មនុស្សជាច្រើនប្រហែលជាបានកត់សម្គាល់ឃើញថាស្មារបស់ពួកគេមើលទៅមិនស្មើគ្នា ដែលមើលរំលងវាគ្រាន់តែជាភាពចម្លែកនៃបុគ្គលិកលក្ខណៈតូចតាចប៉ុណ្ណោះ។ ទោះជាយ៉ាងណាក៏ដោយ តាមពិតទៅ ស្មាដែលមិនស្មើគ្នាអាចជាសញ្ញាព្រមានដ៏សំខាន់នៃភាពមិនប្រក្រតីនៃរចនាសម្ព័ន្ធ ដែលស្របនឹងរោគសញ្ញានៃជំងឺវៀចឆ្អឹងខ្នង (Scoliosis)។ ការយល់ដឹងពីមូលហេតុច្បាស់លាស់នៃស្មាដែលមិនស្មើគ្នានឹងអាចឱ្យយើងដោះស្រាយ និងស្វែងរកការព្យាបាលទាន់ពេលវេលា មុនពេលវាក្លាយជាគ្រោះថ្នាក់ដល់ជីវិតរបស់យើង
ស្មាមិនស្មើគ្នា ឬស្មាផ្អៀង គឺជាស្ថានភាពមួយដែលស្មាទាំងពីរមិនស្មើគ្នាយ៉ាងច្បាស់នៅពេលឈរ ឬអង្គុយត្រង់។ ដោយអាចមានស្មាម្ខាងខ្ពស់ជាង ឬទាបជាងស្មាម្ខាងទៀត។ សញ្ញាផ្សេងទៀតអាចរួមមាន ក្បាលផ្អៀងទៅម្ខាង គម្លាតរវាងដៃនិងដងខ្លួនមិនស្មើគ្នា ឬការលេចចេញនៃស្មាម្ខាងគួរឱ្យកត់សម្គាល់។ ស្ថានភាពនេះអាចនាំឱ្យមានការឈឺចាប់រ៉ាំរ៉ៃនៅក ស្មា និងខ្នងផ្នែកខាងលើ
ស្មាមិនស្មើគ្នាអាចបណ្តាលមកពីកត្តាមួយចំនួនរួមមាន៖
ជំងឺវៀចឆ្អឹងខ្នង (Scoliosis) គឺជាស្ថានភាពមួយដែលឆ្អឹងខ្នងកោងទៅម្ខាងខុសប្រក្រតី ដែលធ្វើឪ្យរចនាសម្ព័ន្ធរាងកាយទាំងមូលគ្មានតុល្យភាព។ នេះប៉ះពាល់ដោយផ្ទាល់ដល់ការតម្រឹមនៃស្មា ត្រគាក និងចង្កេះ។ ស្ថានភាពតែងរកឃើញចំពោះក្មេងជំទង់ក្នុងអំឡុងពេលលូតលាស់យ៉ាងឆាប់រហ័ស
ការប្រើប្រាស់ផ្នែកម្ខាងនៃរាងកាយជាប្រចាំច្រើនជាងផ្នែកម្ខាងទៀត ដូចជាការស្ពាយកាបូបធ្ងន់លើស្មាដដែលៗ ការអង្គុយធ្វើការនៅមុខកុំព្យូទ័រមិនត្រឹមត្រូវ ឬការលេងកីឡាដែលប្រើដៃម្ខាងជាចម្បង អាចបណ្តាលឱ្យមានការសាច់ដុំស្មាកើតអតុល្យភាព។ ផ្នែកដែលធ្វើការហួសកម្លាំងតែងតែកើតការកន្ត្រាក់ ទាញស្មាឱ្យខ្ពស់ជាងមុន ដែលនៅទីបំផុតនាំឱ្យស្មាមិនស្មើគ្នា
ឆ្អឹងអាងត្រគាកប្រៀបដូចជាមូលដ្ឋានគ្រឹះនៃរាងកាយ។ នៅពេលដែលគ្រឹះមានការខូចទ្រង់ទ្រាយឬមិនស្មើគ្នា វាអាចប៉ះពាល់ដល់ការតម្រឹមឆ្អឹងខ្នង និងស្មា ដែលនាំឱ្យតម្រឹមស្មាមិនស្មើគ្នាតាមមក។ ឆ្អឹងអាងត្រគាកខូចទ្រង់ទ្រាយអាចបណ្តាលមកពីការប្រើប្រាស់ស្មាមិនស្មើគ្នា ឬរបួសសាច់ដុំស្មា
គ្រោះថ្នាក់ ឬរបួសដោយផ្ទាល់ទៅលើសាច់ដុំនៅស្មា ឆ្អឹងស្មា អាចបណ្តាលឱ្យមានការរលាកសាច់ដុំ និងរមួលសាច់ដុំមិនធម្មតា។ បើគ្មានការស្តារនីតិសម្បទាត្រឹមត្រូវទេ នេះអាចនាំឱ្យមានបញ្ហាស្មាមិនស្មើគ្នាជាអចិន្ត្រៃយ៍
ក្នុងដំណាក់កាលដំបូង វាគ្រាន់ជាបញ្ហាសោភ័ណភាពប៉ុណ្ណោះ ប៉ុន្តែប្រសិនបើមិនបានព្យាបាលទេ ស្មាមិនស្មើគ្នាអាចមានផលប៉ះពាល់ទៅលើរាងកាយជាងអ្វីដែលអ្នកអាចស្រមៃបាន។ ភាពមិនស្មើគ្នានៃសាច់ដុំអាចបណ្តាលឱ្យមានការឈឺចាប់រ៉ាំរ៉ៃនៅក ស្មា និងខ្នង។ ក្នុងករណីខ្លះ វាអាចក្លាយទៅជាធ្ងន់ធ្ងររហូតដល់មានការសង្កត់សរសៃប្រសាទ បណ្តាលឱ្យស្ពឹក ឬខ្សោយនៅដៃ។ លើសពីនេះ ភាពមិនស្មើគ្នាបង្កើនហានិភ័យនៃការរងរបួសពីចលនាមិនប្រក្រតី និងអាចប៉ះពាល់ដល់ទំនុកចិត្តលើខ្លួនឯង និងសុខុមាលភាពផ្លូវចិត្ត
ដោយសារស្មាមិនស្មើគ្នាគឺជាសញ្ញាសំខាន់នៃជំងឺវៀចឆ្អឹងខ្នង (Scoliosis) ការសង្កេតមើលរោគសញ្ញាផ្សេងទៀតដែលអាចបង្ហាញពីស្ថានភាពនេះគឺជារឿងសំខាន់
ការព្យាបាលផ្តោតលើការដោះស្រាយមូលហេតុមូលដ្ឋាន ដែលជាជំងឺវៀចឆ្អឹងខ្នង (Scoliosis)។ វិធីសាស្រ្តនឹងអាស្រ័យលើភាពធ្ងន់ធ្ងរនៃមុំកោង និងអាយុរបស់អ្នកជំងឺ
ក្នុងករណីមានជំងឺវៀចឆ្អឹងខ្នង (Scoliosis) កម្រិតស្រាល ជាពិសេសចំពោះមនុស្សពេញវ័យដែលការលូតលាស់ឆ្អឹងរបស់ពួកគេត្រូវបានបញ្ឈប់ហើយ គ្រូពេទ្យអាចណែនាំការតាមដានជាប្រចាំ ការព្យាបាលដោយចលនាដើម្បីពង្រឹងសាច់ដុំស្នូល និងការកែប្រែរបៀបរស់នៅដើម្បីការពាររោគសញ្ញាកាន់តែអាក្រក់
សម្រាប់កុមារ និងក្មេងជំទង់ដែលឆ្អឹងរបស់ពួកគេមិនទាន់អភិវឌ្ឍពេញលេញ និងមានមុំកោងឆ្អឹងខ្នងធំជាង 20 ដឺក្រេ គ្រូពេទ្យអាចពិចារណាចេញវេជ្ជបញ្ជាឧបករណ៍ទ្រទ្រង់ដើម្បីជួយទ្រទ្រង់ និងបន្ថយល្បឿននៃការកោងឆ្អឹងខ្នងបន្ថែមទៀតក្នុងអំឡុងពេលលូតលាស់។ ឧបករណ៍ទ្រទ្រង់នេះគួរតែពាក់ជាប់រហូត
ក្នុងករណីមានការកោងឆ្អឹងខ្នងធ្ងន់ធ្ងរ ដែលមានមុំធំជាង 40 ដឺក្រេ ឬនៅពេលដែលការព្យាបាលផ្សេងទៀតគ្មានប្រសិទ្ធភាព គ្រូពេទ្យអាចពិចារណាធ្វើការវះកាត់ជាជម្រើសចុងក្រោយដើម្បីកែតម្រូវការកោងឆ្អឹងខ្នង និងការពារផលវិបាករយៈពេលវែង។ បច្ចុប្បន្ននេះ មន្ទីរពេទ្យអន្តរជាតិវេជថានី ប្រើប្រាស់បច្ចេកវិទ្យាទំនើបដើម្បីបង្កើនភាពត្រឹមត្រូវ និងសុវត្ថិភាពនៃនីតិវិធីវះកាត់
ស្មាមិនស្មើគ្នាគឺជាសញ្ញាព្រមាននៃជំងឺវៀចឆ្អឹងខ្នង (Scoliosis) ការសង្កេតមើលភាពមិនប្រក្រតីនៃរាងកាយ និងការទៅជួបគ្រូពេទ្យសម្រាប់ការធ្វើរោគវិនិច្ឆ័យត្រឹមត្រូវទាន់ពេលវេលាអាចជួយការពារស្ថានភាពពីការវិវត្ត និងប៉ះពាល់ដល់គុណភាពជីវិត និងសុខភាពរយៈពេលវែងរបស់អ្នក
ប្រសិនបើអ្នកមានស្មាមិនស្មើគ្នា ឬសង្ស័យថាអ្នកអាចមានជំងឺវៀចឆ្អឹងខ្នង (Scoliosis) អ្នកអាចពិគ្រោះជាមួយក្រុមគ្រូពេទ្យរបស់យើងនៅមជ្ឈមណ្ឌលឆ្អឹងខ្នង មន្ទីរពេទ្យអន្តរជាតិវេជ្ជថានី សម្រាប់ការធ្វើរោគវិនិច្ឆ័យ និងការព្យាបាលសមស្រប អាចជួយអ្នកជំងឺឱ្យមានគុណភាពជីវិតកាន់តែប្រសើរឡើង
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលឆ្អឹងខ្នង, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: 089-201-9000
