ការអង្គុយរយៈពេលយូរដោយមិនធ្វើចលនាបង្កើនហានិភ័យនៃ ជំងឺលៀនឌីស
មនុស្សជាច្រើនមើលរំលងការឈឺខ្នង ឬករ៉ាំរ៉ៃ ដោយគិតថាវាគ្រាន […]
Table of Contents
ការវះកាត់ទ្រូងដោយប្រើកាមេរ៉ាពីវីដេអូ (Video-Assisted Thoracic Surgery: VATS) គឺជាបច្ចេកទេសនៃ កាវះកាត់ដោយកាមេរ៉ា បែបមុខរបួសតូច (Minimally Invasive Surgery) ដែលប្រើក្នុងការធ្វើរោគវិនិច្ឆ័យនិង និងការព្យាបាលជំងឺផ្សេងៗនៅក្នុងបរិវេនទ្រូង។ អំឡុងពេលវះកាត់ គ្រូពេទ្យបញ្ចូលបំពង់តូចមួយដែលមានកាមេរ៉ាវីដេអូ ដែលហៅថា Thoracoscope តាមរយៈស្នាមវះតូចមួយនៅក្នុងទ្រូង ដើម្បីផ្តល់នូវទិដ្ឋភាពច្បាស់លាស់នៃផ្នែកខាងក្នុងនៃប្រអប់ទ្រូង
លើសពីនេះ និងមានការវះបើកមុខរបួសខ្នាតតូចបន្ថែមដើម្បីបញ្ចូលឧបករណ៍វះកាត់ ដោយរូបភាពដែលទទួលបានពីកាមេរ៉ាត្រូវបានបញ្ជូនទៅម៉ូនីទ័រ ដើម្បីជួយនាំផ្លូវគ្រូពេទ្យវះកាត់ពេញមួយនីតិវិធី។ ដំណើរការនេះត្រូវបានគេស្គាល់ផងដែរថាជា Video-Assisted Thoracoscopy
រចនាសម្ព័ន្ធទ្រូង
“ប្រអប់ទ្រូង (Thoracic)” សំដៅលើ តំបន់បរិវេនរវាងកនិងពោះ ដែលប្រកបដោយរចនាសម្ព័ន្ធសំខាន់ៗជាច្រើន រួមមាន៖
- ឆ្អឹងទ្រូង ឆ្អឹងខ្នងផ្នែកទ្រូង និងឆ្អឹងជំនីរ
- ក្រពេញទីមូស ដែលជាផ្នែកមួយនៃប្រព័ន្ធភាពស៊ាំ
- បំពង់អាហារ
- សួត
- សន្ទះទ្រូង
- ស្រោមបេះដូង (Pericardium) និងបេះដូង
ប្រភេទនៃ ការវះកាត់ដោយកាមេរ៉ា VATS (Types of VATS)
គ្រូពេទ្យវះកាត់ទ្រូងអាចប្រើការវះកាត់ដោយកាមេរ៉ាដោយបច្ចេទេស VATS សម្រាប់នីតិវិធីវះកាត់ជាច្រើនប្រភេទ ដូចជា៖
- Esophagectomy: ការវះកាត់យកបំពង់អាហារចេញ
- Lung Volume Reduction Surgery (LVRS) ការកាត់យកជាលិកាសួតដែលខូចចេញដើម្បីកាត់បន្ថយបរិមាណសួត
- Pericardiectomy: ការវះកាត់យកផ្នែកខ្លះ ឬទាំងអស់នៃស្រទាប់បេះដូងចេញ
- Thymectomy: ការវះកាត់យកក្រពេញទីមុសដែលមិនធម្មតាចេញ
- VATS Lobectomy: ការវះកាត់យកស្រទាប់សួតដែលមានមហារីកចេញដោយប្រើបច្ចេកទេស VATS
ទោះជាយ៉ាងណាក៏ដោយ VATS ត្រូវបានគេប្រើច្រើនបំផុតសម្រាប់ការធ្វើរោគវិនិច្ឆ័យ និងការព្យាបាលជំងឺមហារីកសួត ឬជំងឺមហារីកដែលបានរាលដាលដល់សួតពីសរីរាង្គផ្សេងទៀត
ក្រៅពីនេះ វាក៏ត្រូវបានគេប្រើដើម្បីធ្វើរោគវិនិច្ឆ័យ និងព្យាបាលជំងឺនៃប្រអប់ទ្រូងផ្សេងទៀត រួមមាន៖
- មហារីកបំពង់អាហារ
- មហារីកបេះដូង
- រលាកស្រោមបេះដូង (Pericarditis)
- ការឆ្លងមេរោគសួតដូចជាជំងឺរបេង និងជំងឺសួតរ៉ាំរ៉ៃដូចជាជំងឺស្ទះសួតរ៉ាំរ៉ៃ (COPD)
- ទឹកដក់ក្នុងសួត និង មហារីស្រោមសួត (Mesothelioma)
- ដុំសាច់ទីមូស (Thymoma) និង មហារីកទីមូស
- ក្លនលូនចូលសន្ទះសួត (Hiatal Hernia)
- ជំងឺបែកញើសច្រើនខុសប្រក្រតី (Hyperhidrosis)
- ជំងឺខ្សោយសាច់ដុំ (Myasthenia Gravis)
- ដុំសាច់ ឬអាប់សនៅក្នុងឆ្អឹងខ្នង
ហានិភ័យនៃការវះកាត់ដែលអាចកើតមាន៖
ការវះកាត់ដោយកាមេរ៉ា បច្ចេកទេស VATS អាចមានផលវិបាកដូចជា៖
- ការឆ្លងមេរោគ
- ចង្វាក់បេះដូងលោទខុសប្រក្រតី (arrhythmias)
- ស្នាមជាំ
- កំណកឈាម ឬជំងឺដាច់សរសៃឈាមខួរក្បាល
- របួសសរសៃឈាម សរសៃប្រសាទ ក្រពេញ ឬសរីរាង្គក្បែរៗ
- ជំងឺសួតសំប៉ែត (Pneumothorax) ឬ ថង់សួតពង្រីកមិនបានល្អ (Atelectasis)
- បញ្ហាផ្លូវដង្ហើមដូចជាជំងឺរលាកសួត
- Hypoxemia (កម្រិតអុកស៊ីសែនក្នុងឈាមទាប)
- ការបាត់បង់ឈាម ឬការហូរឈាមខាងក្នុងរាងកាយ
ការត្រៀមមុនពេលវះកាត់
អ្នកជំងឺគួរតែអនុវត្តតាមការណែនាំរបស់គ្រូពេទ្យវះកាត់យ៉ាងតឹងរ៉ឹង។ មុនពេលវះកាត់ ចាំបាច់ត្រូវតមអាហារ និងទឹកក្នុងរយៈពេលដែលកំណត់ រួមទាំងត្រូវបញ្ឃប់ការប្រើថ្នាំមួយចំនួន ដូចជាឪសថរុក្ខជាតិ ឬវីតាមីន ហើយគួរតែត្រូវបញ្ឈប់ការជក់បារីផងដែរ
ការពិនិត្យដែលអាចចាំបាច់ត្រូវធ្វើមុនពេលវះកាត់ រួមមាន៖
- ការធ្វើតេស្តឈាម ដូចជា ការរាប់ចំនួនគ្រាប់ឈាមពេញលេញ (CBC)
- ការធ្វើតេស្តបេះដូង ដូចជា អេឡិចត្រូកាឌីយ៉ូក្រាម (EKG) ឬការធ្វើតេស្តសម្ថតភាពបេះដូង
- ការថតរូបភាព ដូចជា កាំរស្មីអ៊ិចទ្រូង ការស្កេន CT Scan ឬការស្កេន PET Scan
- ការធ្វើតេស្តសម្ថតភាពសួត
- ការឆ្លុះប្រព័ន្ធរំលាយអាហារផ្នែកខាងលើ ឬការថតកាំរស្មីអ៊ិចលេបបារីយ៉ូម
អំឡុងពេលវះកាត់
ការវះកាត់ដោយកាមេរ៉ា ដោយបច្ចេកទេស (VATS) ត្រូវបានអនុវត្តនៅក្នុងមន្ទីរពេទ្យ ឬមណ្ឌលសុខភាពក្រោមការប្រើថ្នាំសណ្ដំទូទៅ។ ដោយអ្នកជំងឺនឹងត្រូវគេងផ្អៀងទៅខាងដែលមិនបានធ្វើការវះកាត់។ នីតិវិធីធម្មតារួមមាន៖
- វះបើកមុខរបួសតូចៗ នៅក្នុងតំបន់ទ្រូង ដែលមានទំហំប្រហែល 0.6–1.2 សង់ទីម៉ែត្រ ច្រើនកន្លែង ឬក្នុងករណីខ្លះប្រើមុខរបួសតែមួយ (Uniport VATS)
- ឆ្លុះកាមេរ៉ា Thoracoscope ដើម្បីបង្ហាញរូបភាពផ្នែកខាងក្នុងនៃប្រហោងទ្រូងនៅលើម៉ូនីទ័រ
- ឧបករណ៍វះកាត់ត្រូវបានបញ្ចូលតាមរយៈស្នាមវះផ្សេងទៀត
- ប្រើរូបភាពពីកាមេរ៉ានាំផ្លូវការវះដកយកសរីរាង្គ ឬជាលិកាមិនប្រក្រតីចេញ
- ស្នាមវះត្រូវបានបិទជាមួយនឹងម្ជុលដេរ ឬថ្នេរដែលអាចដោះចេញបាន
ក្រោយការវះកាត់
ប្រសិនបើជាការធ្វើកោសល្យវិច័យ វេជ្ជបណ្ឌិតនឹងផ្ញើសំណាកជាលិកាទៅកាន់មន្ទីរពិសោធន៍សម្រាប់ធ្វើតេស្តដើម្បីពិនិត្យមើលការឆ្លងមេរោគ ភាពមិនប្រក្រតី ឬជំងឺមហារីក។ លទ្ធផលអាចបង្ហាញពីតម្រូវការសម្រាប់ការព្យាបាលបន្ថែមទៀត
លទ្ធផល និងការជាសះស្បើយ
អ្នកជំងឺភាគច្រើននឹងត្រូវស្នាក់នៅក្នុងមន្ទីរពេទ្យប្រហែល 2-3 យប់បន្ទាប់ពីការវះកាត់។ ការអនុវត្តតាមការណែនាំយ៉ាងតឹងរ៉ឹងនឹងជួយពន្លឿនការជាសះស្បើយ និងកាត់បន្ថយហានិភ័យនៃផលវិបាក។ ការថែទាំដោយខ្លួនឯងនៅផ្ទះ ឬបន្ទាប់ពីចេញពីមន្ទីរពេទ្យក៏មានសារៈសំខាន់សម្រាប់ការជាសះស្បើយរបស់អ្នកជំងឺផងដែរ ហើយរួមមាន៖
- ផ្លាស់ប្តូរបង់រុំជាប្រចាំ
- ជៀសវាងការបើកបរ និងសកម្មភាពផ្សេងៗទៀតដែលគ្រូពេទ្យរបស់អ្នកចាត់ទុកថាសមរម្យសម្រាប់រយៈពេលដែលបានកំណត់
- សម្រាកឱ្យបានគ្រប់គ្រាន់ និងជៀសវាងការលើកវត្ថុធ្ងន់ៗ
- លេបថ្នាំអង់ទីប៊ីយោទិក ថ្នាំបំបាត់ការឈឺចាប់ ឬថ្នាំដទៃទៀតតាមការណែនាំរបស់គ្រូពេទ្យរបស់អ្នក
លទ្ធផលនៃការព្យាបាលនឹងអាស្រ័យលើប្រភេទជំងឺ និងសុខភាពទូទៅរបស់អ្នកជំងឺ។ គ្រូពេទ្យវះកាត់ទ្រូងនឹងផ្តល់ការណែនាំ និងរៀបចំផែនការព្យាបាលដែលសមស្របបំផុតសម្រាប់បុគ្គលម្នាក់ៗ ដោយមានគោលបំណងស្វែងរកលទ្ធផល និងការជាសះស្បើយដ៏ល្អបំផុត
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលបេះដូង, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Learn about Vejthani International Hospital
service@vejthani.com
Readers’ Rating
0.0 out of 5 stars (based on 0 reviews)
