ក្រពេញប្រូស្តាតរីកធំ ជាជំងឺទូទៅសម្រាប់បុរសដែលមានអាយុចាប់ពី 50ឆ្នាំឡើងទៅ កត្តាចំបងគឺការផ្លាស់ប្តូរអ័រម៉ូនបុរសនៅពេលអាយុច្រើនជាងមុន។ បច្ចុប្បន្ននេះមានបច្ចេកវិទ្យាដើម្បីព្យាបាលក្រពេញប្រូស្តាតរីកធំដោយមិនចាំបាច់វះកាត់ ដែលជាការព្យាបាលដោយចំហាយទឹក ឬ Rezum Water Vapor Therapy ចំណាយពេលត្រឹមតែ 10-15នាទីប៉ុណ្ណោះ
តើជំងឺក្រពេញប្រូស្តាតរីកធំគឺជាអ្វី?
លោកវេជ្ជបណ្ឌិត Dr. Santapon Chamnarnprai គ្រូពេទ្យឯកទេសផ្នែកប្រព័ន្ធបង្ហូរនោមនៅមន្ទីរពេទ្យវេជ្ជថានី បានពន្យល់ថា ក្រពេញប្រូស្តាតរីកធំ គឺជាស្ថានភាពដែលក្រពេញប្រូស្តាតធំជាងធម្មតា រហូតដល់វាសង្កត់ទៅលើបង្ហួរនោមឪ្យរួមតូចជាងមុន បង្កឱ្យមានអាការៈទឹកនោមទាស់ នោមញឹកនៅពេលយប់ ទប់ទឹកនោមមិនបាន ឬនោមមិនអស់បាន
ការណែនាំអំពីការព្យាបាល
- ការកែប្រែអាកប្បកិរិយា
វិធីការព្យាបាលក្រពេញប្រូស្តាតរីកធំដែលនិយមប្រើទូទៅ វានឹងចាប់ផ្តើមជាមួយនឹងការផ្លាស់ប្តូរអាកប្បកិរិយា ដូចជាកាត់បន្ថយការទទួលទានទឹកនៅពេលយប់ ឬកាត់បន្ថយភេសជ្ជៈដែលមានជាតិកាហ្វេអ៊ីន ដូចជាតែ កាហ្វេ និងលេបថ្នាំបន្ធូរសាច់ដុំប្រូស្តាត ដើម្បីជួយសម្រួលដល់បញ្ហាទឹកនោមទាស់ដោយចាំបាច់ត្រូវអនុវត្តជាបន្តបន្ទាប់
- ការវះកាត់ដោយកាមេរ៉ា
ក្នុងករណីដែលមានរោគសញ្ញាធ្ងន់ធ្ងរ ដូចជានោមមិនចេញ ឬមានឈាមក្នុងទឹកនោម គ្រូពេទ្យអាចនឹងពិចារណាធ្វើការវះកាត់ក្រពេញប្រូស្តាតដោយប្រើកាមេរ៉ាសុងបងហូរនោម ដើម្បីការពារផលវិបាកដែលអាចកើតមាន ដូចជាការឆ្លងមេរោគ ឬជំងឺខ្សោយតម្រងនោម
- Rezum Water Vapor Therapy បច្ចេកវិទ្យាសម្រាប់ព្យាបាលក្រពេញប្រូស្តាតរីកធំដោយប្រើចំហាយទឹក មិនចាំបាច់វះកាត់ទេ
ការប្រើប្រព័ន្ធចំហាយទឹកកាត់បន្ថយខ្នាតនៃក្រពេញប្រូស្ដាត ឬ Rezum Water Vapor Therapy គឺជាបច្ចេកវិទ្យាថ្មីដែលប្រើដើម្បីព្យាបាលក្រពេញប្រូស្តាតរីកធំមិនចាំបាច់វះកាត់ ដោយប្រើប្រាស់ចំហាយទឹក ដើម្បីធ្វើឱ្យក្រពេញប្រូស្តាតតូចជាងមុន និងបង្ហួរនោមមានទំហំធំជាមុន
វេជ្ជបណ្ឌិតនឹងបញ្ចូលឧបករណ៍ និងកាមេរ៉ាតាមរយៈបង្ហួរនោមទៅក្នុងក្រពេញប្រូស្តាត បន្ទាប់មក បាញ់ចំហាយទឹកដែលមានសីតុណ្ហភាព 103អង្សាសេ ចូលទៅក្នុងក្រពេញប្រូស្តាត ប្រហែល 6-10ដង ម្តង 9វិនាទី ដោយចំហាយទឹកដែលមានកម្ដៅក្ដៅនឹងរាលដាលទៅបំផ្លាញកោសិកានៃក្រពេញប្រូស្តាត ធ្វើឱ្យកោសិកាដែលរារាំងបង្ហួរនោមស្លាប់ បន្ទាប់មក រាងកាយនឹងកម្ចាត់កោសិកាដែលស្លាប់តាមធម្មជាតិ
ការព្យាបាលក្រពេញប្រូស្តាតរីកធំដោយចំហាយទឹក ជាវិធីសុវត្ថិភាពដោយមិនចាំបាច់វះកាត់ ចំណាយពេលត្រឹមតែ 10-15នាទីដើម្បីអនុវត្ត។ អ្នកជំងឺមិនចាំបាច់ប្រើថ្នាំសន្លប់ និងមិនចាំបាច់ស្នាក់នៅក្នុងមន្ទីរពេទ្យ គ្រាន់តែសម្រាកមួយរយៈពេលខ្លីបន្ទាប់ពីការព្យាបាល ហើយអ្នកអាចត្រឡប់ទៅផ្ទះវិញនៅក្នុងថ្ងៃដែលទទួលការព្យាបាលបាន
បន្ទាប់ពីព្យាបាលរួច គ្រូពេទ្យនឹងបញ្ចូលបំពង់បង្ហូរនោមឱ្យអ្នកជំងឺរយៈពេលប្រហែល 7ថ្ងៃ ដើម្បីជួយអ្នកជំងឺមិនចាំបាច់នោមដោយខ្លួនឯង ដើម្បីជួយឱ្យការហើមបាត់ទៅវិញបានលឿន និងជាសះស្បើយលឿនជាងមុន។ បន្ទាប់ពី 7ថ្ងៃវេជ្ជបណ្ឌិតនឹងធ្វើការណាត់ជួបដើម្បីពិនិត្យតាមដាននិងដកបំពង់បង្ហូរនោម។ អ្នកជំងឺអាចពិបាកបត់ជើងតូចខ្លះៗនៅអំឡុងពេលដំបូងដោយសារការហើម ហើយអាចមានអារម្មណ៍ថាក្រហាយអំឡុងពេលនោម រួមទាំងមានឈាមតិចតួចលាយក្នុងទឹកនោមប្រហែល 4-6សប្តាហ៍។ ជាទូទៅរោគសញ្ញាប្រសើរឡើងក្នុងរយៈពេល 2សប្តាហ៍ ហើយភាគច្រើនជាសះស្បើយទាំងស្រុងក្នុងរយៈពេល 6សប្តាហ៍ លទ្ធផលមានរយៈពេល 5ឆ្នាំដោយមានការពិនិត្យតាមដានរៀងរាល់ 2-5 ឆ្នាំម្តង
តើការព្យាបាលក្រពេញប្រូស្តាតរីកធំដោយចំហាយទឹកសមរម្យសម្រាប់អ្នកណា?
ការព្យាបាលដោយចំហាយទឹក (Rezum Water Vapor Therapy) សមរម្យសម្រាប់អ្នកជំងឺដែលមានអាយុចាប់ពី 50ឆ្នាំឡើងទៅ ដែលទទួលបានការធ្វើរោគវិនិច្ឆ័យថាមានក្រពេញប្រូស្តាតរីកធំមិនលើសពី 30-80 ក្រាម ដោយអ្នកជំងឺធ្លាប់ទទួលថ្នាំពីមុនមក ប៉ុន្តែមិនប្រសើរឡើង ឬមានផលរំខានពីការប្រើថ្នាំ និងមិនអាចទទួលការវះកាត់ដែលតម្រូវឱ្យមានការប្រើថ្នាំសន្លប់យូរ។ លើសពីនេះ អ្នកជំងឺត្រូវតែមិនមានការឆ្លងមេរោគក្នុងប្លោកនោម និងមិនមានអវយវៈសិប្បនិម្មិត
បន្ទាប់ពីការព្យាបាលអ្នកជំងឺគួរតែធ្វើតាមការណែនាំរបស់វេជ្ជបណ្ឌិតយ៉ាងតឹងរ៉ឹង ដើម្បីការពារការឆ្លងមេរោគ ដូចជាការប្រើថ្នាំអង់ទីប៊ីយោទិច ឬថ្នាំបំបាត់ការឈឺចាប់ ថែរក្សាបំពង់បង្ហូរនោមឱ្យបានល្អ ។ល។
បច្ចេកវិទ្យាព្យាបាលក្រពេញប្រូស្តាតរីកធំដោយចំហាយទឹក គឺជាជម្រើសនៃការព្យាបាលមួយដែលមិនត្រូវការការវះកាត់ មិនចាំបាច់ប្រើថ្នាំសន្លប់ មិនចាំបាច់លេបថ្នាំ មិនចាំបាច់សម្រាកនៅមន្ទីរពេទ្យ មិនប៉ះពាល់ដល់សមត្ថភាពផ្លូវភេទ ចំណាយពេលត្រឹមតែ ១០-១៥ នាទីប៉ុណ្ណោះ ហើយអ្នកអាចត្រលប់ទៅផ្ទះវិញបាន
ក្រពេញប្រូស្តាតរីកធំ គឺជាជំងឺដែលមិនគួរមើលរំលង ប្រសិនបើអ្នកកើតវាហើយមិនប្រញាប់ព្យាបាលក្រពេញប្រូស្តាតដែលរីកធំទេ វាអាចនាំអោយមានផលវិបាកតាមមកបណ្ដាលឪ្យការព្យាបាលមានភាពស្មុគស្មាញច្រើនជាងមុន។ ដូច្នេះហើយពួកយើងចង់ណែនាំឱ្យអ្នកព្យាយាមសង្កេតមើលអាការនោមខ្លួនឯង ប្រសិនបើមានបញ្ហាមិនប្រក្រតី អ្នកគួរតែប្រញាប់មកពិនិត្យធ្វើរោគវិនិច្ឆ័យជាបន្ទាន់ ព្រោះការការពារ និងការព្យាបាលទាន់ពេលនឹងផ្តល់ប្រសិទ្ធភាពនៃការព្យាបាលកាន់តែប្រសើរ
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលសុខភាពបុរស និងប្រព័ន្ធបង្ហូរនោម, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
- Readers Rating
- Rated 4.2 stars
4.2 / 5 ( Reviewers) - Excellent
- Your Rating
