សូមប្រុងប្រយ័ត្ន! ជំងឺលើសឈាម ដែលគ្មានរោគសញ្ញាអាចបង្កហានិភ័យជា ជំងឺសរសៃឈាមបេះដូង ដោយមិនដឹងខ្លួន
ជំងឺលើសឈាម គឺជាស្ថានភាពទូទៅមួយដែលជារឿយៗមិនបង្ហាញរោគសញ្ញ […]
Table of Contents
ការស្ទាបប៉ះដុំពកនៅបរិវេនពោះ ក្រលៀន ឬផ្ចិត គឺជារោគសញ្ញានៃក្លនលូន ដែលអាចកើតឡើងចំពោះទាំងបុរស និងស្ត្រីដែលអាចកើតមានគ្រប់វ័យ ដោយផ្អែកលើបទពិសោធន៍របស់គាត់ក្នុងការថែទាំអ្នកជំងឺក្លនលូន លោកវេជ្ជបណ្ឌិត DR. TANAPOOM LIMTRAKUL គ្រូពេទ្យវះកាត់ជំងឺថ្លើមនិងបំពង់ទឹកប្រមាត់ឯកទេសផ្នែកការវះកាត់ដោយតាមរយៈកាមេរ៉ាដោយមនុស្សយន្តនៅមន្ទីរពេទ្យអន្តរជាតិវេជ្ជថានី បានសង្កេតឃើញថា អ្នកជំងឺជាច្រើនស្វែងរកការព្យាបាលពីគ្រូពេទ្យលុះត្រាតែមានការឈឺចាប់ ឬនៅពេលដែលក្លនហើមធំរួចទៅហើយ។ អ្នកជំងឺមួយចំនួនធំយល់ច្រឡំថាវាគ្រាន់តែជាដុំខ្លាញ់ ឬជាស្ថានភាពទូទៅ ដែលនាំឱ្យមានការព្យាបាលយឺតយ៉ាវ និងហានិភ័យនៃផលវិបាកកើនឡើងដូចជា ពោះវៀនធំខ្វះឈាម (Strangulated Hernia) លើសពីនេះ អ្នកជំងឺជាច្រើនមានការព្រួយបារម្ភអំពីស្លាកស្នាមវះកាត់ ក្លនលូន និងពេលវេលានៃការជាសះស្បើយ ដែលជាកត្តាសំខាន់ក្នុងការសម្រេចចិត្តលើជម្រើសនៃការព្យាបាល
ក្លនលូន គឺជាអ្វី
ក្លនលូន (Hernia) គឺជាស្ថានភាពមួយដែលពោះវៀនលយចេញពីទីតាំងធម្មតារបស់វា និងបង្កើតជាដុំប៉ោង។ នេះបណ្តាលមកពីភាពទន់ខ្សោយនៅក្នុងជញ្ជាំងពោះ ទាំងពីកំណើត ឬកើតឡើងនៅពេលក្រោយ ដូចជាពីការវះកាត់ ឬដោយសម្ពាធមិនប្រក្រតីនៅក្នុងប្រអប់ពោះដោយសារហេតុផលផ្សេងៗដូចជាការប្រឹងដោយសារទល់លាមក ការក្អក ឬកណ្តាស់ ឬការលើកវត្ថុធ្ងន់ៗ
ប្រភេទនៃជំងឺក្លនលូន
ក្លនលូនអាចត្រូវបានចាត់ថ្នាក់ជាច្រើនប្រភេទ អាស្រ័យលើទីតាំងរបស់វា
ក្លនលូននៅក្រលៀន (Inguinal Hernia)
ជាប្រភេទដែលកើតឡើងញឹកញាប់បំផុត ជាពិសេសចំពោះបុរស។ វាកើតឡើងនៅក្រលៀនដោយសារតែភាពទន់ខ្សោយនៃជញ្ជាំងសាច់ដុំនៅបរិវេននោះ
ក្លនលូននៅផ្ចិត (Umbilical Hernia)
កើតឡើងនៅផ្ចិត។ កើតមានទាំងចំពោះកុមារ និងមនុស្សពេញវ័យ ជាពិសេសចំពោះអ្នកធាត់លើសទម្ងន់ ឬស្ត្រីមានផ្ទៃពោះ
ក្លនលូនរបួសវះកាត់ (Incisional Hernia)
កើតឡើងនៅកន្លែងវះកាត់កើម ដោយសារតែជញ្ជាំងពោះចុះខ្សោយនៅតំបន់នោះ
ក្លនលូននៅភ្លៅ (Femoral Hernia)
កម្រកើតមានណាស់ ជាធម្មតាកើតឡើងចំពោះស្ត្រី ហើយជាធម្មតានៅភ្លៅខាងលើ
រោគសញ្ញានៃក្លនលូន
រោគសញ្ញានៃក្លនលូនអាចប្រែប្រួលពីមនុស្សម្នាក់ទៅមនុស្សម្នាក់ ដោយរោគសញ្ញាទូទៅ រួមមាន
- ដុំពកអាចមាននៅបរិវេនក្រលៀន ពោះ ឬផ្ចិត
- ដុំពកអាចកាន់តែគួរឱ្យកត់សម្គាល់នៅពេលឈរ ក្អក ឬបញ្ចេញកម្លាំង
- មានអារម្មណ៍តឹងឬឈឺចាប់នៅតំបន់ជុំវិញដុំពក
- អាចមានអារម្មណ៍ធ្ងន់នៅក្រលៀន
- ក្នុងករណីខ្លះ អាចមានការឈឺចាប់ពោះ ចង្អោរ ឬក្អួត
ប្រសិនបើដុំសាច់មិនអាចរុញចូលវិញបាន ឬប្រសិនបើមានការឈឺចាប់ធ្ងន់ធ្ងរ អ្នកគួរតែទៅជួបគ្រូពេទ្យជាបន្ទាន់ ព្រោះវាអាចជាស្ថានភាពមួយដែលហៅថា ការស្ទះពោះវៀន ឬ ពោះវៀនខ្វះឈាម
មូលហេតុ និងកត្តាហានិភ័យនៃជំងឺក្លនលូន
ជំងឺក្លនលូនកើតឡើងនៅពេលដែលមានភាពទន់ខ្សោយនៅក្នុងសាច់ដុំជញ្ជាំងពោះ រួមផ្សំជាមួយនឹងសម្ពាធកើនឡើងនៅខាងក្នុងប្រអប់ពោះ។ កត្តាហានិភ័យដែលអាចបណ្តាលឱ្យមានជំងឺក្លនលូនរួមមាន៖
- លើកវត្ថុធ្ងន់ៗជាប្រចាំ
- ក្អករ៉ាំរ៉ៃ
- ទល់លាមក និងការប្រឹងខ្លាំងៗញឹកញាប់
- លើសទម្ងន់ ឬជំងឺធាត់
- មានផ្ទៃពោះ
- ធ្លាប់វះកាត់ពោះពីមុន
- អាយុកាន់តែច្រើននាំឱ្យសាច់ដុំខ្សោយ
ការវះកាត់ ក្លនលូន មានវិធីសាស្ត្រអ្វីខ្លះ
ការព្យាបាលទូទៅសម្រាប់ក្លនលូនគឺ ការវះកាត់ជួសជុលជញ្ជាំងពោះ ដោយសារតែក្លនលូនមិនអាចជាសះស្បើយដោយខ្លួនឯងបាន។ វិធីវះកាត់សព្វថ្ងៃនេះមានជាច្រើនប្រភេទ រួមមានៈ
ការវះកាត់ ក្លនលូន បែបវះបើក (Open Surgery)
គឺជាវិធីសាស្រ្តនៃការព្យាបាលក្លនលូនដែលត្រូវបានប្រើជាយូរមកហើយ
- គ្រូពេទ្យវះកាត់នឹងធ្វើការវះកាត់នៅក្រលៀន ឬពោះ ដើម្បីចូលទៅកាន់តំបន់ដែលខ្សោយនៃជញ្ជាំងពោះ
- សរីរាង្គដែលបានធ្លាក់ចេញនៅខាងក្រៅជញ្ជាំងពោះ ដូចជាពោះវៀន នឹងត្រូវបានរុញត្រឡប់ទៅទីតាំងដើមរបស់វាវិញនៅក្នុងប្រអប់ពោះ
- បន្ទាប់មក គ្រូពេទ្យតែងដាក់សំណាញ់វះកាត់ដើម្បីពង្រឹងជញ្ជាំងពោះដែលខ្សោយ ដែលជួយកាត់បន្ថយឱកាសនៃការកើតឡើងវិញ
- វិធីសាស្ត្រនេះបណ្តាលឱ្យមានស្លាកស្នាមវះកាត់ធំជាង ដែលនាំឱ្យមានពេលវេលាស្តារឡើងវិញយូរជាង
ការវះកាត់ ក្លនលូន តាមរយៈកាមេរ៉ា (Laparoscopic Surgery)
- ការវះកាត់តាមរយៈកាមេរ៉ា គឺជាបច្ចេកទេសវះកាត់ដែលមានការប៉ះពាល់តិចតួចបំផុត (Minimally Invasive Surgery)
- គ្រូពេទ្យវះកាត់បញ្ចូលកាមេរ៉ា និងឧបករណ៍វះកាត់តាមរយៈរន្ធតូចៗ ប្រហែល 3-4 ចំណុច នៅបរិវេនពោះ
- កាមេរ៉ាបញ្ជូនរូបភាពនៃផ្នែកខាងក្នុងនៃប្រអប់ពោះទៅកាន់ម៉ូនីទ័រ ដែលអនុញ្ញាតឱ្យគ្រូពេទ្យវះកាត់មើលឃើញសរីរាង្គខាងក្នុងបានយ៉ាងច្បាស់។ បន្ទាប់មកសរីរាង្គត្រូវបានរុញត្រឡប់ទៅទីតាំងដើមរបស់វាវិញ
- ទោះជាយ៉ាងណាក៏ដោយ ការវះកាត់ដោយកាមេរ៉ាមិនអាចដេរសំណាញ់ទៅនឹងជញ្ជាំងពោះបានទេ ព្រោះឧបករណ៍ដែលបញ្ចូលតាមរយៈរន្ធទាំងនោះផ្លាស់ទីមានដែនកំណត់ ពិបាកដេរនៅតំបន់ជ្រៅៗ ដូច្នេះចាំបាច់ត្រូវប្រើដែកកិបដើម្បីផ្ជាប់សំណាញ់ទៅនឹងជញ្ជាំងពោះ
- អ្នកជំងឺអាចមានអារម្មណ៍ថាតឹងនៅក្នុងពោះបន្ទាប់ពីការវះកាត់ដោយសារតែការប្រើប្រាស់ដែកកិបនៅខាងក្នុងប្រហោងពោះ
ការវះកាត់ដោយមនុស្សយន្ត Da Vinci
ការព្យាបាលក្លនលូនដោយមនុស្សយន្តជំនួយវះកាត់ Da Vinci
បច្ចុប្បន្នមានការនាំ បច្ចេកវិជ្ជាមនុស្សយន្ដជំនួយការវះកាត់ Da Vinci Surgical System មកប្រើក្នុងការព្យាបាលក្លនលូន។ ដោយជាការវះកាត់តាមរយៈកាមេរ៉ា ដែលគ្រូពេទ្យវះកាត់គ្រប់គ្រងឧបករណ៍វះកាត់តាមរយៈប្រព័ន្ធកុំព្យូទ័រ
ប្រព័ន្ធនេះផ្តល់រូបភាពការវះកាត់បែប 3D ដែលមានគុណភាពបង្ហាញខ្ពស់ (3D High Definition) ដែលអនុញ្ញាតឱ្យគ្រូពេទ្យវះកាត់មើលឃើញរចនាសម្ព័ន្ធខាងក្នុងលម្អិត និងគ្រប់គ្រងឧបករណ៍វះកាត់តូចៗដោយភាពជាក់លាក់
គុណសម្បត្តិនៃការវះកាត់ក្លនលូនដោយមនុស្សយន្ត Da Vinci
ការប្រើប្រាស់មនុស្សយន្តជំនួយវះកាត់ Da Vinci មានគុណសម្បត្តិជាច្រើន ដូចជា៖
- មុខរបួសវះកាត់ខ្នាតតូច
- ភាពជាក់លាក់នៃការវះកាត់ខ្ពស់
- កាត់បន្ថយផលប៉ះពាល់លើជាលិកាជុំវិញ
- ប្រសិទ្ធភាពប្រៀបបានទៅនឹងការវះកាត់បែបវះបើកចំហរ
- មិនចាំបាច់ប្រើដែកកិបដើម្បីភ្ជាប់សំណាញ់ទៅនឹងជញ្ជាំងពោះទេ
- កាត់បន្ថយការរលាកសរសៃប្រសាទ
- កាត់បន្ថយការឈឺចាប់ និងតឹងក្រោយការវះកាត់
- ជួយឪ្យអ្នកជំងឺជាសះស្បើយលឿនជាងមុន
ការថែទាំខ្លួនឯងបន្ទាប់ពីការវះកាត់ក្លនលូន
បន្ទាប់ពីការវះកាត់ អ្នកជំងឺគួរតែថែរក្សាខ្លួនឯងឱ្យបានត្រឹមត្រូវ ដូចជា៖
- ជៀសវាងការលើកវត្ថុធ្ងន់ៗអំឡុងពេលដំបូង
- គ្រប់គ្រងទម្ងន់របស់អ្នក
- ញ៉ាំអាហារដែលសម្បូរជាតិសរសៃដើម្បីកាត់បន្ថយការទល់លាមក
- អនុវត្តតាមការណែនាំរបស់គ្រូពេទ្យរបស់អ្នកយ៉ាងតឹងរ៉ឹង
- មកជួបវេជ្ជបណ្ឌិតតាមការណាត់ដើម្បីតាមដានរោគសញ្ញា
ពេលណាគួរទៅជួបគ្រូពេទ្យ?
ប្រសិនបើអ្នករកឃើញដុំពកនៅលើពោះ ឬក្រលៀនរបស់អ្នក ជាពិសេសប្រសិនបើវាធំឡើង ឬឈឺចាប់ អ្នកគួរតែទៅជួបគ្រូពេទ្យដើម្បីធ្វើរោគវិនិច្ឆ័យ ដើម្បីវាយតម្លៃហានិភ័យ និងរៀបចំផែនការព្យាបាលសមស្រប
ការរកឃើញ និងការព្យាបាលក្លនលូនតាំងពីដំបូងអាចជួយកាត់បន្ថយហានិភ័យនៃផលវិបាក និងនាំឱ្យមានការព្យាបាលកាន់តែមានប្រសិទ្ធភាព
សំណួរដែលសួរជាញឹកញាប់អំពីជំងឺក្លនលូន
តើជំងឺក្លនលូនអាចជាសះស្បើយដោយខ្លួនឯងបានទេ?
ជំងឺក្លនលូនមិនអាចជាសះស្បើយដោយខ្លួនឯងបានទេ។ ការព្យាបាលចម្បងគឺការវះកាត់ដើម្បីជួសជុលជញ្ជាំងពោះ ដើម្បីការពារពោះវៀនពីការលៀនចេញម្តងទៀត និងកាត់បន្ថយហានិភ័យនៃផលវិបាកនាពេលអនាគត
តើការវះកាត់ជំងឺក្លនលូនបែបបុរាណ និងការវះកាត់ដោយមនុស្សយន្តមានភាពខុសគ្នាដូចម្ដេច?
ការវះកាត់បែបវះបើកចំហនឹងមានមុខរបួសធំ និងពេលវេលាស្តារឡើងវិញយូរជាង។ ចំណែកការវះកាត់ដោយកាមេរ៉ា និងការវះកាត់ដោយមនុស្សយន្តគឺជាបច្ចេកទេសដែលមានការឈ្លានពានតិចតួចបំផុតដែលកាត់បន្ថយការខូចខាតជាលិកា។ ការប្រើមនុស្សយន្តជំនួយការវះកាត់ជួយបង្កើនភាពជាក់លាក់ និងអាចកាត់បន្ថយការឈឺចាប់ក្រោយការវះកាត់ផងដែរ។ វិធីសាស្ត្រដែលសមស្របបំផុតអាស្រ័យលើការវាយតម្លៃរបស់វេជ្ជបណ្ឌិតម្នាក់ៗ
តើអ្នកគួរទៅជួបគ្រូពេទ្យនៅពេលណា ប្រសិនបើអ្នកសង្ស័យថាអ្នកមានជំងឺក្លនលូន?
ប្រសិនបើអ្នករកឃើញដុំសាច់នៅលើពោះ ក្រលៀន ឬផ្ចិតរបស់អ្នក ជាពិសេសប្រសិនបើវាធំឡើង ឬឈឺចាប់ អ្នកគួរតែទៅជួបគ្រូពេទ្យជាបន្ទាន់។ ប្រសិនបើដុំសាច់មិនអាចរុញចូលវិញបាន ឬការឈឺចាប់ធ្ងន់ធ្ងរ អ្នកគួរតែទៅជួបគ្រូពេទ្យជាបន្ទាន់ ព្រោះនេះអាចជាស្ថានភាពនៃជំងឺស្ទះពោះវៀន ឃាំង ឬជំងឺពោះវៀនខ្វះឈាម
Readers’ Rating
0.0 out of 5 stars (based on 0 reviews)
