ជំងឺសរសៃឈាមបេះដូង

ដំបូងនិងសំខាន់បំផុតត្រូវយល់ពីអ្វីជាការវះកាត់បេះដូងហើយអ្នកជំងឺបែបបណាដែលត្រូវព្យាបាលតាមវិធីវះកាត់នេះ។ ការវះកាត់បេះដូងគឺជាការវះកាត់សរសៃឈាមបេះដូង (CABG) ។ ជាធម្មតាវាជាវិធីដែលបានអនុវត្តសម្រាប់អ្នកដែលមានជំងឺសរសៃឈាមបេះដូង។ ជម្ងឺនេះគឺជាការរួមតូចនៃសរសៃឈាមដែលផ្គត់ផ្គង់ឈាមដល់បេះដូង។ កំនរជាតិខ្លាញ់និងកូឡេស្តេរ៉ុលជាប់នឹងជញ្ជាំងសរសៃឈាមដែលបណ្តាលឱ្យបន្ទះក្រាស់ ៗ មានការវិវត្ត ហើយនៅទីបំផុតវានឹងធ្វើឱ្យសរសៃឈាមតូចចង្អៀតដល់កម្រិតមួយដែលធ្វើឲ្យមានការបន្ថយលំហូរឈាមទៅកាន់បេះដូងឬដាច់សរសៃឈាម។ នៅពេលរឿងនេះកើតឡើងវាកើតឡើងភ្លាមៗដោយជំងឺស្ទះសរសៃឈាមនិងកំណកឈាមដែលរារាំងសរសៃឈាមនិងបណ្តាលអោយគាំងបេះដូង។

  • កត្តាហានិភ័យនៃជំងឺសរសៃឈាមបេះដូង៖
  • ជំងឺទឹកនោមផ្អែម
  • របបអាហារមានខ្លាញ់ឆ្អែតខ្ពស់
  • ប្រវត្តិគ្រួសារ
  • សម្ពាធឈាមខ្ពស់
  • ភាពធាត់
  • ការជក់បារី
  • របៀបរស់នៅប្រចាំថ្ងៃដែលខុស

តើអ្នកណាត្រូវការការវះកាត់បេះដូង (CABG)?

ដូចដែលបានរៀបរាប់ខាងលើការកកើតបន្ទះខ្លាញ់នៅផ្នែកខ្លះនៃសរសៃឈាមអាចបន្ថយឬបញ្ឈប់លំហូរឈាមទៅកាន់បេះដូង។ នៅពេលរឿងនេះកើតឡើង ការវះកាត់សរសៃបេះដូងគឺជាវិធីព្យាបាលដ៏សំខាន់មួយដើម្បី“ការស្ទះសរសៃបេះដូង” ដោយបង្កើតផ្លូវថ្មីសម្រាប់ឈាមរត់បាន ដើម្បីផ្គត់ផ្គង់ឈាមឲ្យបេះដូង។ នេះជាធម្មតាត្រូវបានធ្វើដោយបញ្ចូលឬតសរសៃឈាមវ៉ែន (យកពីជើងរបស់អ្នក) សរសៃឈាមខាងក្នុង (ពីទ្រូងរបស់អ្នក) ឬសរសៃឈាម (ពីកដៃរបស់អ្នក)។

គ្រូពេទ្យរបស់អ្នកអាចណែនាំអោយធ្វើការវះកាត់បេះដូង(CABG)ប្រសិនបើសរសៃឈាមរបស់អ្នកតូចចង្អៀតឬរាំងស្ទះដែលអ្នកមានហានិភ័យខ្ពស់នៃការគាំងបេះដូង។ ដំណឹងល្អគឺថាខណៈពេលដែលវាត្រូវបានគេចាត់ទុកថាជាការវះកាត់ធ្ងន់ធ្ងរ តែវាមានសុវត្ថិភាពបំផុត។ រាប់រយរាប់ពាន់នាក់នៃប្រតិបត្តិការវះកាត់បេះដូង(CABG)ត្រូវបានអនុវត្តនៅជុំវិញពិភពលោកជារៀងរាល់ឆ្នាំ ហើយអ្នកជំងឺភាគច្រើនទទួលបានការធូរស្បើយភ្លាមៗពីរោគសញ្ញារបស់ពួកគេនិងបន្តរស់នៅយ៉ាងសកម្មប្រកបដោយសុវត្ថិភាព។ ទោះយ៉ាងណានិយាយជារួមអត្រាមរណភាពមានកំរិតទាបដោយមានមនុស្សប្រមាណតែ ២% ប៉ុណ្ណោះដែលបានស្លាប់ដោយសារការវះកាត់។ ទោះជាយ៉ាងណាក៏ដោយករណីធ្ងន់ធ្ងរជាងនេះនឹងមានហានិភ័យខ្ពស់នៃផលវិបាកពីការវះកាត់ (សូមមើលផ្នែកខាងក្រោម) ។

វិធីវះកាត់ (CABG)

នៅពេលដែលអ្នកសំរេចថាអ្នកត្រូវការវះកាត់បេះដូង(CABG) បន្ទាប់មកគ្រូពេទ្យនឹងពិភាក្សាលំអិតអំពីហានិភ័យដែលទាក់ទងទៅនឹងវិធីសាស្រ្តដែលត្រូវធ្វើការថែរក្សាមុននិងក្រោយពេលវះកាត់និងការផ្លាស់ប្តូរសុខភាពនិងរបៀបរស់នៅដែលនឹងត្រូវធ្វើក្រោយការវះកាត់។

មុនពេលវះកាត់នៅមន្ទីរពេទ្យ អ្នកនឹងត្រូវធ្វើការពិនិត្យសុខភាពនិងរាងកាយរួមមានដូចជាការធ្វើកាំរស្មីអ៊ិច ការធ្ចើតេស្តឈាមនិងអេកូបេះដូង។ អ្នកមិនត្រូវញ៉ាំឬផឹកទឹកមួយរយៈមុនពេលវះកាត់ទេ ព្រោះពេលដែលការវះកាត់ត្រូវបានអនុវត្តក្រោមការប្រើថ្នាំសន្លប់។

គ្រូពេទ្យជំនាញវះកាត់អាចចូលទៅដល់បេះដូងរបស់អ្នកដោយប្រើវិធីវះកាត់មួយក្នុងចំណោមពីរដែលអាចធ្វើបានដូចជា៖ ការវះកាត់ពីចំហៀងទ្រូងខាងឆ្វេង(thoracotomy)ឬកាត់ឆ្អឹងទ្រូងរបស់អ្នក(median sternotomy)។

ម៉ាស៊ីនសួតបេះដូងនឹងបន្តរក្សាចរន្តឈាមរបស់អ្នកខណៈពេលដែលបេះដូងរបស់អ្នកត្រូវបានបញ្ឈប់។ បន្ទាប់មកសរសៃឈាមវ៉ែនរឺសរសៃឈាមនឹងត្រូវបានផ្សាំភ្ជាប់ទៅនឹងសរសៃឈាមដែលយកមកតជំនួសសរសៃឈាមដែលស្ទះ ហើយដែលអាចអោយលំហូរឈាមឆ្លងកាត់បាន។
ផលវិបាកដែលអាចកើតមានរួមមានដូចខាងក្រោម៖

  • Arrhythmia (ភាពមិនប្រក្រតីនៃចង្វាក់បេះដូង)
  • ការហូរឈាមនិងកំណកឈាម
  • ឈឺទ្រូង
  • គាំងបេះដូងឬដាច់សរសៃឈាមខួរក្បាល
  • ជំងឺឬសដូងបាត
  • ការឆ្លងមេរោគ
  • ការខ្សោយតំរងនោម
  • Pleural effusion (ការបង្កើតសារធាតុរាវនៅក្នុងសួត)
  • Thrombosis (កំណកឈាមក្នុងសរសៃឈាមវ៉ែន) ។
  • ការឆ្លងមេរោគមុខរបួស

ដំណាក់កាលនៃការស្តារឡើងវិញក្រោយការវះកាត់

ការជាសះស្បើយពីការវះកាត់បេះដូង(CABG)ត្រូវការពេលវេលាហើយមនុស្សគ្រប់គ្នាងើបឡើងវិញក្នុងអត្រាខុសគ្នា។ អ្នកនឹងអស់កម្លាំងនិងមិនស្រួលបន្ទាប់ពីការវះកាត់ នេះជារឿងធម្មតា។ អ្នកនឹងត្រូវប្រើថ្នាំបំបាត់ការឈឺចាប់ដើម្បីជួយបំបាត់ការឈឺចាប់។ ក្នុងអំឡុងពេលនេះ ការផ្លាស់ទីរបស់អ្នកនឹងត្រូវបានកំណត់នៅពេលដែលអ្នកភ្ជាប់ជាមួយឧបករណ៍ផ្សេងៗដើម្បីជួយអ្នកបង្ហូរវត្ថុរាវ ឈាមនិងទឹកនោម។

ជាទូទៅក្នុងរយៈពេលពីរបីថ្ងៃដំបូងបន្ទាប់ពីអ្នកត្រឡប់មកពីមន្ទីពេទ្យវិញអ្នកគួរតែធ្វើការងារស្រាល ៗ ដូចជាដើរចម្ងាយខ្លី ធ្វើម្ហូប មើលទូរទស្សន៍និងអានសៀវភៅ និងលើកវត្ថុស្រាល ៗ ។
បន្ទាប់ពីប្រហែល 10-12 សប្តាហ៍អ្នកអាចបន្តសកម្មភាពដែលមានភាពរឹងមាំបន្ថែមទៀត:

  • ដឹករបស់ធ្ងន់ៗ (មិនលើស ៥ គក)
  • បើកបរ
  • ថែសួន
  • រួមភេទ
  • លំហាត់ប្រាណស្រាល ៗ (ហែលទឹក យូហ្គា។ ល។ )
  • កាត់ស្មៅ
  • បូមធូលី

* ប្រសិនបើអ្នកបានជាសះស្បើយហើយការងាររបស់អ្នកមិនមានភាពធ្ងន់ធ្ងរទេ អ្នកអាចត្រឡប់ទៅធ្វើការវិញក្នុងរយៈពេលប្រហែលពី ៦ ទៅ ៨ សប្តាហ៍។ ប៉ុន្តែជាថ្មីម្តងទៀតរយៈពេលនៃពេលវេលាជាសះស្បើយ វាខុសគ្នាពីមនុស្សម្នាក់ទៅមនុស្សម្នាក់។

តើអ្នកណាពិចារណាការវះកាត់បេះដូង(CABG)?

ប្រសិនបើអ្នកកំពុងស្វែងរកដំណោះស្រាយចំពោះការឈឺទ្រូងឬការភ័យខ្លាចរបស់អ្នកដែលមានជំងឺគាំងបេះដូង។ នៅមន្ទីរពេទ្យវេជ្ជថានីយើងមានមោទនភាពក្នុងការបម្រើសេវកម្មវេជ្ជសាស្ត្រ និងព្យាបាលអ្នកដោយយកចិត្តទុកដាក់បំផុតដើម្បីព្យាបាលជំងឺសរសៃឈាមបេះដូង។

ជំងឺសរសៃឈាមបេះដូងនៅតែជាឃាតករកំពូលទាំង ១០ នៅជុំវិញពិភពលោក។ សព្វថ្ងៃនេះខណៈពេលដែលមានជម្រើសព្យាបាលផ្សេងៗគ្នាសម្រាប់មនុស្សជាច្រើនការវះកាត់បេះដូង(CABG)នៅតែជាជំរើសល្អបំផុតក្នុងការព្យាបាលសរសៃឈាម។ ការវះកាត់សរសៃឈាមមានប្រសិទ្ធិភាពនិងមានសុវត្ថិភាពហើយសំខាន់បំផុតអាចជួយមនុស្សឱ្យទទួលបាននូវគុណភាពជីវិតដែលពួកគេមានពីមុន។

នៅមន្ទីរពេទ្យវេជ្ជថានីយើងផ្តល់ជូនអ្នកជំងឺគ្រប់រូបនូវក្រុមវេជ្ជបណ្ឌិត គ្រូពេទ្យវះកាត់និងបុគ្គលិកដែលមានជំនាញច្បាស់លាស់។ យើងប្រើតែគ្រឿងបរិក្ខារពេទ្យទំនើប ៗ ល្អបំផុតដើម្បីធានាដល់សុខភាពសុវត្ថិភាពនិងភាពងាយស្រួលដល់អ្នកជំងឺរបស់យើង។ បរិយាកាសមន្ទីរពេទ្យមានអនាម័យមានសុវត្ថិភាព។

ទោះបីវិធីមុនពេលវះកាត់ អំឡុងពេលពេលវះកាត់និងក្រោយពេលវះកាត់បេះដូងនៅប្រទេសថៃខុសគ្នាឆ្ងាយពីអ្នកជំងឺទៅអ្នកជំងឺមួយក៏ដោយយើងអាចធានាថាអ្នកនឹងមិនទទួលបានការមើលថែល្អបំផុតពីមន្ទីរពេទ្យរបស់យើងដែលជាមន្ទីរពេទ្យទទួលស្គាល់ដោយ JCI ដំបូងគេនៅក្នុងប្រទេស។ យើងអាចផ្តល់ជូនអ្នកនូវកញ្ចប់ថែទាំពេញលេញចាប់ពីការពិគ្រោះយោបល់ដំបូងរហូតដល់ការវះកាត់ និងក្រោយការវះកាត់ ព្រមទាំងការណែនាំអំពីរបៀបរស់នៅក្រោយការវះកាត់។ ប្រសិនបើអ្នកកំពុងមន្ទីរពេទ្យល្អបំផុតសម្រាប់បេះដូងរបស់អ្នក សូមទំនាក់ទំនងក្រុមការងាររបស់យើងនៅមន្ទីរពេទ្យវេជ្ជថានីថ្ងៃនេះ។

ទំនាក់ទំនង ទូរស័ព្ទ +6689 201 9000 ឬតាមអ៊ីម៉ែល [email protected]
Facebook: Vejthani Hospital-មន្ទីរពេទ្យវេជ្ជថានី

  • Readers Rating
  • Rated 5 stars
    5 / 5 (2 )
  • Your Rating