ការវះកាត់ដោយកាមេរ៉ា បច្ចេកវិជ្ជា VATS ជម្រើសនៃការព្យាបាលជំងឺក្នុងសរីរាង្គទ្រូង
ការវះកាត់ទ្រូងដោយប្រើកាមេរ៉ាពីវីដេអូ (Video-Assisted Th […]
Table of Contents
មនុស្សជាច្រើនមើលរំលងការឈឺខ្នង ឬករ៉ាំរ៉ៃ ដោយគិតថាវាគ្រាន់តែជាជំងឺតូចតាចដែលនឹងបាត់ទៅវិញដោយខ្លួនឯង។ ប៉ុន្តែតើអ្នកដឹងទេថារោគសញ្ញាទាំងនេះអាចជាសញ្ញាព្រមាននៃ ជំងឺលៀនឌីស (Herniated Disc) ប្រសិនបើមិនបានព្យាបាលទេ ស្ថានភាពនេះអាចកាន់តែធ្ងន់ធ្ងរ និងប៉ះពាល់យ៉ាងខ្លាំងដល់ជីវិតប្រចាំថ្ងៃ
ជំងឺលៀនឌីស គឺជាអ្វី?
ជំងឺលៀនឌីសគឺជាស្ថានភាពមួយដែលឌីសឆ្អឹងខ្នង ដែលជាមានតួនាទីទ្រកម្លាំងទង្គិចនិងជួយឱ្យធ្វើចលនាបានយ៉ាងបត់បែន មានការរហែកឬផ្លាស់ទីចេញពីទីតាំងធម្មតារបស់វា រហូតទៅសង្កត់សរសៃប្រសាទក្បែរនោះ បង្កឱ្យមានការឈឺចាប់ ស្ពឹក ឬខ្សោយនៅផ្នែកផ្សេងៗនៃរាងកាយ ដូចជាខ្នង ក ត្រគាក ឬជើង
រោគសញ្ញានៃជំងឺលៀនឌីស
រោគសញ្ញាប្រែប្រួលអាស្រ័យលើទីតាំងនៃការលៀន និងភាពធ្ងន់ធ្ងរនៃការបង្ហាប់សរសៃប្រសាទ ដូចជា៖
- ឈឺខ្នង ឬ ករ៉ាំរ៉ៃ ជាពិសេសនៅពេលធ្វើចលនា ឬលើកវត្ថុធ្ងន់ៗ
- ការឈឺចាប់រាលដាលតាមសរសៃប្រសាទ ដូចជាការឈឺចាប់រាលដាលចុះជើងក្នុងករណីលៀនឌីសនៅតំបន់ចង្កេះ ឬ ការឈឺចាប់រាលដាលចុះដៃក្នុងករណីលៀនឌីសនៅក
- ស្ពឹក ឬ ខ្សោយនៅជើង ដៃ ឬប្រអប់ដៃ
- មានអារម្មណ៍ស្រៀវ ឬឈឺចាក់ៗ ដូចជាឆក់ចរន្តអគ្គិសនី នៅពេលធ្វើចលនា ឬ ក្នុងទីតាំងណាមួយ
- សាច់ដុំខ្សោយ ឬ ពិបាកធ្វើចលនា
ប្រសិនបើមិនបានព្យាបាលក្នុងរយៈពេលយូរ វាអាចនាំឱ្យមានរោគសញ្ញាធ្ងន់ធ្ងរជាងនេះដូចជា សាច់ដុំខ្សោយ សាច់ដុំរួញ ឈឺចាប់រាលដាល ស្ពឹកកាន់តែខ្លាំង ឬបាត់បង់ការគ្រប់គ្រងការបន្ទោរបង់
មូលហេតុនៃ ជំងឺលៀនឌីស
- អាយុ 30–50 ឆ្នាំឡើងទៅ
- ការប្រើប្រាស់ឥរិយាបថឆ្អឹងខ្នងមិនត្រឹមត្រូវ ដូចជាការលើកវត្ថុធ្ងន់ៗ ឬអង្គុយ ឬឈរក្នុងឥរិយាបថមិនត្រឹមត្រូវ
- គ្រោះថ្នាក់ ឬរបួសដែលប៉ះពាល់ដល់ឆ្អឹងខ្នង
- លើសទម្ងន់ឬធាត់ជ្រុល
- ខ្វះលំហាត់ប្រាណ ដែលបណ្តាលឱ្យសាច់ដុំខ្នងខ្សោយក្នុងទ្រទ្រង់ឆ្អឹងខ្នង
ការធ្វើរោគវិនិច្ឆ័យជំងឺលៀនឌីស
គ្រូពេទ្យនឹងចាប់ផ្តើមដោយយកប្រវត្តិវេជ្ជសាស្ត្រ និងធ្វើការពិនិត្យរាងកាយ។ បន្ទាប់មក អាចការធ្វើតេស្តបន្ថែមទៀត៖
- MRI (ការថតរូបភាពអនុភាពម៉ាញេទិក)៖ ប្រើដើម្បីពិនិត្យមើលការបង្ហាប់សរសៃប្រសាទឱ្យបានលម្អិត
វិធីសាស្រ្តព្យាបាល ជំងឺលៀនឌីស
សម្រាប់ករណីស្រាល (ដំណាក់កាលដំបូង)
- លេបថ្នាំបំបាត់ការឈឺចាប់
- ធ្វើការព្យាបាលដោយចលនា
- កែសម្រួលទម្លាប់នៃការរស់នៅ ដូចជាការផ្លាស់ប្តូរឥរិយាបថអង្គុយ និងគេង និងរបៀបដែលអ្នកលើកវត្ថុ
ករណីរោគសញ្ញាកាន់តែធ្ងន់ធ្ងរ
ប្រសិនបើរោគសញ្ញាមិនប្រសើរឡើងក្នុងរយៈពេល 6 ខែ ឬប្រសិនបើរោគសញ្ញាកាន់តែធ្ងន់ធ្ងរ ដូចជាការឈឺចាប់រាលដាលដល់ជើង គេងមិនលក់ ពិបាកដើរ ឬមិនអាចគ្រប់គ្រងការបន្ទោរបង់បាន គ្រូពេទ្យរបស់អ្នកអាចពិចារណា ការវះកាត់ជំងឺលៀនឌីសដោយកាមេរ៉ា Endoscope
គុណសម្បត្តិនៃការវះកាត់ដោយកាមេរ៉ា Endoscope
- ស្នាមវះកាត់មានទំហំតូច ត្រឹមតែប្រហែល 1 សង់ទីម៉ែត្រប៉ុណ្ណោះ
- កាត់បន្ថយការខូចខាតដល់ជាលិកាជុំវិញ ដែលបណ្តាលឱ្យមានការឈឺចាប់តិចជាងមុន
- ពេលវេលាជាសះស្បើយខ្លីជាងមុន និងអាចត្រឡប់ទៅរកជីវិតប្រចាំថ្ងៃវិញលឿនជាងមុន
ការបង្ការជំងឺលៀនឌីស
ទោះបីជាមិនអាចជៀសវាងការចុះខ្សោយដែលទាក់ទងនឹងអាយុទាំងស្រុងបានមែន តែយើងអាចកាត់បន្ថយហានិភ័យ និងបន្ថយការវិវត្តនៃរោគសញ្ញាបានដោយ៖
- ការរក្សាទម្ងន់ឱ្យមានសុខភាពល្អ
- ហាត់ប្រាណតាមភាពសមស្របឱ្យបានទៀងទាត់
- កុំជក់បារី
- ញ៉ាំអាហារដែលមានតុល្យភាពជាមួយនឹងក្រុមអាហារទាំងប្រាំ
- អង្គុយ ឈរ ពត់ខ្លួន និងលើកវត្ថុធ្ងន់ៗឱ្យបានត្រឹមត្រូវ។ ផ្លាស់ប្តូរឥរិយាបថរបស់អ្នកឱ្យបានញឹកញាប់ពេលកំពុងធ្វើការ
- ត្រូវប្រុងប្រយ័ត្នដើម្បីជៀសវាងគ្រោះថ្នាក់ដែលអាចប៉ះពាល់ដល់ឆ្អឹងខ្នងរបស់អ្នក
ប្រសិនបើអ្នកសម្គាល់ឃើញអាការៈឈឺខ្នងរ៉ាំរ៉ៃ ឈឺក ឬស្ពឹកនៅដៃ និងជើងរបស់អ្នក កុំរង់ចាំរហូតដល់វាកាន់តែធ្ងន់ធ្ងរ ហើយប៉ះពាល់ដល់គុណភាពជីវិតរបស់អ្នក។ អ្នកគួរតែស្វែងរកការធ្វើរោគវិនិច្ឆ័យ និងការព្យាបាលពីអ្នកឯកទេសខាងជំងឺឆ្អឹងខ្នង ដើម្បីទទួលបានដំបូន្មាន និងផែនការព្យាបាលសមស្រប។
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលឆ្អឹងខ្នង, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Learn about Vejthani International Hospital
service@vejthani.com
Readers’ Rating
5.0 out of 5 stars (based on 1 review)
