ដុំសាច់អំប្រ៊ីយ៉ុង (Embryonal tumors)

ការធ្វើរោគវិនិច្ឆ័យ

ជាធម្មតាការធ្វើរោគវិនិច្ឆ័យតែងចាប់ផ្ដើមដោយការសិក្សាអំពីប្រវត្តិវេជ្ជសាស្ត្រ និងការពិភាក្សាអំពីសញ្ញា និងរោគសញ្ញារបស់អ្នកជំងឺ។ បច្ចេកទេស និងការធ្វើតេស្តខាងក្រោមត្រូវបានប្រើដើម្បីកំណត់ដុំសាច់ក្នុងអំប្រ៊ីយ៉ុង ទោះជាយ៉ាងណាក៏ដោយ អាចទាមទារការធ្វើតេស្តបន្ថែមដើម្បីកំណត់ថាតើដុំសាច់មហារីកបានរីករាលដាលឬអត់

• ការពិនិត្យប្រព័ន្ធប្រសាទ៖ ពិនិត្យនេះនិងធ្វើការវាយតម្លៃអំពី ការមើលឃើញ ការស្តាប់ តុល្យភាព ការសម្របសម្រួល និងការឆ្លើយតបពីរាងកាយ ដើម្បីជួយកំណត់តំបន់នៃខួរក្បាលដែលដុំសាច់អាចប៉ះពាល់
• ការធ្វើតេស្តរូបភាព៖ ទីតាំង និងទំហំនៃដុំសាច់ខួរក្បាលអាចកំណត់បានតាមរយៈការប្រើប្រាស់តេស្តដោយរូបភាព។ ការធ្វើតេស្តទាំងនេះមានសារៈសំខាន់ក្នុងការកំណត់ថាតើបណ្តាញខួរឆ្អឹង (CSF) ស្ថិតនៅក្រោមសម្ពាធ ឬត្រូវបានរារាំងឬ។ ភ្លាមៗបន្ទាប់ពីរកឃើញបញ្ហានោះ ការថតរូបភាពអនុភាពម៉ាញេទិក (MRI) ឬការស្កេន tomography (CT) អាចត្រូវបានអនុវត្តបន្ថែម។ ជារឿយៗដុំសាច់ខួរក្បាលតែងរកឃើញជាមួយនឹងបច្ចេកទេសទាំងនេះ។ ក្រៅពីនេះអាចមានការប្រើវិធីសាស្រ្តកម្រិតខ្ពស់ដូចជា magnetic resonance spectroscopy និង perfusion MRI ផងដែរ
• ការធ្វើកោសល្យវិច័យ៖ ការធ្វើកោសល្យវិច័យជាធម្មតាត្រូវបានធ្វើឡើងក្នុងអំឡុងពេលវះកាត់យកដុំសាច់ចេញ ទោះបីជាវាអាចនែនាំឱ្យធ្វើកោសល្យវិច័យមុនពេលវះកាត់។ ប្រសិនបើការពិនិត្យដោយរូបភាពរកឃើញមានលក្ខណៈមិនធម្មតាសម្រាប់ដុំសាច់អំប្រ៊ីយ៉ុង។ នៅក្នុងមន្ទីរពិសោធន៍ និងមានការយកគំរូជាលិកាដែលគួរអោយសង្ស័យទៅពិនិត្យដើម្បីកំណត់ប្រភេទកោសិកាផ្សេងៗ
• ការ​ចោះខួរឆ្អឹងខ្នង (Lumbar Puncture)៖ បច្ចេកទេស​នេះ​ត្រូវ​បាន​គេ​ស្គាល់​ផង​ដែរ​ថា​ជា​ចោះទឹកខួរ​ឆ្អឹងខ្នង (Spinal Tap) ​​ពាក់ព័ន្ធ​នឹង​ការ​ប្រើម្ជុលចោះចូលទៅក្នុង​ចន្លោះ​ឆ្អឹង​ខ្នង​ផ្នែកខាង​ក្រោម​​ដើម្បី​បង្ហូរ​ទឹក​ខួរ​ឆ្អឹងខ្នង​ដែល​នៅ​ជុំវិញ​ខួរ​ឆ្អឹងខ្នង។ ដើម្បីពិនិត្យមើលកោសិកាដុំសាច់ ឬភាពមិនប្រក្រតីផ្សេងៗ។ បន្ទាប់មកទើបធ្វើការពិនិត្យទឹក​ខួរ​ឆ្អឹងខ្នង។ ការធ្វើតេស្តនេះត្រូវបានអនុវត្តតែបន្ទាប់ពីគ្រប់គ្រងសម្ពាធក្នុងខួរក្បាល ឬដកដុំសាច់ចេញប៉ុណ្ណោះ

ការព្យាបាល

អាយុរបស់អ្នកជំងឺ លក្ខណៈ និងទីតាំងរបស់ដុំសាច់ កម្រិត និងវិសាលភាពរបស់វា និងកត្តាផ្សេងៗ រួមមានឥទ្ធិពលលើវិធីព្យាបាលដុំសាច់។ ការព្យាបាលអាចប្រកបដោយ៖

• ការវះកាត់ដើម្បីកាត់បន្ថយការប្រមូលផ្តុំនៃសារធាតុរាវ៖ ដុំសាច់អំប្រ៊ីយ៉ុងមួយចំនួនអាចវិវត្តន៍ទៅរារាំងលំហូរនៃទឹកខួរឆ្អឹងខ្នង ដែលអាចបណ្តាលឱ្យមានការប្រមូលផ្តុំសារធាតុរាវដែលដាក់សម្ពាធលើខួរក្បាល (hydrocephalus)។ ការវះកាត់អាចត្រូវបានណែនាំឱ្យធ្វើដើម្បីបង្កើតផ្លូវសម្រាប់សារធាតុរាវចេញពីខួរក្បាល។ ដំណើរការនេះអាចប្រើម្តងម្កាលជាមួយនឹងការវះកាត់យកដុំសាច់ចេញ
• ការវះកាត់យកដុំសាច់ចេញ៖ ដើម្បីការពារជាលិកាដែលនៅជាប់គ្នា គ្រូពេទ្យវះកាត់សរសៃប្រសាទកុមារ (គ្រូពេទ្យវះកាត់ខួរក្បាល) និងធ្វើការវះកាត់យកដុំសាច់ចេញឱ្យបានច្រើនតាមដែលអាចធ្វើទៅបាននិងប្រកបដោយការប្រុងប្រយ័ត្ន។ កុមារទាំងអស់ដែលមានដុំសាច់អំប្រ៊ីយ៉ុង គួរតែទទួលការព្យាបាលបន្ថែមទៀតបន្ទាប់ពីការវះកាត់ ដើម្បីផ្តោតលើកោសិកាមហារីកដែលអាចនៅរស់រានមានជីវិត
• ការព្យាបាលដោយកាំរស្មី៖ ការព្យាបាលដោយវិទ្យុសកម្មគឺជាប្រើកាំរស្មីដែលមានថាមពលខ្ពស់ ដូចជាកាំរស្មីអ៊ិច ឬប្រូតុង ដើម្បីបញ្ជូនវិទ្យុសកម្មទៅខួរក្បាល និងខួរឆ្អឹងខ្នង ដើម្បីសម្លាប់កោសិកាមហារីក។ ការព្យាបាលដោយប្រើកាំរស្មីប្រូតុង គឺជាជម្រើសមួយសម្រាប់ការព្យាបាលដោយវិទ្យុសកម្មស្តង់ដារ ដែលផ្តល់នូវកម្រិតវិទ្យុសកម្មផ្តោតខ្លាំងជាងទៅនឹងដុំសាច់ខួរក្បាល ដោយមានការជៀសវាងការប៉ះពាល់នឹងវិទ្យុសកម្មទៅកាន់ជាលិកាដែលមានសុខភាពល្អជិតខាង
• ការព្យាបាលដោយប្រើគីមី៖ កោសិកាមហារីកត្រូវបានសម្លាប់ដោយថ្នាំដែលប្រើក្នុងការព្យាបាលដោយប្រើគីមី។ ជាទូទៅថ្នាំទាំងនេះត្រូវបានចាក់ចូលទៅក្នុងសរសៃវ៉ែនសម្រាប់កុមារដែលមានដុំសាច់អំប្រ៊ីយ៉ុង (ការព្យាបាលដោយប្រើគីមីតាមសរសៃឈាម)។ ក្នុងករណីខ្លះ ការព្យាបាលដោយប្រើគីមីអាចត្រូវបានចេញវេជ្ជបញ្ជារួមជាមួយនឹងការព្យាបាលដោយវិទ្យុសកម្ម ឬបន្ទាប់ពីការវះកាត់ ឬការព្យាបាលដោយវិទ្យុសកម្ម
• ការសាកល្បងការព្យាបាល៖ ការសាកល្បងការព្យាបាលពាក់ព័ន្ធនឹងការធ្វើតេស្តការព្យាបាលថ្មីៗ ដោយផ្តល់ឱកាសឱ្យកូនរបស់អ្នកសាកល្បងជម្រើសចុងក្រោយបំផុតដែលមាន។ វាជារឿងសំខាន់ក្នុងការកត់សម្គាល់ថា ហានិភ័យនិងផលប៉ះពាល់ដែលអាចកើតមានពីការព្យាបាលទាំងនេះ ប្រហែលជាមិនទាន់ត្រូវបានយល់ច្បាស់នៅឡើយទេ។ ពិគ្រោះជាមួយសមាជិកក្រុមថែទាំសុខភាពដើម្បីកំណត់ថាតើកូនរបស់អ្នកមានសិទ្ធិចូលរួមក្នុងការសាកល្បងព្យាបាលដែរឬទេ

កុមារដែលមានដុំសាច់ក្នុងអំប្រ៊ីយ៉ុង គួរតែត្រូវបានវាយតម្លៃពី​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ក្រុមគ្រូពេទ្យឯកទេសកុមារដែលមានបទពិសោធន៍ និងសមត្ថភាពក្នុងការព្យាបាលដុំសាច់ក្នុងខួរក្បាលកុមារ និងមានឧបករណ៍វេជ្ជសាស្ត្រ និងការព្យាបាលទាន់សម័យបំផុតសម្រាប់កុមារ ដើម្បីធានាបាននូវការធ្វើរោគវិនិច្ឆ័យ និងការព្យាបាលត្រឹមត្រូវ

Doctors who treat this condition