“មិនមែនគ្រាន់តែជាការដួលធម្មតាទេ” ការពារការបាក់ឆ្អឹងត្រគាក មុនពេលហួសពេល
“ការបាក់ឆ្អឹងត្រគាក” គឺជារបួសដ៏គ្រោះថ្នាក់បំផុតមួយ ជាពិសេសចំពោះក្រុមមនុស្សចាស់។ ព្រោះអាចបណ្តាលឱ្យដួលមិនអាចក្រោកបាន ដើរមិនបាន ឬនាំឱ្យមានផលវិបាកផ្សេងទៀតតាមមក
ប្រសិនបើអ្នកមិនប្រញាប់ស្វែងរកការព្យាបាលទាន់ពេលទេ នោះអ្នកនឹងប្រឈមមុខក្លាយជាអ្នកជំងឺមិនអាចងើបពីគ្រែ
ការដួលស្រាលៗ ប៉ុន្តែឈឺត្រគាកខ្លាំង មិនអាចកំរើកបាន មិនអាចក្រោកឡើងបាន រោគសញ្ញាទាំងនេះគឺជាសញ្ញាព្រមានពី ការបាក់ឆ្អឹងត្រគាក ប្រសិនបើមិនប្រញាប់ស្វែងរកការព្យាបាលទាន់ពេលទេ នោះអ្នកនឹងប្រឈមមុខក្លាយជាអ្នកជំងឺមិនអាចងើបពីគ្រែ និងអាចបង្កឱ្យមានផលវិបាកធ្ងន់ធ្ងរដែលអាចគំរាមកំហែងដល់អាយុជីវិតផងដែរ
លោកវេជ្ជបណ្ឌិត Premstien Sirithanapipat គ្រូពេទ្យវះកាត់ឆ្អឹងនិងសន្លាក់ ឯកទេសវះកាត់ជង្គង់ និងត្រគាកសិប្បនិម្មិត មន្ទីរពេទ្យវេជ្ជថានី បានលើកឡើងថា ការបាក់ឆ្អឹងត្រគាក ជាការរងរបួសដែលត្រូវបានរកឃើញជាញឹកញាប់នៅលើមនុស្សចាស់ ជាពិសេសនៅលើអ្នកដែលមានជំងឺពុកឆ្អឹង (Osteoporosis) ឬអ្នកដែលធ្លាប់ជួបឧប្បត្ដិហេតុគ្រោះថ្នាក់ធ្ងន់ធ្ងរ រោគសញ្ញានេះមិនត្រឹមតែប៉ះពាល់ដល់ការធ្វើចលនាប៉ុណ្ណោះទេ ប៉ុន្តែក៏អាចនាំអោយមានផលវិបាកធ្ងន់ធ្ងរផងដែរ ប្រសិនបើមិនបានព្យាបាលទាន់ពេលវេលា
រោគសញ្ញានៃការបាក់ឆ្អឹងត្រគាក
- ឈឺត្រគាកខ្លាំង មិនអាចកំរើកបាន
- មិនអាចទំលាក់ទម្ងន់ឬ ឈរបាន
- ត្រជាក់ចុងជើង ដោយសារការផ្គត់ផ្គង់ឈាមហូរទៅជើងថយចុះ
- មានស្នាមជាំ ហើម និងមានអារម្មណ៍គាំងៗនៅក្នុងតំបន់ត្រគាក
ប្រសិនបើមនុស្សចាស់មានគ្រោះថ្នាក់រអិលដួល ហើយសង្ស័យថាបាក់ឆ្អឹងត្រគាក ឬឆ្អឹងផ្នែកណាមួយត្រូវបានខូចខាត អ្នកគួរតែទូរស័ព្ទទៅកាន់មន្ទីរពេទ្យភ្លាមៗ ដើម្បីឱ្យក្រុមឯកទេសខាងបម្លាស់ទីអ្នកជំងឺ មកផ្លាស់ទីអ្នកជំងឺបាក់ឆ្អឹង ដើម្បីការពារមិនឪ្យឆ្អឹងរបូត កាត់បន្ថយការរងរបួស និងកាត់បន្ថយការខូចខាតផ្សេងៗដែលអាចកើតមានចំពោះអ្នកជំងឺ
ការបាក់ឆ្អឹងត្រគាក ចាំបាច់ត្រូវធ្វើការវះកាត់ឱ្យបានឆាប់តាមដែលអាចធ្វើបាន ក្នុងរយៈពេល 24ម៉ោង ដើម្បីការពារផលវិបាក ដូចជា អ្នកជំងឺមិនអាចងើបពីគ្រែ ដំបៅគ្រែ (Bedsores) ជំងឺកំណកឈាមស្ទះក្នុងសរសៃឈាម និងជំងឺរលាកផ្លោកនោម និងការឆ្លងមេរោគកើតឡើង ប្រសិនបើទុកចោលមិនព្យាបាលអាចធ្ងន់ធ្ងររហូតដល់ប៉ះពាល់ដល់អាយុជីវិតបាន
បច្ចុប្បន្នការវះកាត់ត្រគាក មិនគួរឲ្យខ្លាចដូចមុននោះទេដោយសារតែមានបច្ចេកទេសវះកាត់បែប Minimal Invasive Surgery ដែលជាការវះកាត់ត្រគាកបែបមុខរបួសតូច ដោយសាច់ដុំនិងមានការប៉ះពាល់តិច និងប៉ះពាល់រចនាសម្ព័ន្ធឆ្អឹងតិចបំផុត ដូច្នេះ ទើបធ្វើឪ្យអ្នកជំងឺរងរបួសតិច ឆាប់ជាសះស្បើយជាងមុន ធ្វើឪ្យអ្នកជំងឺអាចងើបឈរបានវិញក្នុងរយៈពេល ត្រឺមតែ 6-12 ម៉ោងបន្ទាប់ពីការវះកាត់ ជួយឱ្យវិលទៅរកជីវិតធម្មតាវិញ រួមទាំងអាចធ្វើសកម្មភាពដូចជារត់ ហែលទឹក និងអាចបើកបរបានវិញក្នុងរយៈពេល 1 ខែ
សម្រាប់ការការពារហានិភ័យរបស់ការបាក់ឆ្អឹងត្រគាក មានដូចជា ការពិសារអាហារដែលជួយពង្រឹងឆ្អឹងឪ្យរឹងម៉ាំ តាំងពីអាយុនៅតិច ជាពិសេសអាហារដែលមានសារធាតុចិញ្ចឹមនៅក្នុងក្រុមវីតាមីនឌី និងកាល់ស្យូម ដើម្បីការពារជំងឺពុកឆ្អឹង ហាត់ប្រាណឱ្យបានទៀងទាត់ ជៀសវាងការជក់បារី ហើយសំខាន់បំផុតគឺចៀសវាងសកម្មភាពដែលអាចប្រឈមនឹងឧប្បត្ដិហេតុគ្រោះថ្នាក់ធ្ងន់ធ្ងរ ចំណែកសម្រាប់ផ្ទះដែលមានមនុស្សចាស់គួររក្សាសណ្តាប់ធ្នាប់ កែសម្រួលផ្លូវដើរឱ្យសមស្រប មិនរអិល និងបន្ថែមភ្លើងបំភ្លឺឱ្យគ្រប់គ្រាន់ ដើម្បីការពារមនុស្សចាស់កុំឲ្យភ្លាត់ ឬ រអិលដួល
Medically Reviewed by
Dr. Premstien Sirithanapipat
Orthopedics
Total Joint Reconstruction (Arthroplasty)
Readers’ Rating
5.0 out of 5 stars (based on 1 review)
