អាហារ ៥ ប្រភេទដែលបង្កឱ្យកើតជំងឺ “មហារីក – CANCER”

តើអ្នកដឹងទេថា? “ អាហារ ”  ដែលទទួលទានជាប្រចាំរាល់ថ្ងៃនេះអាចបង្កើនហានិភ័យក្នុងការកើតជំងឺមហារីក(Cancer)

តើអាហារប្រភេទណាខ្លះដែលគួរជៀសវាង ? មានដូចតទៅ ៖

• សាច់ក្រហមចម្អិនដោយកំដៅខ្ពស់: ការទទួលទានសាច់ក្រហមមិនថាជាសាច់ជ្រូក  សាច់គោ សាច់ចៀម ឬសាច់ពពែដែល ចម្អិនដោយកំដៅខ្ពស់រហូតដល់ក្រៀមប្រភេទអាំង ឬ ស្ងោរ នឹងកឲ្យកើតសារធាតុបង្កដល់មហារីក (Carcinogen) ដែលមានឈ្មោះថាHCA ( Heterocyclic Amine )
• អាហារកែច្នៃ: ផលិតផលអាហារដែលកែច្នៃពីសាច់សត្វ ដូចជាប៊េខន(bacon) ណែម ប្រហិត ណែមវៀតណាម សាច់ក្រកតែង មានសារធាតុនីត្រូរ៉ូសាម (Nitrosamines) និង ប៉ូតាស្យូមនីត្រាត(Potassium nitrate)ជាគ្រឿងផ្សំហើយសារធាតុអស់នេះជា សារធាតុបង្កមហារីក
• អាហារស្ងួត: គ្រាប់ធញ្ញជាតិ ម្ទេសស្ងួត ​ខ្ទឹមស ខ្ទឹមក្រហម ពោតស្ងួត ឬនំប៉័ង ដែលរក្សាទុកបានយូរជ្រុលក្នុងអាហារធាតុក្តៅ សើម អាចកើតផ្សិតដែលផលិតសារធាតុអេផ្លាតុកស៊ីន(Aflatoxin) ប្រសិនជាសន្សំច្រើនៗ អាចកឲ្យកើតជំងឺមហារីកថ្លើម(Liver cancer)
• អាហារឆៅ: ការទទួលទានអាហារប្រភេទ ភ្លា ញាំ ត្រីទឹកសាបឆៅ អាចមានព្រូន​ថ្លើម (Opisthorchis viverrini) ដែលជាកត្តាចម្បងនៃជំងឺមហារីកបំពង់ទឹកប្រមាត់(Bile duct cancer)

• គ្រឿងស្រវឹង : ការសេពគ្រឿងស្រវឹងជាប្រចាំនឹងបង្កើនហានិភ័យដល់ការកើតជំងឺមហារីកច្រើនប្រភេទ ដូចជាមហារីក ប្រអប់មាត់(Oral cavity cancer) មហារីកថ្លើម(Liver cancer) ​មហារីកក្រពះអាហារ(Stomach cancer)  និងមហារីកផ្សេងៗជាច្រើន

ទោះបីយ៉ាងណាក៏ដោយ នៅមានអាហារជាច្រើនដែលជាកត្តានៃជំងឺមហារីក សូមណែនាំឲ្យទទួលទានអាហារឲ្យបានច្រើនប្រភេទ និងជៀសវាងទទួលទានអាហារដែលដឹងហើយថាជាមូលហេតុនៃជំងឺមហារីកទាំងនេះដូចដែលបានណែនាំខាងលើ ​និងគួរធ្វើលំហាត់ ប្រាណ សម្រាកឲ្យបានគ្រប់គ្រាន់  ជៀសវាងភាពតានតឹង ទទួលទានអាហារដែលមានប្រយោជន៍ឲ្យគ្រប់៥ក្រុម ​ដើម្បីឲ្យសុខភាពរាង កាយនិងចិត្តរឹងមាំជានិច្ច។

Related Posts

See All

5 សញ្ញាព្រមាននៃជំងឺមហារីកក្រពេញទីរ៉ូអ៊ីត ដែលជារឿយៗចាប់ផ្តើមដោយអ្នកមិនដឹងខ្លួន

ស្វែងយល់អំពីជំងឺមហារីកក្រពេញទីរ៉ូអ៊ីត សញ្ញាព្រមានដំបូង ការពិនិត្យដោយអ៊ុលត្រាសោន CT/MRI និងវិធីព្យាបាលទំនើប ដើម្បីបង្កើនឱកាសជាសះស្បើយ

អត្ថបទសុខភាព

ពីការរកឃើញហ្សែនសំខាន់ៗ ទៅកាន់ជំហានថ្មីក្នុងការព្យាបាលជំងឺមហារីកសួតយ៉ាងជាក់លាក់

មហារីកសួតប្រភេទមិនតូច (Non-Small Cell Lung Cancer: NSCLC) គឺជាប្រភេទដែលរកឃើញច្រើនបំផុតចំពោះមហារីកសួត។ ការព្យាបាលជាទូទៅអាស្រ័យលើដំណាក់កាលនៃជំងឺ និងការការបម្លែងខ្លួននៃហ្សែន។ អ្នកជំងឺមហារីកសួត NSCLC ដែលរកឃើញនៃការបម្លែងខ្លួនប្រភេទ RET fusion អាចការព្យាបាលដោយថ្នាំគោលដៅ (Targeted Therapy) បានដែលមានប្រសិទ្ធភាពជាងការព្យាបាលដោយប្រើគីមី អាចកាត់បន្ថយទំហំដុំសាច់បានកាន់តែច្រើន និងរក្សាជំងឺនេះមិនឱ្យកើតឡើងវិញបានយូរ

អត្ថបទសុខភាព