ការនោមមិនប្រក្រតី កុំគិតថាជាបញ្ហាតូចតាច វាអាចជាសញ្ញានៃ ជំងឺមហារីកក្រពេញប្រូស្តាត
ដោយផ្អែកលើបទពិសោធន៍ក្នុងការថែទាំ និងធ្វើការវះកាត់លើ ជំង […]
Table of Contents
ជំងឺបូសអន្ទង់ (Anal Fistula) គឺជាជំងឺដែលបណ្តាលមកពីការឆ្លងមេរោគនៅក្នុងតំបន់ទ្វារបាតដែលមិនអាចជាសះស្បើយដោយខ្លួនឯងបានបើគ្មានការព្យាបាលត្រឹមត្រូវ។ មជ្ឈមណ្ឌលវះកាត់ពោះវៀនធំ និងទ្វារបាតនៅមន្ទីរពេទ្យអន្តរជាតិវេជ្ជថានីណែនាំការព្យាបាលដើម្បីការពារផលវិបាកធ្ងន់ធ្ងរ។ បច្ចុប្បន្ននេះមានការប្រើបច្ចេកវិទ្យា FiLaC ដែលជាឡាស៊ែរដែលត្រូវបានរចនាឡើងជាពិសេសសម្រាប់ការព្យាបាលជំងឺបូសអន្ទង់
តើជំងឺបូសអន្ទង់គឺជាអ្វី?
ជំងឺបូសអន្ទង់ គឺជាការឆ្លងមេរោគនៃទ្វារបាតរ៉ាំរ៉ៃ ដែលបណ្តាលមកពីការស្ទះ និងរលាកនៃក្រពេញផលិតទឹករងៃ (ANAL Gland) បរិវេនទ្វារបាតដោយសារតែបាក់តេរី និងលាមក រហូតក្លាយទៅជាបូសផ្នែកខាងក្នុង។ ប្រសិនបើទុកចោលយូរ រហូតបូសបែក រហូតមានខ្ទុះហូរចូលទៅក្នុងស្បែកជុំវិញទ្វារបាត វានិងបង្កើតជាការតភ្ជាប់រវាងទ្វារបាត និងស្បែក ដែលត្រូវបានគេស្គាល់ថាជាជំងឺបូសអន្ទង់
រោគសញ្ញានៃជំងឺបូសអន្ទង់
រោគសញ្ញាដែលរកឃើញញឹកញាប់
- ឈឺចាប់នៅបរិវេនទ្វារបាត ជាពិសេសពេលអង្គុយ ឬបន្ទោរបង់
- ហូរឈាម ឬខ្ទុះបរិវេនទ្វារបាត
- រមាស់ ហើម ឡើងក្រហម ឬមានដុំពកលើគូទ
- មានក្លិនមិនល្អ
- មនុស្សមួយចំនួនអាចមានគ្រុនក្តៅ
សញ្ញាព្រមានដែលគួរទៅជួបគ្រូពេទ្យ
- មានរបួសរ៉ាំរ៉ៃ ដែលមិនជាសះស្បើយ
- ឈឺចាប់ម្តងហើយម្តងទៀត
- ហូរខ្ទុះជាបន្តបន្ទាប់
ប្រសិនបើអ្នកជួបប្រទះរោគសញ្ញាទាំងនេះ អ្នកអាចណាត់ជួបជាមួយគ្រូពេទ្យនៅមន្ទីរពេទ្យអន្តរជាតិវេជ្ជថានី
មូលហេតុ និងកត្តាហានិភ័យ
- ការឆ្លងមេរោគនៃក្រពេញទ្វារបាត
- ធ្លាប់មានបូសខ្ទុះបរិវេនទ្វារបាត
- ជំងឺរលាកពោះវៀនរ៉ាំរ៉ៃ (Crohn’s disease)
- ជំងឺទឹកនោមផ្អែម
- ប្រព័ន្ធភាពស៊ាំទាប
តើជំងឺបូសអន្ទង់ជាសះស្បើយក្នុងរយៈពេលប៉ុន្មានថ្ងៃ?
រយៈពេលព្យាបាលសម្រាប់ជំងឺបូសអន្ទង់មិនអាចកំណត់បានច្បាស់លាស់ទេ ព្រោះវាអាស្រ័យលើកត្តាជាច្រើនដូចជាភាពស្មុគស្មាញនៃផ្លូវខ្ទុះ វិធីសាស្ត្រព្យាបាលដែលបានជ្រើសរើស ស្ថានភាពរាងកាយរបស់អ្នកជំងឺ និងការថែទាំរបួសក្រោយការព្យាបាល។ ជាទូទៅ គោលដៅចម្បងនៃការព្យាបាលជំងឺបូសអន្ទង់ គឺដើម្បីលុបបំបាត់ផ្លូវឆ្លងមេរោគទាំងស្រុង ព្រមទាំងកាត់បន្ថយហានិភ័យនៃការកើតឡើងវិញ និងរក្សាមុខងាររបស់សាច់ដុំទ្វារបាតឱ្យបានច្រើនតាមដែលអាចធ្វើទៅបាន
បច្ចុប្បន្ននេះ មានការព្យាបាលដោយប្រើបច្ចេកវិទ្យា FiLaC ដែលជាបច្ចេកវិទ្យាឡាស៊ែរ ធ្វើឪ្យអ្នកជំងឺជាសះស្បើយលឿនជាងមុន
ការព្យាបាលដោយបច្ចេកវិទ្យា FiLaC
FiLaC (Fistula Laser Closure) គឺជាបច្ចេកទេសព្យាបាលមួយដែលប្រើឡាស៊ែរថាមពលខ្ពស់ដើម្បីបិទរន្ធខ្ទុះពីផ្នែកខាងក្នុង
របៀបដែលបច្ចេកវិទ្យា FiLaC ដំណើរការ
FiLaC (Fistula Laser Closure) គឺជាបច្ចេកទេសព្យាបាលមួយដែលប្រើឡាស៊ែរថាមពលខ្ពស់ដើម្បីបិទរន្ធខ្ទុះពីផ្នែកខាងក្នុង ដោយក្បាលឡាស៊ែរដែលផលិតពីសរសៃដែលអាចបត់បែនបាន ធ្វើឱ្យមានការចូលទៅកាន់បំពង់ខ្ទុះខាងក្នុងបានយ៉ាងច្បាស់លាស់
គុណសម្បត្តិនៃបច្ចេកវិទ្យា FiLaC
- ព្យាបាលជំងឺបូសអន្ទង់បានយ៉ាងត្រង់ចំនុច
- មិនចាំបាច់កាត់សាច់ដុំ sphincter ទេ
- កាត់បន្ថយការខូចខាតដល់ជាលិកាជុំវិញ
- ទំហំស្នាមវះតូច
- កាត់បន្ថយការឈឺចាប់ក្រោយការវះកាត់
- កាត់បន្ថយហានិភ័យនៃបញ្ហាមិនអាចទប់លាមកបាន
- កាត់បន្ថយផលវិបាកក្រោយការព្យាបាល
- ការជាសះស្បើយ និងការវិលត្រឡប់ទៅជីវិតប្រចាំថ្ងៃវិញបានលឿនជាងមុនចំពោះអ្នកជំងឺមួយចំនួន
តើអ្នកណាខ្លះដែលសាកសមសម្រាប់ការព្យាបាល FiLaC?
- ជំងឺបូសអន្ទង់ប្រភេទស្មុគស្មាញ
- ត្រូវការកាត់បន្ថយផលប៉ះពាល់លើសាច់ដុំ sphincter
- អ្នកជំងឺដែលមានប្រវត្តិនៃការកើតឡើងវិញបន្ទាប់ពីការវះកាត់ពីមុន
របៀបថែរក្សាខ្លួនឯងបន្ទាប់ពីការព្យាបាល
- ត្រាំក្នុងទឹកក្តៅឧណ្ហៗ
- រក្សាអនាម័យ
- ញ៉ាំអាហារសម្បូរជាតិសរសៃ
- ជៀសវាងការប្រឹងបន្ទោរបង’
តើពេលណាគួរទៅជួបគ្រូពេទ្យ?
ប្រសិនបើអ្នកជួបប្រទះការឈឺចាប់ ហើម មានខ្ទុះ ឬមានដំបៅរ៉ាំរ៉ៃនៅតំបន់ទ្វារបាត អ្នកគួរតែស្វែងរកការត្រួតពិនិត្យដើម្បីធ្វើរោគវិនិច្ឆ័យ និងការព្យាបាលឪ្យបានត្រឹមត្រូវ
សំណួរដែលសួរជាញឹកញាប់អំពីជំងឺបូសអន្ទង់
តើជំងឺបូសអន្ទង់ជាអ្វី ហើយវាកើតឡើងយ៉ាងដូចម្តេច?
ជំងឺបូសអន្ទង់ (Anal Fistula) គឺជាការឆ្លងមេរោគបរិវេនទ្វារបាតធ្ងន់ធ្ងរដែលបណ្តាលមកពីការស្ទះ និងការរលាកនៃក្រពេញផលិតទឹករងៃ (ANAL Gland) ដោយសារបាក់តេរី ឬលាមក រហូតក្លាយទៅជាបូសផ្នែកខាងក្នុង ហើយនៅពេលដែលខ្ទុះបែក វានិងបង្កើតជាការតភ្ជាប់រវាងទ្វារបាត និងស្បែកជុំវិញទ្វារបាត
តើជំងឺបូសអន្ទង់អាចជាសះស្បើយដោយខ្លួនឯងបានទេ?
ជាទូទៅ ជំងឺបូសអន្ទង់មិនជាសះស្បើយដោយខ្លួនឯងទេ។ បើគ្មានការព្យាបាលត្រឹមត្រូវទេ មានឱកាសនៃការកើតឡើងវិញ ឬផលវិបាក។ ដូច្នេះ ទើបគួរតែទៅពិគ្រោះជាមួយគ្រូពេទ្យសម្រាប់ការវាយតម្លៃ និងការរៀបចំផែនការព្យាបាលដែលសមស្រប
តើការព្យាបាល FiLaC សម្រាប់ជំងឺបូសអន្ទង់ជាអ្វី?
FiLaC (Fistula Laser Closure) គឺជាបច្ចេកទេសព្យាបាលមួយដែលប្រើឡាស៊ែរថាមពលខ្ពស់ដើម្បីបិទរន្ធខ្ទុះពីផ្នែកខាងក្នុង ដោយក្បាលឡាស៊ែរដែលផលិតពីសរសៃដែលអាចបត់បែនបានដើម្បីចូលទៅក្នុងបំពង់ខ្ទុះ ជួយកាត់បន្ថយការរងរបួសទៅជាលិកាជុំវិញនិងកាត់បន្ថយការប៉ះពាល់ទៅលើសាច់ដុំ sphincter
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលវះកាត់, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: 089-201-9000
Readers’ Rating
0.0 out of 5 stars (based on 0 reviews)
