Down Syndrome အတွက်ကြိုတင်စစ်ဆေးမှု (screening test) နှင့် ရောဂါရှာဖွေမှု (diagnostic test)

Down Syndrome သည် ပုံမှန်မဟုတ်သော ဆဲလ်ကွဲမှုတွင် ခရိုမိုဆုန်း 21 ၏ အစိတ်အပိုင်းအပြည့် သို့မဟုတ် တစ်စိတ်တစ်ပိုင်းမှ ဖြစ်ပေါ်စေသောအခါ မျိုးရိုးဗီဇချို့ယွင်းမှုတစ်ခုဖြစ်သည်။ ၎င်းသည် အများအားဖြင့် သွင်ပြင်လက္ခဏာများ၊ ရုပ်ပိုင်းဆိုင်ရာ ကြီးထွားမှုနှင့် ဖွံ့ဖြိုးမှုနှောင့်နှေးမှုများနှင့် ဆက်စပ်နေသည်။ ယခုအချိန်တွင် ကိုယ်ဝန်ဆောင်အမျိုးသမီးများသည် ကိုယ်ဝန်သုံးလတွင် Down Syndrome စစ်ဆေးခြင်းနှင့် ရောဂါရှာဖွေစစ်ဆေးမှုများ ပြုလုပ်နိုင်ပြီဖြစ်သည်။ ရောဂါရှာဖွေရေးစစ်ဆေးမှုသည် ကိုယ်ဝန်ဆောင်အမျိုးသမီးများအား Down Syndrome က‌လေးကိုမွေးလာသောအခါ သင့်လျော်သော Down Syndrome ကလေးပြုစုစောင့်ရှောက်မှုကို ကြိုတင်စီစဉ်နိုင်စေရန် အကူအညီပေးပါသည်။

Vejthani ဆေးရုံမှ သားဖွားမီးယပ်-Meterno-fetal အထူးကုဆရာဝန် ဒေါက်တာ Chitnapin Dulyakasem က Down Syndrome ရောဂါရှာဖွေရေး စစ်ဆေးနည်း သုံးခုရှိကြောင်းပြောကြားထားပါသည်။

1. Chorionic villus sampling သို့မဟုတ် CVS (ဤစစ်ဆေးခြင်းကို ကိုယ်ဝန် ၁၁ ပတ်မှ ၁၃ ပတ်အတွင်း ပြုလုပ်သင့်သည်)
2. Amniocentesis (ဤစစ်ဆေးခြင်းကို ကိုယ်ဝန် 17-20 ပတ်အတွင်း ပြုလုပ်သင့်သည်)
3. Percutaneous umbilical blood sampling သို့မဟုတ် PUBS (ဤစစ်ဆေးခြင်းကို ကိုယ်ဝန် 18-22 ပတ်အတွင်း ပြုလုပ်သင့်သည်)

စစ်ဆေးမှု (screening test)မလုပ်ပဲ ကုထုံး (diagnostic test)များလုပ်ခြင်းများလည်းရှိပါသည်။ သို့သော် ယင်း (diagnostic test)ရောဂါရှာဖွေရေးလုပ်ထုံးလုပ်နည်းများသည် သားအိမ်အတွင်း မမွေးသေးသောကလေးအား ထိခိုက်နိုင်သည့် ခွဲစိတ်မှုများဖြစ်ပြီး ကိုယ်ဝန်ပျက်ကျနိူသ်ခြင်း၊ လမစေ့ဘဲ သားအိမ်အတွင်း ပိုးဝင်ခြင်း၊ သို့မဟုတ် ရေမြွာပေါက်ခြင်းစသည်ဖြင့် ကိုယ်ဝန်ပျက်ကျနိုင်ခြေကို တိုးမြင့်လာစေသည့် အန္တရာယ်များရှိသောကြောင့် ဆရာဝန်အများစုသည် ရောဂါရှာဖွေသည့်ယင်းကုထုံးမျိုးကို အကြံပြုမည်မဟုတ်ပဲ ပုံမှန် စစ်ဆေးမှုစမ်းသပ်မှုများကို သာအကြံပြုပါသည်။ သို့ရာတွင်၊ screening test စစ်ဆေးမှုခံယူသောလူနာ၏ မွေးကင်းစကလေးတွင် Down syndrome ဖြစ်နိုင်ခြေ သို့မဟုတ် ခရိုမိုဆုန်းမူမမှန်မှုနှုန်း မြင့်မားနေခြင်းကို တွေ့ရှိပါက၊ ထို့နောက်တွင် diagnostic test ရောဂါရှာဖွေစစ်ဆေးမှုကို သုံးသင့်မသုံးသင့်ကို ဆရာဝန်က မိသားစု၀င်များဖြင့် သေချာတိုင်ပင်မည်ဖြစ်သည်။

“ရောဂါရှာဖွေစမ်းသပ်မှု diagnostic test မှဖြစ်ပေါ်လာသောအန္တရာယ်များသည် ဖြစ်တတ်သော် လည်း ဖြစ်နိုင်ခြေနည်းသည့်အခြေအနေကို ပြောရမည်ဆိုကပါက ပျမ်းမျှ 0.5% မှ 1% ဝန်းကျင်ဖြစ်သည်။ ဒီအန္တရာယ်တွေကို ဘယ်မိဘကမှ မလိုချင်ကြဘူးဆိုတာ နားလည်ပါသည်။ ဒါကြောင့် ကိုယ်ဝန် 10 ပတ်မှာ ပြုလုပ်နိုင်တဲ့ စစ်ဆေးမှုခံယူဖို့ ကိုယ်ဝန်ဆောင်အမျိုးသမီးတိုင်းကို အကြံပြုလိုပါတယ်၊ ဒါပေမယ့် လုပ်ထုံးလုပ်နည်း အမျိုးအစားပေါ်မူတည်ပြီး အကြံပြုထားတဲ့ စမ်းသပ်စစ်ဆေးမှုကာလသည် ကိုယ်ဝန် ၁၁ ပတ်မှ ၁၃ ပတ်ဝန်းကျင်ဖြစ်ပြီး ယင်းသည် အတိကျဆုံး စစ်ဆေးမှုလုပ်ထုံးလုပ်နည်းကို ရွေးချယ်နိုင်ပြီး ၎င်းသည် Down syndrome မူမမှန်မှုများအတွက် စစ်ဆေးနိုင်မည့် Ultrasonography ရိုက်သင့်သည့်အချိန်ဖြစ်သည်။”
စစ်ဆေးမှုခံယူရန် စောလျင်စွာရောက်လာလေ၊ စစ်ဆေးမှု၏ နောက်တစ်ဆင့်သို့ မြန်မြန်သွားနိုင်လေဟု ဒေါက်တာ Chitnapin က ကောက်ချက်ချပါသည်။ အဘယ့်ကြောင့်ဆိုသော် မမွေးသေးသောက‌လေးတွင် ခရိုမိုဆုန်း မူမမှန်မှုများ ရှိနေကြောင်း ကြိုတင်သိရှိခြင်းသည် မိဘများအတွက် ကိုယ်၀န်ကိုဖျက်ချခြင်း (ထိုင်းနိုင်ငံတွင် တရားမ၀င်ပါ) သို့မဟုတ် မည်သည့်အခြေအနေဖြစ်ဖြစ် Down Syndrome ကလေးကို မွေးပြီးပြုစုစောင့်ရှောက်ရန် ကြိုတင်စီစဉ်နိုင်ခြင်းတို့အတွက် ကိုယ်ဝန်ဆောင် အမျိုးသမီးများတွင် ရွေးချယ်စရာ ဖြစ်ပေါ်လာနိုင်မည်ဖြစ်ပါသည်။

Related Posts

See All

ကလေးဘဝတွင် အတက်ရောဂါရှာဖွေတွေ့ရှိခြင်းသည် မိသားစုဘဝထဲတွင်

စိတ်မကောင်းစရာဖြစ်သလို သင့်ကလေး၏ အတက်ရောဂါကို မြင်တွေ့ရခြင်းသည် အလွန်စိတ်သောကရောက်စေနိုင်သည်။ သို့သော် မျှော်လင့်ချက်နှင့် ထိရောက်သော ဖြေရှင်းနည်းများသည် ခုချိန်မှာ ရှိနေပြီဖြစ်ပါသည်။ မှန်ကန်သော ဆေးဘက်ဆိုင်ရာအဖွဲ့၊ မြန်ဆန်ပြီး တိကျသော ရောဂါရှာဖွေမှုနှင့် သင့်ကလေးအတွက် သီးသန့်စစ်ဆေးထုတ်ထားသော ကုသမှုအစီအစဉ်ဖြင့် ကျေနပ်ဖွယ်ကောင်းပြီး တက်ကြွသောဘဝတစ်ခုကို ပြန်လည်ရရှိနိုင်ပါသည်။ ကလေး ၀က်ရူးပြန်ရောဂါ/အတက်ရောဂါ ဆိုတာ ဘာလဲ။ ကလေး ၀က်ရူးပြန်ရောဂါ/ အတက်ရောဂါ ဆိုသည်မှာ ကလေးများသည် ဦးနှောက်တွင် ပုံမှန်မဟုတ်သော လျှပ်စစ်လှုပ်ရှားမှုကြောင့် ထပ်ခါတလဲလဲ ဖြစ်သော အတက်ရောဂါကို ရည်ညွှန်းပါသည်။ ၀က်ရူးပြန်ရောဂါ/ အတက်ရောဂါ သည် နည်းလမ်းများစွာဖြင့် ဖြစ်ပွားနိုင်ပြီး ခဏတာ စိုက်ကြည့်ခြင်းမှ တစ်ကိုယ်လုံး တက်သွားသည်အထိ ဖြစ်ပွားနိုင်သည်။ အချို့သော ကလေးများသည် ၀က်ရူးပြန်ရောဂါ/ အတက်ရောဂါ ပျောက်ကင်းသွားသော်လည်း အချို့မှာ ရေရှည်စောင့်ရှောက်မှုနှင့် […]

ကျန်းမာရေးဆိုင်ရာ စာစောင်များ

Enterovirus ကို မပြင်းထန်မှီ ကာကွယ်ဆေးထိုးခြင်းဖြင့် ကာကွယ်ပါ

ပြင်းထန်သော ဗိုင်းရပ်စ်တစ်မျိုးဖြစ်သည့် Enterovirus 71 သည် Enterovirus 71 (EV71) ကာကွယ်ဆေးကို ထိုးနှံခြင်းဖြင့် ကာကွယ်နိုင်သည်။

ကျန်းမာရေးဆိုင်ရာ စာစောင်များ