ជំងឺមហារីកថ្លើម

ការធ្វើរោគវិនិច្ឆ័យ

ការធ្វើរោគវិនិច្ឆ័យជំងឺមហារីកថ្លើម

ទាំងនេះគឺជាការធ្វើតេស្តដែលធ្វើឡើងដើម្បីធ្វើរោគវិនិច្ឆ័យជំងឺមហារីកថ្លើម៖

• ការធ្វើតេស្តឈាម ការធ្វើតេស្តមុខងារថ្លើម ដើម្បីរកមើលភាពខុសប្រក្រតីណាមួយ
• ការធ្វើតេស្តរូបភាព អ៊ុលត្រាសោន ការស្កេន CT និងរូបភាពអនុភាពម៉ាញេទិក (MRI)
• ការធ្វើកោសល្យវិច័យ គំរូជាលិកាថ្លើមត្រូវបានយកសម្រាប់ពិនិត្យក្រោមមីក្រូទស្សន៍ ដើម្បីពិនិត្យមើលជំងឺមហារីក

ការកំណត់វិសាលភាពនៃជំងឺមហារីកថ្លើម

វេជ្ជបណ្ឌិតនឹងធ្វើការកំណត់ដំណាក់កាលនៃជំងឺមហារីកបន្ទាប់ពីការធ្វើរោគវិនិច្ឆ័យឃើញជំងឺមហារីកថ្លើម។ ជំងឺមហារីកត្រូវបានចាត់លំដាប់ថ្នាក់ដើម្បីដឹងពីទីតាំង និងទំហំនៃជំងឺមហារីក។ ការថតកាំរស្មីកុំព្យូទ័រ (CT) ការថតរូបភាពអនុភាពម៉ាញេទិក (MRI) និងការស្កេនឆ្អឹងត្រូវបានធ្វើឡើងដើម្បីកំណត់ដំណាក់កាលនៃជំងឺមហារីក
មានការកំណត់ដំណាក់កាលនៃជំងឺមហារីកថ្លើមប្រភេទផ្សេងៗគ្នាដូចជា ការប្រើលេខរ៉ូម៉ាំងដូចជាពី I ដល់ IV និងការប្រើអក្សរដូចជាពី A ដល់ D។ ការកំណត់ដំណាក់កាលនឹងកំណត់ថាតើការព្យាបាលមួយណាដែលសាកសមបំផុត និងកំណត់ការព្យាករណ៍នៃជំងឺនេះ

ការព្យាបាល

ជំងឺមហារីកថ្លើមដំណាក់កាលដំបូងត្រូវបានព្យាបាលដោយផ្អែកលើដំណាក់កាលរបស់វា អាយុរបស់អ្នកជំងឺ សុខភាពទូទៅ និងជម្រើសនៃការព្យាបាលរបស់អ្នកជំងឺ

ការវះកាត់

• ការវះកាត់ដើម្បីយកដុំសាច់ចេញ ក្នុងករណីដែលការធ្វើតេស្តមុខងារថ្លើមមានលក្ខណៈធម្មតា ហើយដុំសាច់នៅតូច ការវះកាត់ត្រូវបានធ្វើឡើងដើម្បីយកតែផ្នែកខ្លះនៃថ្លើមដែលមានមហារីក ក៏ដូចជាជាលិកាដែលមានសុខភាពល្អមួយចំនួននៅជុំវិញវាចេញតែប៉ុណ្ណោះ
• ការវះកាត់ប្តូរថ្លើម ថ្លើមដែលមានមហារីកត្រូវបានយកចេញ ហើយដាក់ថ្លើមថ្មីពីអ្នកបរិច្ចាគជំនួសវិញ ភាគច្រើនជម្រើសនេះធ្វើបានសម្រាប់អ្នកដែលមានមហារីកស្ថិតក្នុងដំណាក់កាលដំបូងតែប៉ុណ្ណោះ

ការព្យាបាលតាមមូលដ្ឋាន

ការព្យាបាលដែលផ្តោតលើតែកោសិកាមហារីក និងតំបន់ជុំវិញរបស់វាត្រូវបានគេហៅថា ការព្យាបាលក្នុងមូលដ្ឋាន។ មានជម្រើសដូចខាងក្រោម:

• ការដុតកោសិកាមហារីក (ការដុតបំផ្លាញដោយប្រេកង់វិទ្យុ) ចរន្តអគ្គិសនីត្រូវបានប្រើប្រាស់ដើម្បីដុត និងសម្លាប់កោសិកាមហារីកដោយការដុតបំផ្លាញដោយប្រេកង់វិទ្យុ
  វេជ្ជបណ្ឌិតប្រើអ៊ុលត្រាសោននាំផ្លូវត្រូវដើម្បីមើលរូបភាព ហើយម្ជុលស្តើងមួយនឹងត្រូវបានបញ្ចូលទៅក្នុងពោះដើម្បីទៅដល់ដុំសាច់នោះ។ បន្ទាប់មកម្ជុលនោះនឹងប្រើកំដៅចូលទៅដុតក្នុងដុំសាច់ដោយចរន្តអគ្គិសនីដើម្បីបំផ្លាញជំងឺមហារីក
• ការបង្កកកោសិកាមហារីក (Cryoablation)៖ វេជ្ជបណ្ឌិតប្រើឧបករណ៍ cryoprobe ដែលជាឧបករណ៍ដែលមានសារធាតុអាសូតរាវ ដោយមានជំនួយពីអ៊ុលត្រាសោននាំផ្លូវដើម្បីមើលរូបភាព ហើយដាក់សីតុណ្ហភាពត្រជាក់ខ្លាំងចូលទៅក្នុងសាច់មហារីកថ្លើមដើម្បីបំផ្លាញវា
• ការចាក់សារធាតុអាល់កុលចូលទៅក្នុងដុំសាច់ សារធាតុអាល់កុលបរិសុទ្ធត្រូវបានចាក់ចូលទៅក្នុងដុំសាច់ដើម្បីទៅសម្លាប់កោសិកាមហារីកដោយការចាក់វាតាមរយៈស្បែក ឬចាក់ដោយផ្ទាល់ទៅក្នុងថ្លើមអំឡុងពេលវះកាត់
• ការព្យាបាលដោយគីមី ថ្នាំប្រឆាំងនឹងជំងឺមហារីកត្រូវបានចាក់ដោយផ្ទាល់ទៅក្នុងថ្លើមដែលមានជំងឺមហារីក ដើម្បីបំផ្លាញកោសិកាមហារីក
• ការដាក់គ្រាប់អង្កាំដែលមានវិទ្យុសកម្មនៅក្នុងថ្លើម វិទ្យុសកម្មអាចធ្វើការអន្តរាគម៏ដោយផ្ទាល់នៅក្នុងថ្លើមដើម្បីទៅសម្លាប់កោសិកាមហារីកដោយប្រើគ្រាប់អង្កាំតូចៗដែលមានផ្ទុកវិទ្យុសកម្ម

ការព្យាបាលដោយកាំរស្មី

កោសិកាមហារីកត្រូវបានកំណត់គោលដៅដោយប្រើកាំរស្មីអ៊ិច និងប្រូតុងជាមួយនឹងថាមពលកាំរស្មីអ៊ិចខ្ពស់ដើម្បីបង្រួមដុំសាច់។ ការព្យាបាលនេះអាចត្រូវបានអនុវត្តប្រសិនបើការព្យាបាលផ្សេងទៀតមិនមានប្រសិទ្ធភាព ឬដើម្បីព្យាបាលបំបាត់រោគសញ្ញាជំងឺមហារីកថ្លើមដំណាក់កាលចុងក្រោយ។ ក្នុងអំឡុងពេលធ្វើនីតិវិធីនេះ អ្នកជំងឺត្រូវដេកលើគ្រែ ហើយម៉ាស៊ីននឹងកំណត់គោលដៅដោយផ្ទាល់ទៅលើផ្នែកណាមួយរបស់រាងកាយដែលត្រូវការការព្យាបាល។ វិធីមួយទៀតរបស់ការបាញ់កាំរស្មីដោយផ្ទាល់ទៅក្នុងកោសិកាមហារីកគឺដោយការព្យាបាលដោយបាញ់កាំរស្មីស្តេរ៉េអូតាក់ទិក ដែលប្រើប្រាស់ការបាញ់វិទ្យុសកម្មតូចៗលើផ្នែករបស់រាងកាយជាក់លាក់មួយ

ការព្យាបាលដោយថ្នាំកំណត់គោលដៅ

ការព្យាបាលកំណត់គោលដៅទប់ស្កាត់ភាពខុសប្រក្រតីជាក់លាក់ណាមួយ ឬការផ្លាស់ប្តូរហ្សែនរបស់កោសិកាមហារីក ដែលនឹងត្រូវបានគេធ្វើតេស្តរកសរសៃប្រសាទសម្រាប់ទទួលជាក់លាក់ (specific receptor) នៅក្នុងមន្ទីរពិសោធន៍

ការព្យាបាលដោយប្រព័ន្ធភាពស៊ាំ

ការព្យាបាលដោយប្រព័ន្ធភាពស៊ាំត្រូវបានប្រើប្រាស់ប្រព័ន្ធភាពស៊ាំរបស់រាងកាយដើម្បីទៅបំផ្លាញកោសិកាមហារីក។ កោសិកាមហារីកបង្កើតប្រូតេអ៊ីនដើម្បីក្លែងបន្លំខ្លួនឯងថាជាកោសិកាធម្មតា ដូច្នេះប្រព័ន្ធភាពស៊ាំរបស់រាងកាយមិនអាចវាយប្រហារពួកវាបានទេ។ ការព្យាបាលដោយប្រព័ន្ធភាពស៊ាំទប់ទល់នឹងដំណើរការនេះដែលដុំសាច់ក្លែងបន្លំខ្លួនឯងនេះ ដែលអនុញ្ញាតឱ្យរាងកាយរកឃើញ និងប្រយុទ្ធប្រឆាំងនឹងកោសិកាមហារីកបាន។ ការព្យាបាលនេះអាចត្រូវបានប្រើសម្រាប់ជំងឺមហារីកថ្លើមដំណាក់កាលចុងក្រោយ

ការព្យាបាលដោយគីមី

ការព្យាបាលដោយគីមីប្រើថ្នាំគីមីដើម្បីបំផ្លាញកោសិកាមហារីកមាន ២ប្រភេទដោយអាចជ្រើសលេបតាមមាត់ដោយប្រភេទថ្នាំគ្រាប់ ឬចាក់តាមសរសៃឈាម។ ពេលខ្លះវាក៏អាចត្រូវបានប្រើសម្រាប់ជំងឺមហារីកថ្លើមដំណាក់កាលធ្ងន់ធ្ងរផងដែរ

Doctors who treat this condition