ស្វែងរកគ្រូពេទ្យ មគ្គុទេស ធ្វើការណាត់ជួប និយាយជាមួយគ្រូពេទ្យ

អត្ថបទសុខភាព

ស្ទះបំពង់នោម គួរប្រញាប់ព្យាបាលមុនពេលការខ្សោយតម្រងនោមកើតឡើង

ដំណើរការនៃប្រព័ន្ធទឹកនោមមានសារៈសំខាន់ណាស់ ព្រោះមានតួរនាទីបណ្តេញកាកសំណល់រាវចេញពីរាងកាយ ប៉ុន្តែប្រសិនបើមានភាពមិនប្រក្រតី និងមិនអាចបត់ជើងបាន អាចបណ្តាលឱ្យខ្សោយតំរងនោមស្រួចស្រាវ។

វេជ្ជបណ្ឌិត DR. PAIBOON IEMSUPAKKUL ឯកទេសវះកាត់ប្រព័ន្ធទឹកនោម នៃមន្ទីរពេទ្យវេជ្ជថានី ពន្យល់ថា ដំណើរការនៃប្រព័ន្ធទឹកនោម គឺចាប់ផ្តើមដោយតម្រងនោម ច្រោះកាកសំណល់ចេញពីឈាម បន្ទាប់មកបញ្ចេញជាទឹកនោមហូរទៅតាមបំពង់នោមចូលទៅក្នុងប្លោកនោម។ នៅពេលដែលប្លោកនោមពេញ ខួរក្បាលនិងបញ្ជាឱ្យប្លោកនោមរិតខ្លួនបង្ករឪ្យមានសម្ពាធនិងហូរចេញពីរាងកាយតាមបង្ហួរនោម។

ទោះយ៉ាងណាក៏ដោយនៅពេលដែលផ្នែកសំខាន់ដូចជា បំពង់ទឹកនោម មានការស្ទះកើតឡើងទឹកនោមនឹងមិនអាចបង្ហូរចេញពីតម្រងនោមបាន ឬអាចហូរចូលទៅក្នុងតម្រងនោមវិញដែលបណ្តាលឱ្យឆ្លងមេរោគ ឬខ្សោយតម្រងនោមស្រួចស្រាវបាន ដោយការស្ទះនៃបំពង់នោមបណ្តាលមកពីមូលហេតុជាច្រើនដូចជា មានតាំងពីកំណើត ស្លាកស្នាមពីការវះកាត់ពីមុន ឬមហារីក ដូចជាមហារីកមាត់ស្បូន មហារីកពោះវៀនធំ និងមហារីកប្លោកនោម ទាំងនេះអាចបណ្តាលឱ្យមានសង្កត់លើបំពង់បង្ហូរនោមបាន

រោគសញ្ញានៃការស្ទះបំពង់នោម គឺអាស្រ័យទៅលើកន្លែងដែលស្ទះ ស្ទះទាំងស្រុង ឬស្ទះដោយផ្នែក ប៉ុន្តែរោគសញ្ញាទូទៅមានដូចខាងក្រោម ឈឺចាប់នៅចំហៀង ឬខ្នង ក្អួតចង្អោ ក្តៅខ្លួន និងញាក់ បរិមាណនៃទឹកនោមថយចុះ ពិបាកបត់ជើងតូច ឈាមក្នុងទឹកនោម សម្ពាធឈាមខ្ពស់ និងការឆ្លងមេរោគតាមផ្លូវទឹកនោមញឹកញាប់។

ការព្យាបាលការស្ទះបំពង់នោម អាចធ្វើដោយការបញ្ចូលបំពង់ដើម្បីបង្ហូរទឹកនោមចេញពីតម្រងនោមតាមរយៈស្បែក (Percutaneous Nephrostomy :PCN) វិធីសាស្ត្រនេះជាវិធីព្យាបាលភាវះការស្ទះស្រួចស្រាវដើម្បីពន្យារការខ្សោយតំរងនោម។ ក្នុងករណីអ្នកជំងឺមហារីក នៅពេលដែលបំពង់បង្ហូរទឹកនោមត្រូវបានបញ្ចូល អ្នកជំងឺត្រូវទទួលការព្យាបាលសម្រាប់ជំងឺដើមហេតុដែលបង្ករឪ្យមានការស្ទះ។ ពេលព្យាបាលហើយ បំពង់បង្ហូរនោមអាចយកចេញបានប្រសិនបើការស្ទះមិនត្រូវបានដោះស្រាយទេអាចចាំបាច់ត្រូវដាក់បំពង់បង្ហូរនោមរយះពេលយូរដើម្បីការពារការខ្សោយតម្រងនោមស្រួចស្រាវនិងត្រូវផ្លាស់ប្តូរខ្សែបង្ហូររៀងរាល់ 3 ខែម្តង។