ញ័រទ្រូង ងាយអស់កម្លាំងដោយគ្មានមូលហេតុ អាចបង្ហាញពី បេះដូងលោតខុសចង្វាក់
ជំងឺ បេះដូងលោតខុសចង្វាក់ កំពុងក្លាយជាបញ្ហាសុខភាពដែលរកឃើ […]
Table of Contents
ជំងឺស្ទះសរសៃឈាមបេះដូង ជាបញ្ហាសុខភាពដែលរកឃើញញឹកញាប់ ជាពិសេសចំពោះក្រុមមនុស្សចាស់ និងអ្នកដែលមានកត្តាហានិភ័យដូចជា លើសឈាម ទឹកនោមផ្អែម ខ្លាញ់ក្នុងឈាមខ្ពស់ ឬមានប្រវត្តិគ្រួសារកើតជំងឺបេះដូង នៅពេលដែលស្ថានភាពនេះកើតឡើង គ្រូពេទ្យនឹងពិចារណាពីវិធីសាស្ត្រព្យាបាលដែលសមស្របបំផុតសម្រាប់អ្នកជំងឺម្នាក់ៗ។ បច្ចុប្បន្ននេះ មានវិធីសាស្រ្តព្យាបាលសំខាន់ៗចំនួនបីគឺ៖ ការព្យាបាលដោយថ្នាំ ការពង្រីកសរសៃឈាមបេះដូងដោយប៉េងប៉ោង និងការវះកាត់តសរសៃឈាមបេះដូង ដោយដំបូងវេជ្ជបណ្ឌិតនឹងព្យាបាលដោយថ្នាំ ប៉ុន្ដែប្រសិនបើសរសៃឈាមត្បៀតលើស 70% នឹងត្រូវធ្វើការពង្រីកដោយប្រើដាក់ប៉េងប៉ោង ឬធ្វើការតសរសៃឈាម ដោយវិធីសាស្រ្តទាំងពីរមានគុណសម្បត្តិ និងដែនកំណត់ខុសៗគ្នា៖
1. ការព្យាបាល ជំងឺស្ទះសរសៃឈាមបេះដូង ដោយការពង្រីកសរសៃឈាមបេះដូងដោយប៉េងប៉ោង (Balloon Angioplasty)
ការដាក់ប៉េងប៉ោង (Balloon Angioplasty) ឬការពង្រីកសរសៃឈាមបេះដូងដោយប្រើប៉េងប៉ោង (Percutaneous Coronary Intervention: PCI) គឺជានីតិវិធីមួយដែលធ្វើការដាក់បំពង់សុងដែលមានប៉េងប៉ោងតូចខ្នាតតូចចូលទៅក្នុងសរសៃឈាមដែលត្បៀត។ បន្ទាប់មកធ្វើការពង្រីកប៉េងប៉ោងដើម្បីពង្រីកសរសៃឈាមដើម្បីឱ្យឈាមហូរកាន់តែងាយស្រួល ហើយក្នុងករណីជាច្រើន វេជ្ជបណ្ឌិតអាចដាក់លួស (Stent) ដែលមានលក្ខណៈជាសំណាញ់ ដើម្បីការពារមិនឪ្យមានការស្ទះសរសៃឈាមឡើងវិញម្ដងទៀត
អត្ថប្រយោជន៍នៃការពង្រីកសរសៃឈាមបេះដូងដោយប៉េងប៉ោង
- មិនចាំបាច់វះកាត់ធំ៖ គឺជានីតិវិធីដែលមិនចាំបាច់ធ្វើការវះកាត់បើកទ្រូង ជួយឪ្យអ្នកជំងឺឆាប់ជាសះស្បើយ
- រយៈពេលនៃការជាសះស្បើយខ្លី៖ អ្នកជំងឺអាចត្រឡប់ទៅផ្ទះវិញបានក្នុងរយៈពេល 1-2ថ្ងៃបន្ទាប់ពីនីតិវិធី
ដែនកំណត់នៃការពង្រីកសរសៃឈាមបេះដូងដោយប៉េងប៉ោង
- មិនស័ក្តិសមសម្រាប់អ្នកជំងឺដែលមានការស្ទះច្រើនកន្លែង ឬមានស្នាមជំងឺរាយប៉ាយពាសពេញ
- មានឱកាសនៃការត្បៀតឡើងវិញម្ដងទៀតបាន ប្រសិនបើអ្នកមិនបានថែរក្សាសុខភាពរបស់អ្នក និងធ្វើតាមការណែនាំរបស់វេជ្ជបណ្ឌិតយ៉ាងតឹងរ៉ឹង
2. ការព្យាបាល ជំងឺស្ទះសរសៃឈាមបេះដូង ដោយការវះកាត់តសរសៃឈាមបេះដូង (Coronary Artery Bypass Surgery)
ការវះកាត់តសរសៃឈាមបេះដូង ឬ Coronary artery bypass grafting (CABG) គឺជាវិធីវះកាត់ដែលប្រើសរសៃឈាមពីផ្នែកផ្សេងទៀតនៃរាងកាយ ដូចជាជើង ឬទ្រូង ដើម្បីភ្ជាប់ទៅសរសៃឈាមបេះដូងខាងលើ និងខាងក្រោមចំនុចដែលស្ទះ ដើម្បីឱ្យឈាមហូរទៅកាន់បេះដូងបានតាមធម្មតា
អត្ថប្រយោជន៍នៃការវះកាត់តសរសៃឈាមបេះដូង
- កែសម្រួលបានច្រើនកន្លែង៖ អាចព្យាបាលសរសៃឈាមដែលស្ទះច្រើនចំនុចបាន ក្នុងពេលតែមួយ
- ស័ក្តិសមសម្រាប់ករណីស្មុគស្មាញ៖ ប្រើសម្រាប់ព្យាបាលអ្នកជំងឺដែលមានបញ្ហាត្បៀតខ្លាំង ឬមានបញ្ហាផ្សេងៗរួមជាមួយ
- លទ្ធផលនៃការព្យាបាលរយៈពេលវែងល្អ៖ មានឱកាសទាបដែលសរសៃឈាមនឹងរួមតូចម្តងទៀត
ដែនកំណត់នៃការវះកាត់តសរសៃឈាមបេះដូង
- រយៈពេលនៃការជាសះស្បើយយូរ៖ ត្រូវចំណាយពេលប្រហែល 1សប្តាហ៍ ឬច្រើនជាងនេះដើម្បីសម្រាកក្នុងមន្ទីរពេទ្យ ហើយត្រូវសម្រាកនៅផ្ទះជាច្រើនសប្តាហ៍ទៀត
- ទាមទារការថែទាំក្រោយការវះកាត់យ៉ាងជិតស្និទ្ធ៖ ត្រូវការការស្តារសម្ថតភាពបេះដូងឡើងវិញ និងការកែប្រែរបៀបរស់នៅ
ចំនុចដែលគួរពិចារណាក្នុងការជ្រើសរើសការព្យាបាល ជំងឺស្ទះសរសៃឈាមបេះដូង ដោយការពង្រីកសរសៃឈាមបេះដូងដោយប៉េងប៉ោង ឬការវះកាត់តសរសៃឈាមបេះដូង
ការសម្រេចចិត្តជ្រើសរើសរវាងការពង្រីកសរសៃឈាមបេះដូងដោយប៉េងប៉ោង និងការវះកាត់តសរសៃឈាមបេះដូង ត្រូវពិចារណាកត្តាជាច្រើន ដោយវេជ្ជបណ្ឌិតឯកទេសនឹងវាយតម្លៃ និងផ្តល់ដំបូន្មានសមស្របបំផុតសម្រាប់អ្នកជំងឺម្នាក់ៗ
- រោគសញ្ញា និងស្នាមជំងឺ៖ ក្នុងករណីដែលមានការស្ទះសរសៃឈាមច្រើន ឬស្មុគ្រស្មាញ គ្រូពេទ្យអាចនឹងណែនាំ Bypass ជាជម្រើសដែលសមស្របជាង ខណៈពេលដែលមានការស្ទះមួយតែចំណុច អាចគ្រប់គ្រងបានដោយការពង្រីកសរសៃឈាមបេះដូងដោយប៉េងប៉ោង
- ជំងឺប្រចាំខ្លួនរបស់អ្នកជំងឺ៖ អ្នកជំងឺដែលមានជំងឺប្រចាំខ្លួន ដូចជាជំងឺទឹកនោមផ្អែម ជំងឺសម្ពាធឈាមខ្ពស់ ឬជំងឺសួត អាចមានហានិភ័យខ្ពស់ក្នុងការវះកាត់ធំ
- អត្រាជោគជ័យ និងការជាសះស្បើយឡើងវិញ៖ ការពង្រីកសរសៃឈាមបេះដូងដោយប៉េងប៉ោងមានរយៈពេលខ្លី ខណៈពេលដែលការវះកាត់ Bypass អាចជួយការពារជំងឺត្បៀតសរសៃឈាមបេះដូងមិនឪ្យត្រលប់មកកើតឡើងវិញក្នុងរយៈពេលយូរ
- ផលវិបាក និងហានិភ័យ៖ ការវះកាត់ Bypass គឺជាការវះកាត់ដ៏ធំមួយ ដូច្នេះមានហានិភ័យខ្ពស់។ ខណៈពេលដែលការដាក់ប៉េងប៉ោងមានហានិភ័យទាប ប៉ុន្តែវាមានឱកាសដែលសរសៃឈាមបេះដូងអាចស្ទះម្តងទៀតនៅកន្លែងផ្សេងទៀត
ទាំងការដាក់ប៉េងប៉ោង និងការវះកាត់តសរសៃឈាមបេះដូងមាន គុណសម្បត្តិ និងដែនកំណត់ខុសៗគ្នា។ ការជ្រើសរើសវិធីសាស្រ្តនៃការព្យាបាលដែលសមស្របអាស្រ័យលើភាពស្មុគស្មាញនៃជំងឺសរសៃឈាមបេះដូង កត្តាហានិភ័យដែលពាក់ព័ន្ធ និងការពិគ្រោះយោបល់សមស្របពីគ្រូពេទ្យឯកទេសផ្នែកបេះដូងនិងទ្រូង
សម្រាប់អ្នកដែលកំពុងស្វែងរកការព្យាបាលជំងឺស្ទះសរសៃឈាមបេះដូង ឬស្ទះសរសៃឈាម លោកអ្នកអាចមកពិគ្រោះយោបល់នៅមន្ទីរពេទ្យអន្ដរជាតិវេជ្ជថានី ដែលមានការត្រៀមខ្លួនជាស្រេចក្នុងការផ្តល់ការណែនាំពីការធ្វើរោគវិនិច្ឆ័យជំងឺបេះដូងដំណាក់កាលដំបូង ការព្យាបាល វះកាត់ និងការតាមដានរយៈពេល២៤ម៉ោងដោយក្រុមគ្រូពេទ្យឯកទេសបេះដូង និងដើមទ្រូង តាមរយៈបច្ចេកវិជ្ជា និងឧបករណ៍វេជ្ជសាស្ត្រទំនើបៗ
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលបេះដូង, មន្ទីរពេទ្យអន្ដរជាតិវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
Readers’ Rating
0.0 out of 5 stars (based on 0 reviews)
