Enterovirus ကို မပြင်းထန်မှီ ကာကွယ်ဆေးထိုးခြင်းဖြင့် ကာကွယ်ပါ
ပြင်းထန်သော ဗိုင်းရပ်စ်တစ်မျိုးဖြစ်သည့် Enterovirus 71 သည် Enterovirus 71 (EV71) ကာကွယ်ဆေးကို ထိုးနှံခြင်းဖြင့် ကာကွယ်နိုင်သည်။
Autism Spectrum Disorders (ASDs) သည် ဦးနှောက်ပြဿနာကြောင့် ဖြစ်ပေါ်လာသော ဖွံ့ဖြိုးမှုဆိုင်ရာ မသန်စွမ်းခြင်းတစ်မျိုးဖြစ်သည်။ သိပ္ပံပညာရှင်များသည် ဤပြဿနာကို မည်သည့်အကြောင်းကြောင့် ဖြစ်စေသည်ကို အတိအကျ မသိကြသေးပါ။ ASDs များသည် ငြင်သာအဆင့်မှ ပြင်းထန်အဆင့်ထိတိုင်အောင် ကလေးတစ်ဦး၏ လုပ်ငန်းဆောင်တာများကို မတူညီသောအဆင့်များတွင် သက်ရောက်မှုရှိနိုင်သည်။ ASD ရှိသူသည် အခြားသူများနှင့် ခြားနားစေသော ပုံပန်းသဏ္ဍာန်နှင့် ပတ်သက်၍ များသောအားဖြင့် ဘာမှ မရှိသော်လည်း လူအများစုနှင့် ကွဲပြားသော နည်းလမ်းများဖြင့် ပြောဆိုဆက်ဆံခြင်း၊ ပြုမူခြင်းနှင့် သင်ယူခြင်းတို့ ပြုလုပ်နိုင်သည်။ ASDs ရှိသူများ၏ တွေးခေါ်မှုနှင့် သင်ယူမှုစွမ်းရည်များသည် ပုံမှန်ကလေးများနှင့် သိသိသာသာ ကွဲပြားနိုင်သည်။
ASDs ရှိသူများသည် လူမှုဆက်ဆံရေး၊ စိတ်ခံစားမှုနှင့် ဆက်သွယ်မှုစွမ်းရည်များတွင် ပြဿနာများ ရှိနိုင်သည်။ ၎င်းတို့သည် အချို့သော အပြုအမူများကို ထပ်ခါတလဲလဲ ပြုလုပ်နိုင်ပြီး ၎င်းတို့၏နေ့စဉ်လုပ်ဆောင်မှုများတွင် ပြောင်းလဲမှုကို မလိုလားပေ။ ASDs ရှိသူအများအပြားတွင်လည်း သင်ယူနည်းအမျိုးမျိုးရှိသည်။ အာရုံစိုက်ခြင်း သို့မဟုတ် အရာများကို တုံ့ပြန်ခြင်းတို့တွင်ဖြစ်သည်။ ASD များသည် ကလေးဘဝအစောပိုင်းတွင် စတင်ပြီး လူတစ်ဦး၏ဘဝတစ်လျှောက်လုံးတွင် ဆက်တိုက်ခံစားနေရနိုင်ခြင်းရှိနိုင်သည်။
ASD ရှိသောကလေးဖြစ်နိုင်သော ပုံစံများအနေဖြင့်
- မျက်လုံးချင်းဆုံတာကို ရှောင်ပြီး တစ်ယောက်တည်းနေတတ်ကြသည်
- တခြားသူတွေနဲ့ ပတ်သက်လျှင် အဆင်မပြေခြင်း သို့မဟုတ် စိတ်မ၀င်စားခြ်ငး
- အခြားသူများနှင့် စကားပြောသောအခါတွင် သတိမထားမိသော်လည်း အခြားအသံများကို တုံ့ပြန်တတ်သည်။
- အသက် တစ်နှစ်တွင်ပင် စိတ်ဝင်စားမှုပြသရန် အရာဝတ္တုများကို မပြသတတ်ခြင်း (ပျံသန်းနေသော လေယာဉ်မျိုးကို သာညွှန်ပြနေတတ်ခြင်း)
- အခြားသူတစ်ဦးက ၎င်းတို့ကို ထောက်ပြသောအခါ အရာဝတ္ထုများကို မကြည့်ခြင်း
- တခြားသူတွေရဲ့ ခံစားချက်ကို နားမလည်ခြင်း ဒါမှမဟုတ် သူတို့ရဲ့ ခံစားချက်တွေအကြောင်း ပြောရန် ခက်ခဲခြင်း။ ပွေ့ဖက်ခြင်းများကိုလည်း စိတ်ပါသည့်အချိန်မှသာ လုပ်ခြင်း စသဖြင့် အပြုအမူထူးခြားနေတတ်ခြင်း
- ၎င်းတို့ ပြောသော စကားလုံးများ သို့မဟုတ် စကားစုများကိုလည်း ထပ်ခါထပ်ခါ ပြောခြင်း
- ပုံမှန်စကားလုံးများ သို့မဟုတ် လှုပ်ရှားမှုများကို အသုံးပြု၍ ၎င်းတို့၏ လိုအပ်ချက်များကို ဖော်ပြရာတွင် အခက်အခဲရှိခြင်း
- လုပ်ရိုးလုပ်စဉ်တစ်ခု ပြောင်းလဲသောအခါတွင် လိုက်လျောညီထွေရှိရန် အခက်အခဲရှိခြင်း။
- တူညီသောလုပ်ဆောင်ချက်တွေကို ထပ်ခါထပ်ခါ လုပ်တတ်ခြင်း
ကျွန်ုပ်၏ကလေးတွင် ASD ရှိသည်ဟုထင်ပါက မိဘအနေဖြင့် ဘာလုပ်နိုင်မည်နည်း။
သင့်ကလေး၏ဆရာဝန်နှင့် ဆွေးနွေးပါ။ သင် သို့မဟုတ် သင့်ဆရာဝန်သည် ပြဿနာရှိနိုင်သည်ဟု ထင်ပါက၊ ဖွံ့ဖြိုးမှုဆိုင်ရာ ကလေးအထူးကုဆရာဝန် သို့မဟုတ် ကလေးစိတ်ရောဂါအထူးကုထံ လွှဲပြောင်းပေးပို့ရန် တောင်းဆိုပါ။
ASDs အတွက် အဓိက သုတေသနအခြေပြု ကုသမှုသည် အပြုအမူဆိုင်ရာ ကုသခြင်းဟုမကြာခဏ ခေါ်ဆိုလေ့ရှိသော ပြင်းထန်သော ဦးနှောက်ဖွဲ့စည်းတည်ဆောက်ပုံဆိုင်ရာ ကျွမ်းကျင်မှုဆိုင်ရာ သင်ကြားမှုတစ်ခုဖြစ်သည်။ သင့်ကလေးအတွက် ကောင်းမွန်သောကြီးထွားဖွံ့ဖြိုးလာမှုအတွက် အပြည့်အ၀ရရှိစေရန် ယင်းကဲ့သို့ကုသမှုမျိုးကို တတ်နိုင်သမျှ စောစောစတင်ရန် အလွန်အရေးကြီးပါသည်။ စောစီးစွာရောဂါရှာဖွေနိုင်ခြင်းနှင့် စောစီးစွာ ကုသနိုင်ခြင်းသည် ကလေးငယ်အနာဂတ်အတွက် တကယ့်ထူးခြားမှုကို ဖြစ်စေပါတယ်။
Readers’ Rating
0.0 out of 5 stars (based on 0 reviews)
