ក្រពេញប្រូស្តាតរីកធំដែលជាជំងឺពេញនិយមក្នុងចំណោម បុរសចូលនិវត្តន៍អាចព្យាបាលបានដោយមិនចាំបាច់វះកាត់
ក្រពេញប្រូស្តាតរីកធំ (Benign Prostatic Hyperplasia – BPH) គឺជាស្ថានភាពមួយដែលក្រពេញប្រូស្តាតនៃបុរសរីកធំខុសពីធម្មតា។
ក្រពេញប្រូស្តាតរីកធំ គឺជាជំងឺដែលរកឃើញច្រើនបំផុតចំពោះបុរសដែលមានអាយុចាប់ពី 50 ឆ្នាំឡើងទៅ។ មូលហេតុចម្បងគឺបណ្ដាលការផ្លាស់ប្តូរអ័រម៉ូនបុរសទៅតាមអាយុដែលកាន់តែច្រើនទៅ ធ្វើឱ្យក្រពេញប្រូស្តាតរីកធំ និងសង្កត់លើបង្ហួរនោម រហូតនាំឱ្យមានរោគសញ្ញាបត់ជើងខុសប្រក្រតី
រោគសញ្ញាដែលត្រូវសង្កេត
- លំហូរទឹកនោមខ្សោយ ទាមទារឱ្យមានការប្រឹងនោម
- នោមញឹកញាប់ពេលថ្ងៃ ឬត្រូវក្រោកនោមនៅពេលយប់លើសពីម្តង
- ទប់ទឹកនោមមិនបាន ឬពិបាកទប់ទឹកនោម
- នោមមិនអស់ ឬបត់ជើងតូចរួចប៉ុន្ដែមានទឹកនោមស្រក់
បច្ចុប្បន្ននេះ មានបច្ចេកវិទ្យាព្យាបាលដោយមិនវះកាត់សម្រាប់ក្រពេញប្រូស្តាតរីកធំ ដែលហៅថា Rezum Water Vapor Therapy ការព្យាបាលចំណាយពេលត្រឹមតែ 10-15 នាទីប៉ុណ្ណោះ។ វេជ្ជបណ្ឌិតនិងបញ្ចូលកាមេរ៉ា និងឧបករណ៍តាមបង្ហួរនោម រួចបាញ់ចំហាយក្តៅនៅសីតុណ្ហភាពប្រហែល 106អង្សាសេ ចូលទៅក្នុងក្រពេញប្រូស្តាត 6-10ដង ម្តងរយៈពេល 9វិនាទី។ ចំហាយទឹកនិងបំផ្លាញកោសិកាដែលរារាំងផ្លូវទឹកនោម ហើយរាងកាយនឹងបញ្ចេញវាចេញដោយធម្មជាតិ ធ្វើឱ្យមានរោគសញ្ញាប្រសើរឡើងក្នុងរយៈពេល 4-6សប្តាហ៍
អត្ថប្រយោជន៍នៃការព្យាបាលដោយ Rezum water vapor therapy
- មិនចាំបាច់វះកាត់ ដូច្នេះធ្វើឪ្យមិនមានស្លាកស្នាម
- មិនចាំបាច់ប្រើថ្នាំសន្លប់
- នីតិវិធីចំណាយពេលត្រឹមតែ 10-15 នាទីប៉ុណ្ណោះ
- មិនចាំបាច់ស្នាក់នៅមន្ទីរពេទ្យ
- លទ្ធផលមានរយៈពេលរហូតដល់ 5 ឆ្នាំ
- អ្នកអាចឈប់ប្រើថ្នាំលេបអស់មួយជីវិត
- កាត់បន្ថយផលវិបាកនៃសមត្ថភាពផ្លូវភេទយ៉ាងច្បាស់លាស់ បើប្រៀបធៀបទៅនឹងការវះកាត់ស្តង់ដារ
ដូច្នេះ ការព្យាបាលជម្ងឺក្រពេញប្រូស្តាតរីកធំដោយបច្ចេកវិជ្ជាចំហាយទឹក (Rezum) គឺជាវិធីសាស្រ្តដែលត្រូវបានទទួលស្គាល់ក្នុងផ្នែកវេជ្ជសាស្រ្ដ ដែលកាត់បន្ថយហានិភ័យ និងផលប៉ះពាល់នៃការវះកាត់ធម្មតា និងធ្វើឱ្យលើកកម្ពស់គុណភាពជីវិតរបស់អ្នកជំងឺឪ្យកាន់តែប្រសើរឡើង
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលសុខភាពបុរស និងប្រព័ន្ធបង្ហូរនោម, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Medically Reviewed by
Readers’ Rating
1.0 out of 5 stars (based on 1 review)
