ជំងឺរលាកថ្លើម ប្រសិនបើទុកចោលយូរមិនព្យាបាល អាចរីករាលដាលរហូតក្លាយជា មហារីកថ្លើម
ជំងឺរលាកថ្លើមអាចវិវត្តធ្ងន់ធ្ងរជាខ្សោយថ្លើម ក្រិនថ្លើម និងមហារីកថ្លើម។ ស្វែងយល់រោគសញ្ញា ការធ្វើតេស្ត និងវិធីការពារ
ថ្ងៃទី 28 ខែកក្កដា ជារៀងរាល់ឆ្នាំ គឺជាទិវាជំងឺរលាកថ្លើមពិភពលោក (World Hepatitis Day) ដែលជាថ្ងៃឆ្លុះបញ្ចាំងពីសារៈសំខាន់នៃការថែទាំសុខភាពថ្លើម ព្រោះជំងឺថ្លើមមិនមែនជារឿងឆ្ងាយខ្លួនទេ គ្រោះថ្នាក់ស្ងាត់មួយដែលមនុស្សជាច្រើនមើលរំលងគឺជំងឺខ្លាញ់រុំថ្លើម ដែលវាអាចចាប់ផ្តើមដោយមិនដឹងខ្លួន ប៉ុន្តែប្រសិនបើធ្វេសប្រហែស និងមិនបានព្យាបាលទេ វាអាចនាំឱ្យកើតជំងឺធ្ងន់ធ្ងរដូចជា ជំងឺរលាកថ្លើមរ៉ាំរ៉ៃ ក្រិនថ្លើម ឬសូម្បីតែមហារីកថ្លើមដំណាក់កាលចុងក្រោយ
ជំងឺខ្លាញ់រុំថ្លើម (NAFLD) គឺជាអ្វី?
ជំងឺខ្លាញ់រុំថ្លើម (Non-Alcoholic Fatty Liver Disease: NAFLD) គឺជាបញ្ហាសុខភាពមួយដែលរកឃើញច្រើនបំផុតនៅក្នុងប្រទេសថៃ ជាពិសេសក្នុងចំណោមអ្នកដែលមានកត្តាហានិភ័យដូចជា៖
ជំងឺនេះបង្កឡើងជាចម្បងដោយការបរិភោគអាហារដែលសម្បូរជាតិខ្លាញ់ និងស្ករ មិនធ្វើលំហាត់ប្រាណ និងលើសទម្ងន់ ទោះបីជារោគសញ្ញាអាចមិនលេចឡើងក្នុងដំណាក់កាលដំបូងក៏ដោយ ប៉ុន្ដែប្រសិនបើមិនបានព្យាបាលទេ វាអាចនាំឱ្យមានជំងឺធ្ងន់ធ្ងរបន្ថែមទៀតដូចជា ជំងឺរលាកថ្លើម ក្រិនថ្លើម និងមហារីកថ្លើម
ហេតុអ្វីចាំបាច់ត្រូវប្រញាប់ពិនិត្យសុខភាពថ្លើម?
ការធ្វើតេស្តថ្លើមដើម្បីរកមើលនូវជំងឺខ្លាញ់រុំថ្លើមនៅដំណាក់កាលដំបូង គឺជារឿងសំខាន់យ៉ាងខ្លាំង ដោយសារវាអាចជួយរៀបចំផែនការព្យាបាលទាន់ពេលវេលា និងការពារការវិវត្តនៃស្ថានភាពធ្ងន់ធ្ងរបន្ថែមទៀតនាពេលអនាគត
បច្ចេកវិទ្យាស្កេនសាច់ថ្លើម (Liver Fibrosis Scan)៖ ការពិនិត្យថ្លើមដោយមិនចាំបាច់ចោះ
បច្ចុប្បន្ននេះអាចត្រួតពិនិត្យវាយតម្លៃស្ថានភាពថ្លើមបានយ៉ាងច្បាស់លាស់ ដោយម៉ាស៊ីន Liver Fibrosis Scan ដែលមានអត្ថប្រយោជន៍គឺ មិនចាំបាច់ចោះសាច់ថ្លើម នឹងមិនត្រូវការវិទ្យុសកម្ម ឬសារធាតុពណ៌
ដំណើរការនៃការស្កេនថ្លើម (Liver Fibrosis Scan)៖
- ការវាស់ភាពរឹងម៉ាំរបស់ថ្លើម
ម៉ាស៊ីនបញ្ជូនរលកសំឡេងប្រេកង់ទាបចូលទៅក្នុងថ្លើម និងវាស់ល្បឿននៃរលកដែលឆ្លុះបញ្ចាំងត្រលប់មកវិញ ដើម្បីវាយតម្លៃភាពរឹងរបស់ថ្លើម - ការវាស់បរិមាណជាត់ខ្លាញ់ក្នុងថ្លើម (CAP)
ដោយប្រើបច្ចេកទេស Controlled Attenuation Parameter (CAP) ដោយវាស់ការបន្ថយរលកសំឡេងដែលឆ្លងកាត់ជាលិកាថ្លើម ដើម្បីវាយតម្លៃបរិមាណខ្លាញ់បង្គរ
គុណសម្បត្តិនៃការស្កេនសាច់ថ្លើម Liver Fibrosis Scan
- ការធ្វើតេស្តចំណាយពេលត្រឹមតែ 5-10 នាទីប៉ុណ្ណោះ
- មិនចាំបាច់ប្រើម្ជុលចោះ កាត់បន្ថយហានិភ័យ និងការឈឺចាប់
- មានសុវត្ថិភាពពីការប្រើប្រាស់វិទ្យុសកម្ម ឬសារធាតុពណ៌
- អាចធ្វើតេស្តម្តងទៀតបានតាមតម្រូវការ
- លទ្ធផលអាចទទួលបានភ្លាមៗបន្ទាប់ពីការធ្វើតេស្ត
- អ្នកអាចត្រឡប់ទៅផ្ទះវិញ ហើយបន្តសកម្មភាពប្រចាំថ្ងៃបានតាមធម្មតា
ដូច្នេះការធ្វើតេស្តនេះគឺស័ក្ដិសមសម្រាប់អ្នកដែលមានកត្តាហានិភ័យ និងអ្នកដែលមិនមានរោគសញ្ញាដើម្បីវាយតម្លៃសុខភាពថ្លើមជាប្រចាំ
តើអ្នកណាគួរពិនិត្យរកជំងឺខ្លាញ់រុំថ្លើម?
- អ្នកដែលមាន បញ្ហាធាត់ ឬ លើសទម្ងន់
- អ្នកជំងឺ ទឹកនោមផ្អែម ឬ លើសឈាម
- អ្នកដែលទទួលទានអាហារសម្បូរជាតិខ្លាញ់ និងជាតិស្ករខ្ពស់
- ទោះបីជាអ្នកមិនមានរោគសញ្ញា ឬហានិភ័យក៏ដោយ ក៏អាចពិនិត្យសុខភាពថ្លើមបានដូចគ្នា
ការការពារជំងឺថ្លើម ចាប់ផ្តើមជាមួយនឹងការត្រួតពិនិត្យសុខភាពជាប្រចាំ
ការប្រើប្រាស់បច្ចេកវិទ្យាស្កេនថ្លើម (Liver Fibrosis Scan) រួមជាមួយនឹងការថែទាំសុខភាព ការគ្រប់គ្រងទម្ងន់ និងការកែប្រែអាកប្បកិរិយា ជួយកាត់បន្ថយហានិភ័យនៃ ជំងឺខ្លាញ់រុំថ្លើម មហារីកថ្លើម និងក្រិនថ្លើម បានយ៉ាងមានប្រសិទ្ធភាព
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលប្រព័ន្ធរំលាយអាហារនិងថ្លើម, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Medically Reviewed by
Dr. Sukprasert Jutaghokiat
Internal Medicine
Gastroenterology and Hepatology
Readers’ Rating
0.0 out of 5 stars (based on 0 reviews)
