ជាមួយនឹងចំណេះដឹងផ្នែកវេជ្ជសាស្រ្ដបច្ចុប្បន្ន ធ្វើឱ្យយើងដឹងអំពីជំងឺមហារីកពោះវៀនធំ បង្កមកពីទងសាច់ឬ Polyp ក្នុងពោះវៀនធំ។ នៅពេលដែលទងសាច់ កើតឡើងនៅក្នុងពោះវៀនធំ អ្នកជំងឺនឹងមិនមានរោគសញ្ញាអ្វីឡើយ។ រហូតទាល់តែទងសាច់មានខ្នាត ធំ និងក្លាយជាមហារីក ទើបចាប់ផ្ដើមមានរោគសញ្ញាកើតឡើង។ បច្ចុប្បន្ននេះ គ្រូពេទ្យអាចរកឃើញទងសាច់នៅក្នុងពោះវៀនធំបាន ជាមួយនឹងបច្ចេកវិទ្យាឆ្លុះពិនិត្យពោះវៀនធំ (colonoscopy) ដែលជួយឪ្យរកឃើញទងសាច់ចាប់តាំងពីដំណាក់កាលដំបូង បើទោះបីជាវាមានទំហំតូចត្រឹមតែ 2 មិល្លីម៉ែត្រ ឬទំហំស្មើសណ្តែកបៃតងក៏ដោយ។ ក្រៅពីនេះវាត្រូវបានគេប្រើរួមជាមួយនឹងបច្ចេកទេសជ្រលក់លើផ្ទៃ និងសរសៃឈាមនៃទងសាច់ ដោយពន្លឺពិសេសមួយហៅថា Magnify Narrow Band Imaging, Magnify NBI ដែលអាចប្រាប់ពីប្រភេទ polyp ដែលបានរកឃើញ ថាតើវាប្រែទៅជាមហារីកហើយឬនៅ? តើវារីករាលដាលហើយឬនៅ? ដើម្បីផ្តល់ការព្យាបាលសមស្របសម្រាប់ប្រភេទទងសាច់នីមួយៗ
នៅពេលដែលគេរកឃើញទងសាច់ពីការឆ្លុះពោះវៀនធំរួច គ្រូពេទ្យអាចធ្វើការកាត់ទងសាច់ចេញ មុនពេល polyps មានឱកាសក្លាយជាមហារីកពោះវៀនធំនាពេលអនាគត ដែលជាវិធីបង្ការជំងឺមហារីកពោះវៀនធំត្រង់ចំនុចនិងសុវត្ថិភាពបំផុត។ លើសពីនេះ ជាមួយនឹងបច្ចេកទេសការវះកាត់តាមកាមេរ៉ាឆ្លុះពោះវៀនធំហៅថា Endoscopic Submucosal Dissection ឬ ESD ជួយឪ្យអាចធ្វើការកាត់ទងសាច់ដែលមានខ្លាតធំៗបាន បើទោះជាមួយចំនួនបានក្លាយទៅជាមហារីករួច ប៉ុន្តែវាមិនបានរីករាលដាលដល់កូនកណ្តុរ អាចយកចេញតាមរយៈការឆ្លុះពោះវៀនធំ ជួយអ្នកជំងឺមិនចាំបាច់មានរបួសវះកាត់ពោះ ហើយក្នុងករណីខ្លះវាមិនចាំបាច់ក្នុងការលើកពោះវៀន និងបើកពោះ (colostomy) ដោយមិនចាំបាច់នោះទេ។ ទោះបីជាយ៉ាងណាក៏ដោយ បន្ទាប់ពីការវះកាត់តាមកាមេរ៉ា អ្នកជំងឺគួរតែទទួលការតាមដានដោយការឆ្លុះពិនិត្យប្រព័ន្ធរំលាយអាហារឪ្យបានទៀងទាត់ តាមការណែនាំរបស់វេជ្ជបណ្ឌិត
ទោះជាយ៉ាងណាក៏ដោយ ការឆ្លុះពោះវៀនធំដើម្បីស្វែងរកទងសាច់ ប្រៀបដូចជាការពិនិត្យតាមដានរាងកាយ ដោយមិនចាំបាច់មានភាពខុសប្រក្រតីកើតឡើងនោះទេ ជាពិសេសមនុស្សដែលមានអាយុលើសពី 50 ឆ្នាំ ឬមានប្រវត្តិគ្រួសារមានជំងឺមហារីកពោះវៀនធំ គួរតែការឆ្លុះប្រព័ន្ធរំលាយអាហារឪ្យបានទៀងទាត់ ហើយអ្នកគួរជ្រើសរើសទៅជួបគ្រូពេទ្យដែលមានបទពិសោធន៍ក្នុងការប្រើប្រាស់បច្ចេកវិទ្យា Endoscopic ដើម្បីធ្វើការវិនិច្ឆ័យបានត្រឹមត្រូវ គួរតែកាត់បន្ថយអាកប្បកិរិយាហានិភ័យដែលអាចបណ្តាលឱ្យមានភាពមិនប្រក្រតីនៃពោះវៀនធំ ដូចជាការញ៉ាំអាហារមិនទាន់ឆ្អិន អាហារកក ឬកែច្នៃដូចជាសាច់ក្រហម និងសាច់ក្រកជាដើមសម្រាប់
មជ្ឈមណ្ឌលមហារីក, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
service@vejthani.com
