តឹងច្រមុះ ពិបាកដកដង្ហើម អាចមិនមែនជាអាឡែស៊ីទេ វាអាចជាសញ្ញានៃ “ជំងឺដុះសាច់ក្នុងច្រមុះ”
មនុស្សជាច្រើនអាចចាត់ទុក “ជំងឺដុះសាច់ក្នុងច្រមុះ” ថាជាដុ […]
Table of Contents
ជង្គង់របស់មនុស្សគឺជារបស់អច្ឆរិយៈនៃវិស្វកម្ម ជាសន្លាក់ដែលមានភាពស្មុគស្មាញមួយដែលអនុញ្ញាតឱ្យដើរ រត់ លោត និងការផ្លាស់ទីផ្សេងៗ។ ខណៈពេលដែលយើងតែងតែគិតអំពីឆ្អឹង និងសាច់ដុំ ប៉ុន្ដែមានសមាសធាតុសំខាន់ៗផ្សេងទៀតដែលធ្វើឱ្យសន្លាក់នេះដំណើរការបានយ៉ាងរលូន។ ក្នុងចំណោមសមាសធាតុសំខាន់បំផុតគឺ សរសៃចងជង្គង់ របស់អ្នក ដែលចាំបាច់សម្រាប់ស្ថេរភាព និងមុខងារត្រឹមត្រូវ
តើសរសៃចងជង្គង់ ជាអ្វី?
សូមគិតអំពី សរសៃចងជង្គង់ របស់អ្នកថាជាខ្សែពួររឹងមាំ និងអាចបត់បែនបាន ដែលធ្វើពីជាលិកាភ្ជាប់។ ពួកវាដើរតួជាតួរភ្ជាប់តាមធម្មជាតិ ដោយភ្ជាប់ពីឆ្អឹងភ្លៅ (Femur) ទៅនឹងឆ្អឹងស្មងជើង (Tibia និង Fibula)។ ការងារចម្បងរបស់ពួកគេគឺរក្សាឆ្អឹងរបស់អ្នកឱ្យនៅទីតាំងត្រឹមត្រូវ និងការពារជង្គង់របស់អ្នកពីការធ្វើចលនាក្នុងទិសដៅមិនធម្មជាតិ ឬមិនមានសុវត្ថិភាព។ បើគ្មានពួកវាទេ សន្លាក់ជង្គង់របស់អ្នកនឹងមិនស្ថិតស្ថេរខ្លាំង ដែលធ្វើឱ្យចលនាសាមញ្ញៗមិនអាចធ្វើទៅរួច
តើជង្គង់មានសរសៃចងប៉ុន្មាន?
នៅក្នុងជង្គង់មានសរសៃចងសំខាន់ៗចំនួនបួន ដែលបែងចែកជាពីរក្រុម។ ក្រុមទីមួយគឺសរសៃចង collateral ដែលមានទីតាំងនៅផ្នែកខាងជង្គង់របស់អ្នក សរសៃចង medial collateral ligament (MCL) ស្ថិតនៅផ្នែកខាងក្នុងនៃជង្គង់របស់អ្នក និងសរសៃចង lateral collateral ligament (LCL) ស្ថិតនៅខាងក្រៅនៃជង្គង់របស់អ្នក។ ពួកវាធ្វើការរួមគ្នាដើម្បីការពារជង្គង់របស់អ្នកពីការរំកិលពីចំហៀងមួយទៅចំហៀងមួយទៀតច្រើនពេក។ ក្រុមទីពីរគឺសរសៃចង cruciate ligament ដែលមានទីតាំងស្ថិតនៅជ្រៅនៅក្នុងសន្លាក់ជង្គង់ ដែលឆ្លងកាត់គ្នាទៅវិញទៅមកជារាងអក្សរ “X”។ សរសៃចង anterior cruciate ligament (ACL) ស្ថិតនៅខាងមុខ ហើយជាសរសៃចងដែលរងរបួសញឹកញាប់បំផុត ខណៈពេលដែលសរសៃចង posterior cruciate ligament (PCL) ស្ថិតនៅខាងក្រោយ។ សរសៃចងទាំងពីរនេះគ្រប់គ្រងចលនាទៅមុខ និងថយក្រោយរបស់ជង្គង់
តើសរសៃចងជង្គង់ដើរតួនាទីអ្វីខ្លះ?
តួនាទីរបស់សរសៃចងជង្គង់មិនមែនគ្រាន់តែជាការភ្ជាប់ឆ្អឹងជង្គង់ឪ្យជាប់គ្នាតែប៉ុណ្ណោះទេ។ ប៉ុន្តែពួកវាមានសារៈសំខាន់សម្រាប់ចលនាជង្គង់ស្ទើរតែគ្រប់ប្រភេទ នៅពេលអ្នកដើរ រត់ ឬលោត ពួកវាធ្វើឱ្យជង្គង់របស់អ្នកមានស្ថេរភាពនៅពេលដែលជើងរបស់អ្នកប៉ះនឹងដី ដោយការពារមិនឪ្យជង្គង់រមួល ឬស្រុឌចុះក្រោម សរសៃចងដើរតួជាឧបករណ៍ទ្រជង្គង់របស់អ្នក ដោយធានាថាជើងរបស់អ្នកធ្វើចលនាក្នុងលក្ខណៈដែលអាចគ្រប់គ្រង និងមានស្ថេរភាព។ នេះជាមូលហេតុដែលសរសៃចងដែលមានសុខភាពល្អមានសារៈសំខាន់ខ្លាំងណាស់សម្រាប់អ្វីៗគ្រប់យ៉ាងចាប់ពីសកម្មភាពប្រចាំថ្ងៃរហូតដល់កីឡាដែលមានផលប៉ះពាល់ខ្ពស់
តើអាចធ្វើឱ្យខូចសរសៃចងជង្គង់បានទេ?
ទោះបីជាសរសៃចងជង្គង់មានភាពរឹងមាំក៏ដោយ ក៏ងាយនឹងរងការខូចខាត។ របួសជារឿយៗត្រូវបានគេហៅថា សរសៃចងរមួល ដែលមានន័យថាសរសៃចងត្រូវបានយឺតចេញ ឬការរហែក ដែលអាចជាការដាច់រហែកផ្នែកមួយចំនួន ឬទាំងស្រុង។ របួសជង្គង់ពីកីឡាគឺជារឿងធម្មតា ដែលជារឿយៗបណ្តាលមកពីការរមួលភ្លាមៗ ការប៉ះទង្គិចដោយផ្ទាល់ទៅលើជង្គង់ ឬការលាតសន្លាក់ជង្គង់ហួសប្រមាណ។ អត្តពលិកក្នុងកីឡាដូចជាបាល់បោះ បាល់ទាត់ ឬជិះស្គីមានហានិភ័យខ្ពស់ដោយសារតែការឈប់ភ្លាមៗ ការចាប់ផ្តើម និងការផ្លាស់ប្តូរទិសដៅ
តើការព្យាបាលអ្វីខ្លះដែលត្រូវបានប្រើជាទូទៅសម្រាប់របួសជង្គង់?
ការព្យាបាលសម្រាប់របួសសរសៃចងជង្គង់អាស្រ័យលើភាពធ្ងន់ធ្ងរ
- ចំពោះរោគសញ្ញារមួលសរសៃពួរកម្រិតស្រាល គ្រូពេទ្យតែងតែណែនាំវិធីសាស្ត្រដែលមិនចាំបាច់វះកាត់ ដូចជាវិធីសាស្ត្រ R.I.C.E (សម្រាក ស្អំទឹកកក សង្កត់ និងលើកកម្ពស់) ថ្នាំបំបាត់ការឈឺចាប់ និងការព្យាបាលដោយចលនា ដើម្បីពង្រឹងសាច់ដុំជុំវិញ
- ចំពោះការដាច់រហែកធ្ងន់ធ្ងរជាងនេះ ជាពិសេសចំពោះសរសៃពួរ ACL ការវះកាត់អាចចាំបាច់។ នីតិវិធីវះកាត់ដែលមានការឈ្លានពានតិចតួចបំផុត ដែលហៅថា ការឆ្លុះសន្លាក់ជង្គង់ អនុញ្ញាតឱ្យគ្រូពេទ្យវះកាត់ជួសជុល ឬកសាងសរសៃពួរដែលខូចឡើងវិញបាន ដែលជួយអ្នកជំងឺឱ្យមានស្ថេរភាព និងប្រើការបានតាមធម្មតា ក្រោយពីការវះកាត់ ការព្យាបាលដោយចលនាគឺមានសារៈសំខាន់សម្រាប់ការជាសះស្បើយពេញលេញ
តើខ្ញុំអាចធ្វើជំហានអ្វីខ្លះដើម្បីជៀសវាងរបួសសរសៃចងជង្គង់?
ទោះបីជាអ្នកមិនអាចការពាររបួសទាំងអស់បាន ប៉ុន្ដែអ្នកអាចចាត់វិធានការដើម្បីការពារជង្គង់របស់អ្នក
- គួរតែកម្តៅសាច់ដុំមុនពេលធ្វើសកម្មភាពរាងកាយណាមួយគ្រប់ពេល នឹងកុំភ្លេចទាញសាច់ដុំបន្ទាប់ពីលំហាត់ប្រាណ
- គួរបន្ថែមលំហាត់ប្រាណដែលពង្រឹងសាច់ដុំជុំវិញជង្គង់របស់អ្នក ដូចជាសាច់ដុំភ្លៅផ្នែកខាងមុខ និងផ្នែកខាងក្រោយ ដើម្បីបង្កើនការទ្រទម្ងន់
- គួរតែពាក់ស្បែកជើងដែលសមល្អ និងសមស្របសម្រាប់សកម្មភាពរបស់អ្នក
- ការផ្លាស់ប្តូរទម្លាប់ហាត់ប្រាណរបស់អ្នកក៏អាចជួយកាត់បន្ថយភាពតានតឹងដដែលៗលើជង្គង់របស់អ្នកផងដែរ
ដំណោះស្រាយថែទាំសុខភាពកម្រិតខ្ពស់នៅមន្ទីរពេទ្យវេជ្ជថានី
នៅពេលដែលមានរបួសជង្គង់កើតឡើង ការទទួលបានការថែទាំពីអ្នកជំនាញគឺមានសារៈសំខាន់សម្រាប់ការជាសះស្បើយដោយជោគជ័យ។ មជ្ឈមណ្ឌលវះកាត់ឆ្អឹងនៅមន្ទីរពេទ្យឈានមុខគេ ដូចជាមន្ទីរពេទ្យអន្តរជាតិវេជ្ជថានី ផ្តល់ជូននូវឧបករណ៍វិនិច្ឆ័យទំនើបៗ និងជម្រើសព្យាបាលជាច្រើនប្រភេទ ចាប់ពីការព្យាបាលបែបអភិរក្សរហូតដល់នីតិវិធីវះកាត់ស្មុគស្មាញ។ ក្រុមអ្នកឯកទេសវះកាត់ឆ្អឹងរបស់យើងខិតខំផ្តល់ការថែទាំផ្ទាល់ខ្លួនដើម្បីជួយអ្នកឱ្យត្រលប់មកដើរបាន និងត្រឡប់ទៅរកជីវិតសកម្មរបសអ្នកបានឡើងវិញម្ដងទៀត
ប្រសិនបើអ្នកកំពុងជួបប្រទះនឹងការឈឺចាប់ជង្គង់ ឬមានរបួស សូមណាត់ពិគ្រោះយោបល់ជាមួយអ្នកឯកទេសនៅមន្ទីរពេទ្យអន្តរជាតិវេជ្ជថានី ដើម្បីស្វែងយល់បន្ថែមអំពីជម្រើសព្យាបាលរបស់អ្នក និងចាប់ផ្តើមដំណើរដើម្បីឆ្ពោះទៅរកការជាសះស្បើយ
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលឆ្អឹងនិងសន្លាក់, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: 089-201-9000
Readers’ Rating
0.0 out of 5 stars (based on 0 reviews)
