟုတ် အသားမာကြောင့် သိသာထင်ရှားသော
မသက်မသာဖြစ်ခြင်း သို့မဟုတ် ရောင်ရမ်းခြင်း ခံစားရပါက ကျန်းမာရေးစောင့်ရှောက်မှု ပညာရှင်ထံမှ ဆေးဘက်ဆိုင်ရာ အကူအညီ ရယူရန် အကြံပြုအပ်သည်။ ဆီးချိုရောဂါ ရှိခြင်း သို့မဟုတ် သွေးစီးဆင်းမှု မကောင်းပါက ငါးမျက်စိ သို့မဟုတ် အသားမာတို့ကို မိမိကိုယ်တိုင် ကုသရန် မကြိုးစားဘဲ ဆေးကုသမှု ခံယူရန် အထူးအရေးကြီးသည်။ အကြောင်းမှာ သေးငယ်သော ခြေထောက် ဒဏ်ရာလေးမှနေ၍ ပိုးဝင်သည့်အနာ ဖြစ်ပေါ်စေနိုင်သောကြောင့် ဖြစ်သည်။
ဖြစ်ပွားစေသော အကြောင်းရင်းများ
အသားမာနှင့် ငါးမျက်စိတို့သည် ထပ်တလဲလဲ ပွတ်တိုက်မှုနှင့် ဖိအားတို့ကြောင့်ဖြစ်ပေါ်လာသည်။ ဤဖိအားနှင့် ပွတ်တိုက်မှု၏ အရင်းအမြစ်များမှာ အောက်ပါတို့ ဖြစ်သည်
- တော်သော ကွက်တိကျသော ဖိနပ် မစီးခြင်း – ကျပ်သော ဖိနပ်များ သည် ခြေထောက်၏ အချို့သော အစိတ်အပိုင်းများကို ဖိညှစ်နိုင်သည်။ ဖိနပ်များ ချောင်နေပါက ခြေထောက်သည် ဖိနပ်နှင့် ထပ်တလဲလဲ ပွတ်တိုက်ပြီး ပွန်းတိုက်နိုင်သည်။ ဒေါက်ဖိနပ် အမြင့်စီးသော အမျိုးသမီးများ သည် လမ်းလျှောက်သည့်အခါ အောက်သို့ ဖိအားကြောင့် ၎င်းတို့၏ ခြေဖဝါးအောက်ပိုင်းတွင် မကြာခဏ အသားမာများ ဖြစ်ပေါ်လေ့ရှိသည်။ ထို့အပြင် ဖိနပ်၏ ချုပ်ရိုး သို့မဟုတ် အနားသတ်များသည် ခြေထောက်ကို ပြဿနာ ဖြစ်စေနိုင်သည်။ အဆင်မပြေသော ခြေအိတ်များကြောင့်လည်း ပြဿနာဖြစ်စေနိုင်သည်။
- ခြေအိတ် မဝတ်ခြင်း – ခြေအိတ်မပါဘဲ ဖိနပ်နှင့် ခြေညှပ်ဖိနပ်များ စီးခြင်း သည် ခြေထောက်ပေါ်တွင် ပွတ်တိုက်မှု ဖြစ်စေနိုင်သည်။
- စက်ကိရိယာများ အသုံးပြုခြင်း သို့မဟုတ် တူရိယာများ တီးခတ်ခြင်း – လက်များ သို့မဟုတ် လက်ချောင်းများပေါ်ရှိ အရေပြားကို ထပ်တလဲလဲ ပွတ်တိုက်မိသော အလုပ်ကြမ်းများ၊ ကိုယ်လက်လှုပ်ရှားမှု ဝါသနာများ၊ အားကစား လှုပ်ရှားမှုများ သို့မဟုတ် တူရိယာ တီးခတ်ခြင်း၊ စက်ကိရိယာ အသုံးပြုခြင်းများ၊ ဘောပင်ပင်လျှင် ထပ်တလဲလဲ ဖိအား ကြောင့် လက်များပေါ်တွင် အသားမာများ ဖြစ်ပေါ်စေနိုင်သည်။
- မျိုးရိုးဗီဇ – မျိုးရိုးဗီဇ သည် ခြေဖဝါးနှင့် လက်ဖဝါးရှိ ကိုယ်အလေးချိန် မခံသော နေရာများ တွင် ဖြစ်ပေါ်သော ငါးမျက်စိ အမျိုးအစားတွင် အခန်းကဏ္ဍမှ ပါဝင်နိုင်သည်။
- အခြားများ – ဖွဲ့စည်းပုံဆိုင်ရာ ခြေထောက် ချို့ယွင်းချက်များ သို့မဟုတ် (မွေးရာပါ ချို့ယွင်းချက်များ ဥပမာ ခြေချောင်းကောက်ခြင်းတို့ကြောင့်) ပြောင်းလဲသွားသော ကိုယ်ခန္ဓာ လှုပ်ရှားမှုပုံစံ။ မှားယွင်းသော လမ်းလျှောက်ခြင်း ဆိုသည်မှာ ခြေထောက်၏ အတွင်းဘက် သို့မဟုတ် အပြင်ဘက် အနားသတ်ပေါ်တွင် အလွန်အကျွံ အလေးချိန်ဖို့ထားခြင်းကို ဆိုလိုသည်။
ရောဂါရှာဖွေခြင်း
ငါးမျက်စိနှင့် အသားမာ ရောဂါရှာဖွေခြင်းသည်
ကုသမှု
ငါးမျက်စိနှင့် အသားမာ ကို ကုသသည့် နည်းလမ်းသည်
ဆင်တူပြီး ၎င်းတို့ ဖြစ်ပေါ်လာစေသည့် ထပ်တလဲလဲ အပြုအမူများ ကို တားဆီးခြင်း ပါဝင်သည်။ ငါးမျက်စိနှင့် အသားမာတို့ကို ရှောင်ရှားရန် သင့်လျော်သော ဖိနပ်များ စီးခြင်းနှင့် အကာအကွယ်ပြားများ ထည့်သွင်း အသုံးပြုခြင်း တို့သည် အကျိုးရှိနိုင်သည်။
မိမိကိုယ်တိုင် ဂရုတစိုက် နေထိုင်ကျင့်သုံးသော်လည်း သင့်အနေဖြင့် နာကျင်မှုကို ဆက်လက် ခံစားနေရပါက သို့မဟုတ် ငါးမျက်စိ သို့မဟုတ် အသားမာ မပျောက်ကွယ်သွားပါက သင့်လက္ခဏာများကို သက်သာစေရန် ဆေးဘက်ဆိုင်ရာ ကုသမှုများ လိုအပ်နိုင်ပါသည်။ ဆေးဘက်ဆိုင်ရာ ကုသမှုအတွက် ရွေးချယ်စရာ အချို့မှာ အောက်ပါအတိုင်း ဖြစ်သည်
- အသားမာအရေပြားကို ဖြတ်တောက်ခြင်း – ထူထဲသော အရေပြား သို့မဟုတ် ကြီးမားသော ငါးမျက်စိ ကို ကျန်းမာရေးစောင့်ရှောက်မှု ပညာရှင်က ၎င်းတို့၏ ဆေးခန်းဆေးရုံသို့ လာရောက်စဉ်အတွင်း ခွဲစိတ်ဓါး ကို အသုံးပြု၍ ဖယ်ရှားပေးနိုင်သည်။ ဤလုပ်ဆောင်မှုကို သင်ကိုယ်တိုင် မပြုလုပ်ရန် အကြံပြုပါသည် အကြောင်းမှာ ၎င်းသည် ပိုးဝင်ခြင်း ကို ဖြစ်ပေါ်စေနိုင်သောကြောင့် ဖြစ်သည်။
- ဆေးပါသော ကပ်ခွာများ – ဆာလီဆိုင်းလစ် အက်ဆစ် ၄၀ ရာခိုင်နှုန်း ပါဝင်သော ကပ်ခွာ (ဥပမာ ကလီးယားအဝေး၊ မဒ်ဒီပလစ်တ်) ကို သင့်ကျန်းမာရေးစောင့်ရှောက်မှု ပညာရှင်က လိမ်းပေးနိုင်သည်။ ဤကပ်ခွာများကို ဆေးညွှန်းမလိုဘဲ ဝယ်ယူရရှိနိုင်သည်။ ကပ်ခွာကပ်မည့် နည်းစနစ် နှင့် အချိန်ကို သင့်ကျန်းမာရေးစောင့်ရှောက်မှု ပညာရှင်က ပြောပြမည် ဖြစ်သည်။ ကပ်ခွာအသစ် မကပ်မီ ကျောက်တုံး၊ ခြေသည်းတိုက်တံစင်း သို့မဟုတ် သဲစက္ကူပြား ကို အသုံးပြု၍ ထူထဲသော အရေပြား၏ အထူကို လျှော့ချရန် ကြိုးစားနိုင်သည်။
- ဖိနပ် ခြေနင်းပြားများ – သင့်ခြေထောက်၏ ပုံသဏ္ဌာန် သို့မဟုတ် ဖွဲ့စည်းပုံတွင် ပုံမှန်မဟုတ်သည့် အခြေအနေ ရှိပါက ကျန်းမာရေးစောင့်ရှောက်မှု ပညာရှင်သည် ပိုမို၍ ခံနိုင်ရည် ရှိပြီး စိတ်ကြိုက် ပြုလုပ်ထားသည့် ဖိနပ် ခြေနင်းပြားများ (ခြေထောက် အချိုးကျ ထိန်းသိမ်းပစ္စည်းများ ဟုလည်း ခေါ်သည်) ကို အသုံးပြုရန် အကြံပြုနိုင်သည်။ ၎င်းသည် ထပ်တလဲလဲ ဖြစ်ပေါ်သော ငါးမျက်စိ သို့မဟုတ် အသားမာများကို ကာကွယ်နိုင်ပေလိမ့်မည်။
- ခွဲစိတ်ကုသခြင်း – အချို့သော အခြေအနေများတွင် ပွတ်တိုက်မှုကို ဖြစ်စေသော အရိုး၏ နေရာချထားမှုကို ပြုပြင်ရန် သင့်ကျန်းမာရေးစောင့်ရှောက်မှု ပညာရှင်က ခွဲစိတ်ကုသခြင်း ပြုလုပ်ရန် အဆိုပြုလာနိုင်သည်။ ဤခွဲစိတ်မှု အမျိုးအစားသည် ဆေးရုံတွင် တစ်ညတာ နေထိုင်ရန် မလိုအပ်ပေ။
