ေ၀့ဌာနီဆေးရုံကြီး နှလုံးကုသဆောင်မှ နှလုံးကုသခြင်းများကို ဘက်ပေါင်းစုံမှ တစ်နေရာတည်းကုသနိုင်သော Cath Lab ခန်း
ကုသမှုအတွက် ဆေးဘက်ဆိုင်ရာကိရိယာများကို သွေးကြောအတွင်း သွေးလွှတ်ကြောငယ်ထဲသို့ catheter အသေးဖြင့်
ဝေ့ဌာနီနိုင်ငံတကာအထူးကုဆေးရုံကြီးသည် Da Vinci စက်ရုပ်အကူအညီပေး ခွဲစိတ်မှုစနစ် (Da Vinci Robotic-Assisted Surgery System) ကို အသုံးပြု၍ ကွယ်လွန်သူအလှူရှင်ထံမှ ကျောက်ကပ်အစားထိုးခွဲစိတ်မှုကို အောင်မြင်စွာ ဆောင်ရွက်နိုင်ခဲ့ပြီး၊ အဆိုပါအောင်မြင်မှုရရှိသည့် ထိုင်းနိုင်ငံ၏ ပထမဆုံးသော ပုဂ္ဂလိကဆေးရုံ ဖြစ်လာခဲ့သည်။
၎င်းကျောက်ကပ်အစားထိုး ခွဲစိတ်မှုကို ကျောက်ကပ်အထူးကုဆရာဝန်များ၊ ဆီးလမ်းကြောင်းနှင့်ကျောက်ကပ်ခွဲစိတ်ဆရာဝန်များ၊ သွေးကြောခွဲစိတ်ဆရာဝန်များနှင့် အစားထိုးကုသမှုဆိုင်ရာကျွမ်းကျင်ပညာရှင်များ ပါဝင်သော ဘာသာရပ်စုံအထူးကုအဖွဲ့ (Multidisciplinary Team) မှ ပူးပေါင်းဆောင်ရွက်ခဲ့ခြင်း ဖြစ်သည်။
အဆိုပါခွဲစိတ်ကုသမှုအဖွဲ့သည် သေချာစွာ စီမံတွက်ချက် ပူးပေါင်းလုပ်ဆောင်ထားပြီး သမားရိုးကျဗိုက်ဖွင့်ခွဲစိတ်မှုပုံစံဟောင်း (Conventional Open Surgery) နေရာတွင် စက်ရုပ်အကူအညီဖြင့် ခွဲစိတ်မှုဆိုင်ရာ အဆင့်မြင့်နည်းပညာကို အစားထိုးပြုလုပ်ခဲ့သည်။ ဤအဆင့်မြင့်နည်းပညာသည် သမားရိုးကျကျောက်ကပ်အစားထိုး ခွဲစိတ်မှုလုပ်ထုံးလုပ်နည်းများနှင့် နှိုင်းယှဉ်ပါက တစ်ရှူးများ ထိခိုက်ဒဏ်ရာရမှုကို အနည်းဆုံးဖြစ်စေခြင်း၊ သွေးဆုံးရှုံးမှုကို လျှော့ချပေးခြင်း၊ ခွဲစိတ်ပြီးနောက်ပိုင်း ပိုးဝင်နိုင်ခြေနှင့် နောက်ဆက်တွဲပြဿနာများကို နည်းပါးစေခြင်းတို့အပြင် လူနာအား ပိုမိုမြန်ဆန်စွာ ပြန်လည်နာလန်ထူလာစေရန် အထောက်အကူပြုပါသည်။
စက်ရုပ်အကူအညီဖြင့် ကျောက်ကပ်အစားထိုး ခွဲစိတ်မှုသည် ကမ္ဘာတစ်ဝန်းရှိ ထိပ်တန်းဆေးရုံကြီးများတွင် လက်ခံကျင့်သုံးနေသည့် စံပြုကုသမှုနည်းလမ်းတစ်ခု ဖြစ်သည်။ ယခုအောင်မြင်မှုသည် ဝေ့ဌာနီနိုင်ငံတကာအထူးကုဆေးရုံကြီး၏ ကျောက်ကပ်အစားထိုး ကုသမှုကဏ္ဍ တိုးတက်မှုအတွက် အရေးပါသော မှတ်တိုင်တစ်ခုဖြစ်ပြီး ကုသမှုထိရောက်မှု၊ လူနာဘေးကင်းလုံခြုံမှုနှင့် ခွဲစိတ်မှုရလဒ်များကို ပိုမိုမြှင့်တင်ပေးနိုင်ခဲ့သည်။
Readers’ Rating
0.0 out of 5 stars (based on 0 reviews)
