“ជំងឺទឹកដក់ក្នុងភ្នែក” គឺជាជំងឺមួយក្នុងចំណោមជំងឺភ្នែកទូទៅបំផុត និងជាមូលហេតុចម្បងនៃការបាត់បង់ការមើលឃើញជាអចិន្ត្រៃយ៍។ បច្ចុប្បន្ននេះ មានវិធីសាស្រ្តផ្សេងៗគ្នាជាច្រើនក្នុងការព្យាបាលជំងឺទឹកដក់ក្នុងភ្នែក ប៉ុន្ដែសម្រាប់អ្នកជំងឺដែលព្យាបាលដោយថ្នាំឬឡាស៊ែរមិនអាចគ្រប់គ្រងសម្ពាធភ្នែកឪ្យត្រលប់មកប្រក្រតីវិញបាន ការវះកាត់គឺជាជម្រើសដ៏សំខាន់មួយដើម្បីការពារការបាត់បង់ការមើលឃើញបន្ថែមទៀត
ជំងឺទឹកដក់ក្នុងភ្នែក (Glaucoma) គឺជាមូលហេតុចម្បងនៃភាពពិការភ្នែកទូទាំងពិភពលោក។ វាប៉ះពាល់ដល់អ្នកជំងឺគ្រប់វ័យ និងគ្រប់ភេទ។ វាគឺជាជំងឺដែលបង្កឪ្យមានការខូចខាតសរសៃប្រសាទអុបទិក ដែលបណ្តាលឱ្យខូចខាតប្រស្រីភ្នែកនិងបាត់បង់ការមើលឃើញជាអចិន្ត្រៃយ៍
កត្តាហានិភ័យសំខាន់សម្រាប់ជំងឺទឹកដក់ក្នុងភ្នែកគឺការកើនឡើងសម្ពាធក្នុងភ្នែក ដែលអាចកើតឡើងដោយធម្មជាតិដោយសារតែភាពទ្រុឌទ្រោមនៃភ្នែក ឬកើនឡើងដោយសារតែកត្តាខាងក្រៅដូចជា ថ្នាំ ការវះកាត់ គ្រោះថ្នាក់ ឬជំងឺរួមផ្សេងៗទៀត។ ជារឿយៗជំងឺទឹកដក់ក្នុងភ្នែកតែងមិនមានរោគសញ្ញាអ្វីឡើយក្នុងដំណាក់កាលដំបូង ប៉ុន្តែប្រសិនបើមានសញ្ញាព្រមានលេចឡើង សូមស្វែងរកការព្យាបាលភ្លាមៗ ព្រោះប្រសិនបើមិនបានព្យាបាល វាអាចវិវត្តទៅជាការបាត់បង់ការមើលឃើញបាននៅទីបំផុត
ជម្រើសនៃការព្យាបាលទឹកដក់ក្នុងភ្នែកក្នុងពេលបច្ចុប្បន្នមានច្រើនវិធី រួមមាន៖
ប៉ុន្ដែសម្រាប់អ្នកជំងឺដែលទទួលការព្យាបាលដោយថ្នាំ និងឡាស៊ែរ ហើយមិនអាចគ្រប់គ្រងសម្ពាធភ្នែកឪ្យវិលមកធម្មតាវិញបាន ការវះកាត់គឺជាជម្រើសដ៏សំខាន់មួយដើម្បីការពារការបាត់បង់ការមើលឃើញបាន
វិធីសាស្ត្រវះកាត់ទឹកដក់ក្នុងភ្នែកដែលប្រើយូរណាស់មកហើយគឺការវះកាត់សាងផ្លូវបង្ហូរទឹកដោយមុខរបួសធំ (Trabeculectomy) ទោះបីជាមានប្រសិទ្ធភាព ប៉ុន្ដែមកជាមួយនឹងហានិភ័យ ដូចជា បញ្ហាសម្ពាធភ្នែកទាបខ្លាំងពេក និងកើតស្នាមក្រោយការវះកាត់ ធ្វើឱ្យអ្នកជំងឺមួយចំនួនជួបប្រទះផលវិបាកដែលប៉ះពាល់ដល់គុណភាពនៃជីវិតរបស់ពួកគេ
ជាមួយនឹងភាពជឿនលឿននៃបច្ចេកវិទ្យាវេជ្ជសាស្ត្រ ធ្វើឪ្យមាន ការវះកាត់បែប Minimally Invasive Glaucoma Surgery (MIGS) ឬ ការវះកាត់ទឹកដក់ក្នុងភ្នែករាតត្បាតតិចតួចបំផុត ដែលជួយកាត់បន្ថយហានិភ័យ និងបង្កើនល្បឿននៃការជាសះស្បើយឡើងវិញ។ ការច្នៃប្រឌិតដែលគួរឱ្យកត់សម្គាល់មួយក្នុងចំណោមនោះគឺ PreserFlo MicroShunt ដែលជាបំពង់ដែលមានខ្នាតតូចជាងរោមភ្នែក ប្រវែង 8.5 មីលីម៉ែត្រ ផលិតពីសម្ភារៈវេជ្ជសាស្រ្ដពិសេស SIBS មានភាពធន់នឹងការសឹក និងមិនបង្កការរលាក ឬជំរុញប្រព័ន្ធការពាររាងកាយ
PreserFlo MicroShunt ត្រូវបានបញ្ចូលទៅក្នុងខាងមុខនៃភ្នែកតាមរយៈស្នាមវះតូចមួយ។ ដោយចុងនៃបំពង់ដែលមានទីតាំងនៅខាងក្នុងគ្រាប់ភ្នែកមានលក្ខណៈជាចំណោត និងកញ្ចាប់ខ្នាតតូចជួយជាប់ឧបករណ៍ឪ្យនៅមួយកន្លែង ដើម្បីជួយបង្ហូរទឹកចេញពីជាលិកាភ្នែកសផ្នែកខាងក្រោយគ្រាប់ភ្នែកបានដោយសុវត្ថិភាព។ អត្ថប្រយោជន៍សំខាន់របស់វាស្ថិតនៅក្នុងការគ្រប់គ្រងលំហូរទឹកទៅក្នុងភ្នែកបានយ៉ាងជាក់លាក់ ជួយឱ្យសម្ពាធក្នុងកែវភ្នែកថយចុះយ៉ាងតុល្យភាព មិនទាបខ្លាំងពេក ដូចការវះកាត់បែបបុរាណ
PreserFlo MicroShunt ជួយកាត់បន្ថយការពឹងផ្អែកលើថ្នាំបន្តក់ភ្នែកជាច្រើនប្រភេទក្នុងរយៈពេលវែង កាត់បន្ថយហានិភ័យនៃផលវិបាក និងអនុញ្ញាតឱ្យអ្នកជំងឺត្រឡប់ទៅជីវិតប្រចាំថ្ងៃរបស់ពួកគេបានលឿនជាងមុន។ បន្ថែមពីនេះវាក៏អាចប្រើរួមជាមួយនឹងការវះកាត់ជំងឺភ្នែកឡើងបាយចំពោះអ្នកដែលមានលក្ខខណ្ឌទាំងពីរព្រមគ្នា
បច្ចេកវិទ្យានេះគឺស័ក្តិសមសម្រាប់អ្នកជំងឺដែលមានជំងឺទឹកដក់ក្នុងភ្នែកពីដំណាក់កាលដំបូងដល់មធ្យម ជាពិសេសអ្នកដែលសម្ពាធភ្នែកមិនអាចគ្រប់គ្រងបានដោយថ្នាំ និងឡាស៊ែរ ឬអ្នកដែលមានអាលែកហ្ស៊ីថ្នាំ និងមានកំណត់ក្នុងការប្រើថ្នាំបន្តក់ភ្នែក
PreserFlo MicroShunt តំណាងឱ្យជំហានថ្មីក្នុងការព្យាបាលជំងឺទឹកដក់ក្នុងភ្នែក ដែលជួយបង្កើនសុវត្ថិភាព កាត់បន្ថយការពឹងផ្អែកលើថ្នាំ និងការពន្យារគុណភាពនៃចក្ខុវិស័យរបស់អ្នកជំងឺ។ ប្រសិនបើរកឃើញទាន់ពេលវេលា និងការព្យាបាលសមស្រប ឱកាសនៃការការពារការបាត់បង់ការមើលឃើញជាអចិន្ត្រៃយ៍និងកាន់តែប្រសើរឡើងយ៉ាងខ្លាំង
មជ្ឈមណ្ឌលភ្នែក, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
