ការមករដូវមិនទៀងទាត់ អាចជាសញ្ញានៃទងសាច់ក្នុងស្បូន?
ចម្លើយ៖ ការមករដូវមិនទៀងទាត់មិនមែនបណ្តាលមកពីអ័រម៉ូនតែមួយមុខនោះទេ។ វាក៏អាចជាសញ្ញាព្រមាននៃ ទងសាច់ក្នុងស្បូន (Endometrial Polyp)
ការមករដូវមិនទៀងទាត់មិនមែនគ្រាន់តែជាបញ្ហាអ័រម៉ូនប៉ុណ្ណោះទេ។ ប៉ុន្តែវាអាចជាសញ្ញាព្រមាននៃទងសាច់ក្នុងស្បូន (Endometrial Polyp)។ ខណៈពេលដែលស្ថានភាពនេះមិនមែនជាដុំសាច់កាចភ្លាមៗនោះទេ ប្រសិនបើមិនបានព្យាបាលក្នុងរយៈពេលយូរ វាអាចនាំឱ្យមានផលវិបាកដូចជា ពិបាកមានកូន ឬក្នុងករណីខ្លះ បង្កើនហានិភ័យនៃការវិវត្តទៅជាដុំសាច់កាច។ ដូច្នេះ វាជាការសំខាន់ណាស់ដែលមិនត្រូវព្រងើយកន្តើយនឹងសញ្ញាមិនធម្មតាទាំងនេះ
ទងសាច់ក្នុងស្បូន (Endometrial Polyp) គឺជាអ្វី?
ទងសាច់ក្នុងស្បូន (Endometrial Polyp) គឺជាដុំសាច់ស្លូត ដែលដុះចេញពីស្រទាប់ខាងក្នុងនៃស្បូន។ ជាធម្មតាតែងមានលក្ខណៈជាទងសាច់តូចៗ ដែលលូតចូលទៅក្នុងស្បូន។ ពួកវាអាចកើតមានចំពោះស្ត្រីគ្រប់វ័យ ប៉ុន្តែច្រើនតែកើតមានក្នុងអំឡុងវ័យបន្តពូជ និងមុនពេលអស់រដូវ
រោគសញ្ញាដែលគួរសង្កេត
- ការមករដូវច្រើនខុសធម្មតា ឬមកយូរជាងធម្មតា
- ការធ្លាក់ឈាមមិនទៀងទាត់អំឡុងការមករដូវ
- ការហូរឈាមបន្ទាប់ពីរួមភេទ
- បញ្ហាពិបាកមានកូនដោយមិនមានមូលហេតុ
ហានិភ័យនិងភាពធ្ងន់ធ្ងរនៃទងសាច់
ទោះបីជាទងសាច់ក្នុងស្បូនភាគច្រើនមិនវិវត្តទៅជាមហារីកក៏ដោយ ប៉ុន្ដែប្រសិនបើអ្នកដែលប្រឈមនឹងជំងឺមហារីកស្បូនដូចជា៖
- អាយុលើសពី ៤០ឆ្នាំ
- ធាត់
- លេបថ្នាំអ័រម៉ូន estrogen
ត្រូវតែទទួលការធ្វើរោគវិនិច្ឆ័យយ៉ាងហ្មត់ចត់
មូលហេតុនៃទងសាច់ក្នុងស្បូន
មូលហេតុនៅតែមិនទាន់ដឹងច្បាស់នៅឡើយ ប៉ុន្តែមានការរកឃើញថាអ័រម៉ូន estrogen អាចជំរុញការវិវត្តនៃទងសាច់បាន។ ដូច្នេះពួកវាត្រូវបានរកឃើញជាញឹកញាប់នៅក្នុង៖
- ស្ត្រីដែលនៅក្នុងវ័យបន្តពូជ
- អ្នកដែលប្រើថ្នាំដែលមានផ្ទុកអ័រម៉ូន estrogen
- អ្នកដែលមានបញ្ហាធាត់
ការធ្វើរោគវិនិច្ឆ័យទងសាច់ក្នុងស្បូន
វេជ្ជបណ្ឌិតអាចធ្វើរោគវិនិច្ឆ័យបានដោយប្រើ៖
- អ៊ុលត្រាសោនទ្វារមាស ប្រសិនបើរកឃើញភាពមិនប្រក្រតី វេជ្ជបណ្ឌិតនឹងណែនាំការឆ្លុះអេកូក្នុងស្បូន ដែលជាវិធីសាស្ត្រវិនិច្ឆ័យដែលអនុញ្ញាតឱ្យវេជ្ជបណ្ឌិតអាចមើលឃើញដោយផ្ទាល់ នៅសរីរាងខាងក្នុងស្បូន ជួយឱ្យអាចរៀបផែនការព្យាបាលត្រឹមត្រូវ ហើយក៏អាចប្រើជាការព្យាបាលផងដែរ
ការព្យាបាលទងសាច់ក្នុងស្បូនជាមួយ Polypectomy Hysteroscopic
វិធីសាស្រ្តនៃការព្យាបាលតាមស្តង់ដារបច្ចុប្បន្នគឺ ការវះកាត់ដោយកាមេរ៉ា Hysteroscopic Polypectomy ដែលជាវិធីវះកាត់ដែលមីក្រូទស្សន៍បញ្ចូលតាមទ្វារមាស និងមាត់ស្បូនចូលទៅក្នុងស្បូន
- មិនមានរបួសនៅលើពោះ
- ក្នុងអំឡុងពេលនៃការវះកាត់ និងប្រើថ្នាំសណ្ដំ ដើម្បីឱ្យអ្នកជំងឺគេងលក់
- ប្រើឧបករណ៍តូចៗ ដើម្បីកាត់ទងសាច់ចេញយ៉ាងជាក់លាក់
- នីតិវិធីគឺលឿន ហើយអ្នកជំងឺអាចត្រឡប់ទៅផ្ទះវិញនៅថ្ងៃតែមួយ
ចំណុចសំខាន់នៃ Hysteroscopic Polypectomy
- មានភាពត្រឹមត្រូវខ្ពស់ និងអាចមើលឃើញទងសាច់បានយ៉ាងច្បាស់តាមរយៈមីក្រូទស្សន៍
- មិនចាំបាច់វះកាត់នៅលើពោះ គ្មានរបួសខាងក្រៅ ការឈឺចាប់តិចតួច
- ជាសះស្បើយលឿន សម្រាកព្យាបាលខ្លី អាចត្រឡប់ទៅផ្ទះវិញនៅថ្ងៃតែមួយ
- កាត់បន្ថយឱកាសនៃការកើតឡើងវិញម្ដងទៀត និងអាចបញ្ជូនសំណាកជាលិកាទៅពិនិត្យរកមើលកោសិកាមិនប្រក្រតីបន្ថែមទៀតបាន
តើអ្នកណាខ្លះសមរម្យសម្រាប់ការព្យាបាលទងសាច់ក្នុងស្បូនជាមួយ hysteroscopic polypectomy?
ការព្យាបាលនេះគឺសមរម្យសម្រាប់៖
- អ្នកដែលមានការហូរឈាមពីស្បូនខុសធម្មតា
- អ្នកដែលជួបប្រទះនិងបញ្ហាពិបាកមានកូន
- អ្នកដែលរកឃើញទងសាច់នៅលើអ៊ុលត្រាសោនឬ ការឆ្លុះស្បូន
- អ្នកដែលសង្ស័យថាមានជំងឺមហារីកស្បូន
ដំបូន្មានរបស់វេជ្ជបណ្ឌិត
ប្រសិនបើអ្នកចាប់ផ្តើមសម្គាល់ឃើញថាមានការរដូវមិនទៀងទាត់ ឬសង្ស័យថាមានទងសាច់ក្នុងស្បូន គួរតែទៅជួបគ្រូពេទ្យភ្លាមដើម្បីធ្វើរោគវិនិច្ឆ័យ និងព្យាបាលឱ្យបានត្រឹមត្រូវ។ ការព្យាបាលទាន់ពេលវេលាកាត់បន្ថយហានិភ័យរបស់អ្នក និងបង្កើនឱកាសនៃការជាសះស្បើយលឿនជាងមុន
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលសុខភាពស្ត្រី, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Medically Reviewed by
DR. CHUTATIP POONSATTA
Obstetrics and Gynaecology
Obstetrics Gynecology - Gynecologic Laparoscopy
Readers’ Rating
4.0 out of 5 stars (based on 1 review)
