ដុំសាច់ក្នុងស្បូន

ការធ្វើរោគវិនិច្ឆ័យ

ការធ្វើតេស្តទាំងនេះអាចត្រូវបានអនុវត្ត ប្រសិនបើអ្នកត្រូវបានគេសង្ស័យថាមានដុំសាច់ក្នុងស្បូន៖

• • ការពិនិត្យមាត់ស្បូន៖ ការពិនិត្យប្រដាប់ភេទដោយបញ្ចូលម្រាមដៃចង្អុល និងម្រាមដៃកណ្តាលចូលទៅក្នុងទ្វារមាស ខណៈពេលដែលដៃម្ខាងទៀតចុចលើពោះដើម្បីស្ទាបរកទីតាំងស្បូន និងអូវែរ។ បន្ទាប់មក ឧបករណ៍វាស់ស្ទង់មួយត្រូវបានបញ្ចូលដើម្បីពិនិត្យមើលភាពខុសប្រក្រតីនៅក្នុងមាត់ស្បូន និងទ្វារមាស
  • ការពិនិត្យអ៊ុលត្រាសោន​តាម​មាត់ស្បូន៖វិធីសាស្រ្តមួយទៀតដែលពាក់ព័ន្ធនឹងអ៊ុលត្រាសោនតាមមាត់ស្បូន គឺការពិនិត្យ hysterosonography ដែលត្រូវបានគេស្គាល់ផងដែរថាជាការពិនិត្យ sonohisterography។ ក្នុងករណីនេះ សូលូយស្យុងអំបិលត្រូវបានចាក់ចូលទៅក្នុងស្បូនដោយប្រើបំពង់តូចមួយដែលបញ្ចូលតាមទ្វារមាស និងមាត់ស្បូន។ សូលូយស្យុងអំបិលធ្វើឱ្យពង្រីកស្រទាប់ស្បូន ដែលធ្វើឱ្យកាន់តែងាយស្រួលក្នុងការមើលឃើញក្នុងអំឡុងពេលពិនិត្យអ៊ុលត្រាសោន​ពាក់ព័ន្ធនឹងការបញ្ចូលឧបករណ៍ស្តើងរាងជាបំពង់ចូលទៅក្នុងស្បូន និងប្រើរលកសំឡេងដើម្បីបង្កើតរូបភាពនៃស្បូន និងផ្នែកខាងក្នុងរបស់វា។ អាចមើលឃើញយ៉ាងច្បាស់នូវដុំសាច់ ឬជាលិកាស្បូនក្រាស់ក៏អាចមើលឃើញផងដែរ
  • Hysteroscopy: នីតិវិធីនេះពាក់ព័ន្ធនឹងការបញ្ចូលបំពង់ស្តើងដែលអាចបត់បែនបាន និងមានពន្លឺចូលទៅក្នុងស្បូនតាមរយៈទ្វារមាស និងមាត់ស្បូន។ នេះអនុញ្ញាតឱ្យវេជ្ជបណ្ឌិតអាចពិនិត្យមើលផ្ទៃស្បូន និងស្រទាប់ស្បូន
  • ការធ្វើកោសល្យវិច័យជាលិកាស្រទាប់ស្បូន៖ នីតិវិធីនេះពាក់ព័ន្ធនឹងការបញ្ចូលបំពង់ស្តើង និងអាចបត់បែនបានតាមរយៈមាត់ស្បូន ដើម្បីប្រមូលសំណាកជាលិកាពីខាងក្នុងស្បូន។ នៅពេលដែលសំណាកត្រូវបានប្រមូលរួច វាត្រូវបានបញ្ជូនទៅមន្ទីរពិសោធន៍សម្រាប់ការវិភាគ។ ដំណើរការនេះពាក់ព័ន្ធនឹងការយកជាលិកាពីស្រទាប់ស្បូនរបស់អ្នក ហើយវិភាគវានៅក្នុងមន្ទីរពិសោធន៍។ ការធ្វើកោសល្យវិច័យអាចរកឃើញដុំសាច់នៅក្នុងស្បូន

ដុំសាច់ក្នុងស្បូនជាធម្មតាមិនមានគ្រោះថ្នាក់ទេ ប៉ុន្តែដុំសាច់ក្នុងស្បូនមួយចំនួនអាចមើលទៅដូចភាពខុសប្រក្រតីដែលជាប្រភេទមុនមហារីក ដូចជាស្រទាប់ស្បូនមានការរីកធំ ឬមហារីកស្បូន ដែលត្រូវបានគេស្គាល់ថាជាមហារីកស្រទាប់ស្បូន។ ជាធម្មតា គ្រូពេទ្យណែនាំឱ្យយកដុំសាច់ចេញ ហើយបញ្ជូនជាលិកាទៅវិភាគនៅមន្ទីរពិសោធន៍ ដើម្បីពិនិត្យរកមហារីកស្បូន

ការព្យាបាល

សម្រាប់ដុំសាច់ក្នុងស្បូនគ្រូពេទ្យរបស់អ្នកនឹងណែនាំជម្រើសការព្យាបាលដូចខាងក្រោម៖

• ការតាមដានយ៉ាងដិតដល់៖ គឺជាគន្លឹះសំខាន់ប្រសិនបើដុំសាច់មានទំហំតូច និងគ្មានរោគសញ្ញា ជារឿយៗវាបាត់ទៅវិញដោយខ្លួនឯងដោយមិនចាំបាច់ព្យាបាលទេ លុះត្រាតែមានហានិភ័យនៃជំងឺមហារីកស្បូន
• ថ្នាំ៖ ថ្នាំអរម៉ូនដូចជាថ្នាំ progestin និងថ្នាំ gonadotropin អាចបំបាត់រោគសញ្ញាដុំសាច់ក្នុងស្បូនបណ្ដោះអាសន្ន
• ការវះកាត់យកដុំសាច់ចេញ៖ វេជ្ជបណ្ឌិតនឹងប្រើឧបករណ៍មួយហៅថា hysteroscope បញ្ចូលទៅក្នុងស្បូនដើម្បីយកដុំសាច់ចេញ។ បន្ទាប់មកដុំសាច់ត្រូវបានបញ្ជូនទៅវិភាគនៅក្នុងមន្ទីរពិសោធន៍

ប្រសិនបើដុំសាច់ក្នុងស្បូនមានកោសិកាមហារីក គ្រូពេទ្យនឹងពិភាក្សាអំពីជម្រើសនៃការព្យាបាលជំងឺមហារីករបស់អ្នក

Doctors who treat this condition